 ຜູ້ຕາງໜ້າພະແນກວິທະຍາສາດ ແລະ ເຕັກໂນໂລຢີ ນະຄອນ ໂຮ່ຈີມິນ ແລະ Canva ເຊັນບັນບັນທຶການຮ່ວມມື (ພາບ: TTXVN)
|
ໂຄງການຮ່ວມມືດັ່ງກ່າວໄດ້ສຸມໃສ່ການບຳລຸງສ້າງ, ແນະນຳທັກສະ ແລະ ຈິນຕະນາການປະດິດຄິດສ້າງດີຈີຕອນໃຫ້ແກ່ຄູອາຈານ, ນັກສຶກສາ, ນັກຮຽນ, starup ແລະ ວິສາຫະກິດຂະໜາດນ້ອຍ ແລະ ກາງ, ກໍຄືປະຊາຄົມນັກອອກແບບ, ຜູ້ປະດິດແຕ່ງເນື້ອຫາ. ດ້ວຍຈຸດປະສົງເພື່ອໃຫ້ທຸກເປົ້າໝາຍໃນລະບົບນິເວດ ລ້ວນແຕ່ມີໂອກາດໄດ້ເຂົ້າເຖິງເຄື່ອງມື ແລະ ມີທັກສະບັນລຸມາດຖານສາກົນຢູ່ທີ່ນະຄອນ ໂຮ່ຈີມິນ.
ທ່ານ ເລິມດິ່ງຖັງ, ຫົວໜ້າພະແນກວິທະຍາສາດ ແລະ ເຕັກໂນໂລຢີນະຄອນ ໂຮ່ຈີມິນ, ຖືວ່າ ເຫດການຊີ້ໃຫ້ເຫັນວ່າ ນະຄອນບໍ່ພຽງແຕ່ແມ່ນຊາຍຄາຂອງບັນດາບໍລິສັດເຕັກໂນໂລຢີຢູນີຄອນຢູ່ພາຍໃນປະເທດເທົ່ານັ້ນ ຫາກຍັງແມ່ນຈຸດໝາຍປາຍທາງທີ່ໜ້າໄວ້ເນື້ອເຊື່ອໃຈ ແລະ ດູດດື່ມຂອງບັນດາບໍລິສັດເຕັກໂນໂລຢີຢູນີກອນສາກົນອີກດ້ວຍ. ການຮ່ວມມືຍຸດທະສາດລະຫວ່າງສອງຝ່າຍຈະປະກອບສ່ວນສ້າງສະພາບແວດລ້ອມປະດິດສ້າງດີຈີຕອນຢ່າງແຂງແຮງ, ພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
ສ່ວນທ່ານນາງ Elle Liu, ຜູ້ອຳນວຍການ Canva ຫວຽດນາມ, ໄດ້ແບ່ງປັນວ່າ ພື້ນຖານປະດິດແຕ່ງເນື້ອຫາທົ່ວໂລກດ້ວຍຈຳນວນຜູ້ນຳໃຊ້ເກືອບ 300 ລ້ານຄົນ ໄດ້ເລືອກເອົານະຄອນ ໂຮ່ຈີມິນ ຍ້ອນມີລະບົບນິເວດນະວັດຕະກຳທີ່ຂະຫຍັນຂັນເຄື່ອນ, Canva ໃຫ້ຄຳໝັ້ນສັນຍາຈະຮ່ວມເດີນທາງຍາວນານພ້ອມກັບນະຄອນ ໂຮ່ຈີມິນ ໃນວິວັດທະນາການພັດທະນາແຫຼ່ງຊັບພະຍາກອນມະນຸດປະດິດຄິດສ້າງທີ່ມີຄຸນນະພາບສູງ.
