 ເວທີປາໄສເສດຖະກິດສາກົນ St.Petersburg ຄັ້ງທີ 28 ດຳເນີນຫຼາຍກິດຈະກຳທີ່ແຕກຕ່າງກັນ |
ເວທີປາໄສເສດຖະກິດສາກົນ St.Petersburg ຄັ້ງທີ 28 (SPIEF – 2025) ໄດ້ດຳເນີນໃນວັນທີ 18 ມິຖຸນາ ຢ່າງເປັນທາງການ, ທີ່ຫໍປະຊຸມ ແລະ ເຂດວາງສະແດງ ExpoForum, ຢູ່ນະຄອນ St.Petersburg, ສະຫະພັນ ລັດເຊຍ, ດ້ວຍການເຂົ້າຮ່ວມຂອງຜູ້ແທນເປັນການນຳຂັ້ນສູງ, ນັກຊ່ຽວຊານ ແລະ ວິສາຫະກິດຈຳນວນ 20.000 ທ່ານ ມາຈາກ 140 ປະເທດ ແລະ ເຂດແຄວ້ນ. ຄະນະຜູ້ແທນ ຫວຽດນາມ ໂດຍທ່ານຮອງນາຍົກລັດຖະມົນຕີ ເລແທັ່ງລອງ ນຳໜ້າ.
ເວທີປາໄສມີຫົວຂໍ້ “ບັນດາຄຸນຄ່າລວມ - ພື້ນຖານແກ່ການເຕີບໂຕໃນໂລກຫຼາຍສົ້ນ”, ໂດຍໄດ້ສຸມໃສ່ບັນດາຫົວຂໍ້ໃຫຍ່, ລວມມີ: ການເຕີບໂຕທົ່ວໂລກ, ເສດຖະກິດ ລັດເຊຍ, ບົດບາດຂອງມະນຸດ, ສະພາບແວດລ້ອມດຳລົງຊີວິດ ແລະ ເຕັກໂນໂລຢີໃນອະນາຄົດ. ສິ່ງທີ່ໜ້າສົນໃຈແມ່ນ, ໃນເວທີປາໄສປີນີ້ ຈະມີການໂອ້ລົມສົນທະນາກ່ຽວກັບການດຳເນີນທຸລະກິດສອງຝ່າຍລະຫວ່າງ ລັດເຊຍ ແລະ ບັນດາຄູ່ຮ່ວມມືຍຸດທະສາດ, ເຊັ່ນ: ຫວຽດນາມ, ຈີນ, ອິນເດຍ, ບຣາຊິນ, ອີຣານ, ຕວັກກີ, ສະຫະລັດ ອາຣັບ ເອມມີເລດ (UAE), ພ້ອມກັບບັນດາປະເທດຢູ່ ອາຟະລິກາ, ອາເມລິກາລາຕິນ, EU ແລະ ອາຊຽນ. ເວທີປາໄສ ດັ່ງກ່າວໄດ້ດຳເນີນຮອດວັນທີ 21 ມິຖຸນາ ຈຶ່ງອັດລົງ.
ນັກຂ່າວ VOV ປະຈຳ ລັດເຊຍ
