ງານວາງສະແດງ “ບັນດາຜູ້ເປັນລູກຂອງປະເທດຊາດ”

ງານວາງສະແດງແມ່ນໂອກາດເພື່ອໃຫ້ມະຫາຊົນຫວນຄືນ (ພາບ: vnfam.vn)

ວັນທີ 15 ສິງຫາ, ຫໍພິພິຕະພັນວິຈິດສິນ ຫວຽດນາມ ຈະຈັດພິທີໄຂງານວາງສະແດງຫົວເລື່ອງສະເພາະ “ບັນດາຜູ້ເປັນລູກຂອງປະເທດຊາດ”. ນີ້ແມ່ນການເຄື່ອນໄຫວມຸ່ງໄປເຖິງພິທີສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ (02 ກັນຍາ 1945 – 02 ກັນຍາ 2025).

ງານວາງສະແດງຈະແນະນຳພາບແຕ້ມວິຈິດສິນດີເດັ່ນ 80 ແຜ່ນ, ທີ່ໄດ້ແຕ້ມໃນໄລຍະ 1974 – 1986, ເປັນປະເພດວັດສະດຸ, ຄື: ສີຂັດມັນ, ແພໄໝ, ເຈ້ຍ, ໄມ້… ຜ່ານພາສາການສ້າງຮູບພາບທີ່ອຸດົມສົມບູນ ເຊິ່ງໄດ້ແນະນຳບັນດາລູກຫຼານຜູ້ດີເດັ່ນຂອງປະເທດຊາດຢ່າງທີ່ມີຊີວິດຊີວາ, ຈາກບັນດານັກຮົບວິລະຊົນທີ່ໄດ້ຈາລຶກໄວ້ໃນປື້ມປະຫວັດສາດ, ຕະຫຼອດຮອດບັນດາຜູ້ອອກແຮງງານທີ່ມິດງຽບ, ຄື: ກຳມະກອນ, ຊາວກະສິກອນ… ງານວາງສະແດງແມ່ນໂອກາດເພື່ອໃຫ້ມະຫາຊົນຫວນຄືນ, ສ້າງຄວາມເອກອ້າງທະນົງໃຈ ແລະ ສືບທອດແປວໄຟຮັກຊາດ, ປຸກລຸກເຈດຈຳນົງບືນຕົວຂຶ້ນເພື່ອໃຫ້ ຫວຽດນາມ ມີຄວາມວັດທະນາຖາວອນ, ຜາສຸກ.

ງານວາງສະແດງເປີດປະຕູແຕ່ວັນທີ 15 ສິງຫາ ຮອດວັນທີ 10 ກັນຍາ 2025, ຢູ່ຫໍພິພິຕະພັນວິຈິດສິນ ຫວຽດນາມ, ທີ່ ຮ່າໂນ້ຍ.