ລັດຖະມົນຕີກະຊວງປ້ອງກັນປະເທດ ມາເລເຊຍ ໄດ້ຮັບການແຕ່ງຕັ້ງເປັນຮອງນາຍົກລັດຖະມົນຕີ

ວັນພະຫັດ, 16:20, 08/07/2021

VOV5

(VOVWORLD) -ທ່ານນາຍົກລັດຖະມົນຕີ Muhyddin Yassin ໄດ້ແຕ່ງຕັ້ງທ່ານລັດຖະມົນຕີຂັ້ນສູງ, ລັດຖະມົນຕີກະຊວງປ້ອງກັນປະເທດ Ismail Sabri Yaakob ເປັນຮອງນາຍົກລັດຖະມົນຕີ ແລະ ທ່ານລັດຖະມົນຕີການຕ່າງປະເທດ Hishammuddin Hussein ເປັນລັດຖະມົນຕີຂັ້ນສູງຮັບຜິດຊອບກະຊວງການຕ່າງປະເທດ.

ທ່ານລັດຖະມົນຕີຂັ້ນສູງ, ລັດຖະມົນຕີກະຊວງປ້ອງກັນປະເທດ Ismail Sabri Yaakob ໄດ້ແຕ່ງຕັ້ງເປັນຮອງນາຍົກລັດຖະມົນຕີ (ພາບ:THE STAR/ASIA NEWS NETWORK)

ວັນທີ 7 ກໍລະກົດ, ຫ້ອງວ່າການສຳນັກງານນາຍົກລັດຖະມົນຕີ ມາເລເຊຍ ໃຫ້ຮູ້ວ່າ ທ່ານນາຍົກລັດຖະມົນຕີ Muhyddin Yassin ໄດ້ແຕ່ງຕັ້ງທ່ານລັດຖະມົນຕີຂັ້ນສູງ, ລັດຖະມົນຕີກະຊວງປ້ອງກັນປະເທດ Ismail Sabri Yaakob ເປັນຮອງນາຍົກລັດຖະມົນຕີ ແລະ ທ່ານລັດຖະມົນຕີການຕ່າງປະເທດ Hishammuddin Hussein ເປັນລັດຖະມົນຕີຂັ້ນສູງຮັບຜິດຊອບກະຊວງການຕ່າງປະເທດ. ຂໍ້ຕົກລົງສອງສະບັບດັ່ງກ່າວ ໄດ້ຍື່ນສະເໜີຕໍ່ພະມະຫາກະສັດ ມາເລເຊຍ Yang di – Pertuan Agong ແລະ ມີຜົນສັກສິດໃນທັນທີ.

ນອກຈາກນັ້ນ, ທ່ານນາຍົກລັດຖະມົນຕີ Muhyddin Yassin ກໍມອບວຽກໃຫ້ທ່ານລັດຖະມົນຕີຂັ້ນສູງ ຮັບຜິດຊອບກະຊວງການຕ່າງປະເທດ Hishammuddin Hussein ເປັນຜູ້ຊ່ວຍວຽກນາຍົກລັດຖະມົນຕີໃນການປະຕິບັດແຜນການຟື້ນຟູປະເທດ ອີກດ້ວຍ.