 ທ່ານ Anton Viktorovich Bredikhin, ນັກວິທະຍາສາດການເມືອງ, ບັນນາທິການໃຫຍ່ ວາລະສານວິທະຍາສາດ Arkhont ຂອງ ລັດເຊຍ ຕອບສຳພາດຕໍ່ນັກຂ່າວ ຫວຽດນາມ (ພາບ: TTXVN) |
ຫວຽດນາມ ແມ່ນແບບຢ່າງທີ່ພົ້ນເດັ່ນກ່ຽວກັບການເຊື່ອມໂຍງລະຫວ່າງ ອາຊີ ກັບ ເອີຣົບ ແລະ ອາດຈະເປັນຂົວຕໍ່ແກ່ການຄ້າເສລີລະຫວ່າງ ສະຫະພັນເສດຖະກິດ ອາຊີ - ເອີຣົບ (EAEU) ກັບ ອາຊຽນ. ນັ້ນແມ່ນຄຳຢືນຢັນຂອງທ່ານ Anton Viktorovich Bredikhin, ນັກວິທະຍາສາດການເມືອງ, ບັນນາທິການໃຫຍ່ ວາລະສານວິທະຍາສາດ Arkhont ຂອງ ລັດເຊຍ.
ເມື່ອແລກປ່ຽນກັບນັກຂ່າວສຳນັກຂ່າວສານ ຫວຽດນາມ ປະຈຳ ສະຫະພັນ ລັດເຊຍ, ທ່ານ Bredikhin ຖືວ່າ ປັດຈຸບັນ, ສະຫະພັນເສດຖະກິດ ອາຊີ - ເອີຣົບ ບໍ່ພຽງແຕ່ແມ່ນເວທີເຊື່ອມໂຍງຂອງບັນດາປະເທດໃນໄລຍະຫຼັງສະຫະພາບ ໂຊວຽດ ເທົ່ານັ້ນ ຫາກຍັງແມ່ນເວທີຂອງບັນດາປະເທດອື່ນຄື ຫວຽດນາມ, ສິງກະໂປ, ເຊີເບຍ ອີກດ້ວຍ. ໃນນັ້ນ, ດ້ວຍບົດບາດເປັນປະເທດທຳອິດທີ່ເຊັນສັນຍາການຄ້າເສລີ (FTA) ກັບ EAEU, ຫວຽດນາມ ສາມາດເປັນຂົວຕໍ່ ແລະ ສ້າງປະຖົມປັດໄຈໃຫ້ແກ່ປະເທດທີ່ເຂົ້າຮ່ວມສັນຍາ FTA ທີ່ກວ້າງໃຫຍ່ກວ່າ ລະຫວ່າງ EAEU ກັບ ອາຊຽນ.
