 (ທ່ານນາງ ໂຮ່ທິກວຽນ, ຮອງຫົວໜ້າສູນສົ່ງເສີມການຄ້າ ແລະ ການລົງທຶນ) |
ງານວາງສະແດງ Sial Interfood 2025 ໄຂຂຶ້ນໃນວັນທີ 12 ພະຈິກ, ຢູ່ ຈາກາກຕາ, ປະເທດ ອິນໂດເນເຊຍ. ນີ້ແມ່ນໜຶ່ງໃນບັນດາເຫດການວາງສະແດງໃຫຍ່ທີ່ສຸດຢູ່ພາກພື້ນ ອາຊີຕາເວັນອອກສ່ຽງໃຕ້ ໃນຂົງເຂດອາຫານ, ເຄື່ອງດື່ມ, ວັດຖຸດິບ, ເຄື່ອງເສີມ ແລະ ເຄື່ອງອຸປະກອນປຸງແຕ່ງອາຫານ.
ປີນີ້, ມີກວ່າ 1.500 ຫົວໜ່ວຍທີ່ມາຈາກ 26 ປະເທດເຂົ້າຮ່ວມ, ໃນນັ້ນ ຫວຽດນາມ ມີ 23 ວິສາຫະກິດ ເຂົ້າຮ່ວມ ດ້ວຍບັນດາປະເພດສິນຄ້າ, ຄື: ເຄື່ອງດື່ມ, ທັນຍາຫານ, ສະບຽງອາຫານ, ເຂົ້າໜົມ, ຢຸກຢາ… ໂດຍນຳໜ້າຄະນະນັກທຸລະກິດ ໂຮ່ຈີມິນ, ທ່ານນາງ ໂຮ່ທິກວຽນ, ຮອງຫົວໜ້າສູນສົ່ງເສີມການຄ້າ ແລະ ການລົງທຶນ, ຄະນະກຳມະການປະຊາຊົນນະຄອນ ໂຮ່ຈີມິນ ໃຫ້ຮູ້ວ່າ:
“ສູນສົ່ງເສີມການຄ້າ ແລະ ການລົງທຶນ ນຳໜ້າຄະນະນັກທຸລະກິດ ຫວຽດນາມ ເຂົ້າຮ່ວມງານວາງສະແດງ. ຂ້າພະເຈົ້າຫວັງວ່າ, ດ້ວຍການເຂົ້າຮ່ວມງານວາງສະແດງຄັ້ງນີ້, ພວກເຮົາຈະສາມາດໂຄສະນາຜະລິດຕະພັນຂອງ ຫວຽດນາມ, ພິເສດແມ່ນທ່າແຮງດ້ານຜະລິດຕະພັນກະເສດປຸງແຕ່ງຂອງ ຫວຽດນາມ ໄປເຖິງຕະຫຼາດ ອິນໂດເນເຊຍ ແລະ ຊ່ວຍໃຫ້ບັນດາວິສາຫະກິດຊອກຫາໂອກາດເປີດກວ້າງຕະຫຼາດ”.
