 ກອງປະຊຸມສຳມະນາ (ພາບ: VOV) |
ທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ເນັ້ນໜັກວ່າ: ພັກ, ລັດ, ລັດຖະບານ ຍາມໃດກໍມີຄວາມເອົາໃຈໃສ່ເຖິງພໍ່ແມ່ປະຊາຊົນບັນດາເຜົ່າສ່ວນໜ້ອຍ ແລະ ເຂດພູດອຍ. ໂຄງການເປົ້າໝາຍແຫ່ງຊາດກ່ຽວກັບບັນດາເຜົ່າສ່ວນໜ້ອຍ ແລະ ເຂດພູດອຍ ແມ່ນມີຄວາມໝາຍອັນຍິ່ງໃຫຍ່, ທັງປະກອບສ່ວນເຂົ້າໃນການກະຕຸ້ນແຫຼ່ງສະໜອງ ແລະ ຄວາມຕ້ອງການ, ສ້າງວຽກເຮັດງານທຳ, ພັດທະນາການຜະລິດ, ດຳເນີນທຸລະກິດ, ທັງມີຄວາມໝາຍສຳຄັນກ່ຽວກັບການໜູນຊ່ວຍສັງຄົມ, ພິເສດແມ່ນສຳລັບບັນດາເປົ້າໝາຍດ້ອຍໂອກາດ, ຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກຢູ່ເຂດຫ່າງໄກສອກຫຼີກ. ບ້ວງເງິນໜູນຊ່ວຍທີ່ມີມູນຄ່າ 137.000 ຕື້ດົ່ງ ນີ້ໄດ້ຮັບການຮັບຮອງເອົາຈາກສະພາແຫ່ງຊາດ ເພື່ອລົງທຶນ, ພັດທະນາໃນໄລຍະ 2021 – 2025, ເຊິ່ງໄດ້ຫວັງວ່າ ຈະສ້າງບາດກ້າວບຸກທະລຸໃນການພັດທະນາເຂດພໍ່ແມ່ປະຊາຊົນບັນດາເຜົ່າສ່ວນໜ້ອຍ ແລະ ເຂດພູດອຍ ແລະ ຕັດສິນໃຈປະຕິບັດວຽກງານການກະກຽມໃຫ້ສຳເລັດ ເພື່ອສາມາດຜັນຂະຫຍາຍປະຕິບັດໂຄງການໃນເດືອນ ເມສາ 2022 ນີ້.
ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີຫວຽດນາມ ຟ້າມບິ່ງມິງ ກໍໄດ້ອວຍພອນບຸນປີໃໝ່ຈອນຈະນຳເທີໄມແດ່ພໍ່ແມ່ປະຊາຊົນ, ພະສົງສຳມະເນັນຊາວເຜົ່າ ຂະແມ ເນື່ອງໃນໂອກາດບຸນປີໃໝ່ ປະເພນີ.
