(ພາບ:VOV) |
ຕອນເຊົ້າວັນທີ 24 ຕຸລາ, ຢູ່ສຳນັກງານລັດຖະບານ, ທ່ານ ຟ້າມມິນຈິງ, ນາຍົກລັດຖະມົນຕີ, ຫົວໜ້າຄະນະຊີ້ນຳສູນກາງກ່ຽວກັບນະໂຍບາຍເຮືອນຢູ່ ແລະ ຕະຫຼາດອະສັງຫາລິມະສັບ ໄດ້ເປັນປະທານກອງປະຊຸມກັບບັນດາກະຊວງ, ຂະແໜງການ, ທ້ອງຖິ່ນ, ວິສາຫະກິດກ່ຽວກັບບັນດາມາດຕະການພັດທະນາບຸກທະລຸເຮືອນຢູ່ສັງຄົມ. ກອງປະຊຸມຈັດຂຶ້ນທາງອອນໄລເຊື່ອມຕໍ່ກັບ 17 ແຂວງ, ນະຄອນທີ່ມີຄວາມຕ້ອງການດ້ານເຮືອນຢູ່ສັງຄົມສູງ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິນຈິງ ຮຽກຮ້ອງຕ້ອງພັດທະນາເຮືອນຢູ່ສັງຄົມຢ່າງໄວວາທີ່ສຸດ ພ້ອມທັງມອບໃຫ້ກະຊວງກໍ່ສ້າງ ເຮັດ ຮ່າງມະຕິກ່ຽວກັບການຜັນຂະຫຍາຍບາງມາດຕະການບຸກທະລຸພັດທະນາ ເຮືອນຢູ່ສັງຄົມ ໄລຍະ 2025-2026 ສຳເລັດ ເພື່ອຕອບສະໜອງຄຳຮຽກຮ້ອງຂອງ ປຊຊ. ເຮືອນຢູ່ສັງຄົມ ຕ້ອງຮັບປະກັນດ້ານຄົມມະນາຄົມ, ເຕັກນິກ, ໄຟຟ້າ, ນ້ຳປະປາ, ສາທາລະນະສຸກ, ວັດທະນະທຳ, ຮັບປະກັນສິດສະເໝີພາບຂອງພົນລະເມືອງກັບບັນດາເປົ້າໝາຍອື່ນ.
