ລາວຈັດຕັ້ງພິທີໂຮມຊຸມນຸມມິດຕິງສະເຫຼີມສະຫຼອງ 80 ປີແຫ່ງວັນຊາດຫວຽດນາມ

ພິທີໂຮມຊຸມນຸມມິດຕິງສະເຫລີມສະຫລອງວັນຊາດ ຫວຽດນາມ ຄົບຮອບ 80 ປີ ຈັດຂຶ້ນຢູ່ນະຄອນຫຼວງວຽງຈັນ

       ເຂົ້າຮ່ວມມີບັນດາການນຳ ແລະ ອະດີດການນຳຂອງພັກ ແລະ ລັດ, ຜູ້ຕາງໜ້າບັນດາອົງການຈັດຕັ້ງມະຫາຊົນຂອງລາວ; ແລະ ພະນັກງານ, ພາລະກອນຂອງສະຖານທູດຫວຽດນາມ ປະຈຳລາວ.

ກ່າວຄຳເຫັນທີ່ພິທີສະເຫຼີມສະຫຼອງ 80 ປີແຫ່ງວັນຊາດຫວຽດນາມ (2 ກັນຍາ 1945 – 2 ກັນຍາ 2025), ທ່ານຮອງປະທານປະເທດລາວ ບຸນທອງ ຈິດມະນີ ໄດ້ຍົກໃຫ້ເຫັນຄວາມໝາຍປະຫວັດສາດຂອງການປະຕິວັດເດືອນສິງຫາປີ 1945 ທີ່ໄດ້ປະສົບຜົນສຳເລັດອັນໃຫຍ່ຫຼວງພາໄປເຖິງເຫດການ 2 ກັນຍາ 1945,  ແລະ ວັນທີ 30 ເມສາ 1975. ໄຊຊະນະປະຫວັດສາດທີ່ສຳຄັນຂອງຊາວຫວຽດນາມ; ຢືນຢັນວ່າໄຊຊະນະຂອງການປະຕິວັດຫວຽດນາມ ປີ 1945 ແລະ ໄຊຊະນະປີ 1975 ໄດ້ສ້າງໂອກາດອັນສະດວກໃຫ້ປະຊາຊົນລາວລຸກຂຶ້ນຍາດເອົາເອກະລາດໃນວັນທີ 12/10/1945 ແລະ ແມ່ນໂອກາດເພື່ອໃຫ້ປະຊາຊົນລາວຍຶດອຳນາດ ແລະ ສະຖາປະນາປະເທດສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2/12/1975.
      ສ່ວນທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນມິນເຕີມ ຢືນຢັນວ່າ: ທຸກໆໄຊຊະນະ ແລະ ຜົນສຳເລັດທີ່ປະຊາຊົນຫວຽດນາມ ບັນລຸໄດ້ໃນ 80 ປີຜ່ານມາ ແມ່ນຍ້ອນການສະໜັບສະໜູນ ແລະ ການຊ່ວຍເຫຼືອອັນລ້ຳຄ່າຂອງເພື່ອນມິດສາກົນ, ພິເສດແມ່ນນ້ຳໃຈສາມັກຄີ, ຊ່ວຍເຫຼືອອັນໃຫຍ່ຫຼວງ, ຈິງໃຈ ແລະ ຮັກແພງຂອງພັກ, ລັດ ແລະ ປະຊາຊົນ ລາວ. ຈະບໍ່ມີໄຊຊະນະຫຼືຜົນສຳເລັດຂອງຫວຽດນາມ ແລະ ລາວ ຖ້າຫາກບໍ່ມີຄວາມສາມັກຄີ, ການເສຍສະຫລະ ແລະ ການຊ່ວຍເຫຼືອເຊິ່ງກັນ ແລະ ກັນຂອງປະຊາຊົນສອງປະເທດ.