ວັນທີ 26 ກໍລະກົດ, ອົດສະຕາລີ ແລະ ອັງກິດ ໄດ້ເຊັນສົນທິສັນຍາສະບັບໃໝ່ດ້ວຍໄລຍະ 50 ປີ ເພື່ອແນໃສ່ປັບປຸງໂຄງການກຳປັ່ນດຳນ້ຳນິວເຄຼຍສາມຝ່າຍ AUKUS (ລວມມີ ອົດສະຕາລີ, ອັງກິດ ແລະ ອາເມລິກາ), ຢັ້ງຢືນຄືນໃໝ່ຄຳໝັ້ນສັນຍາຂອງສອງປະເທດຕໍ່ແຜນການນີ້ໃນສະພາບການ ອາເມລິກາ ພວມພິຈາລະນາສົນທິສັນຍາສາມຝ່າຍຄືນໃໝ່.
ຖະແຫຼງການຮ່ວມລະຫວ່າງ ອົດສະຕາລີ ແລະ ອັງກິດ ຊີ້ແຈ້ງວ່າສົນທິສັນຍາສະບັບໃໝ່ ຈະອະນຸຍາດສອງປະເທດຮ່ວມມືຢ່າງຮອບດ້ານບັນດາລາຍການຕ່າງຄື: ການອອກແບບ, ປະດິດແຕ່ງ, ເຄື່ອນໄຫວ, ບຳລຸງຮັກສາ ແລະ ແກ້ໄຂກຳປັ່ນດຳນ້ຳ SSN-AUKUS ໃໝ່, ກໍ່ຄືໜູນຊ່ວຍບັນດາການຢ້ຽມຢາມທ່າກຳປັ່ນ ແລະ ການມີໜ້າຢ່າງໝູນວຽນຂອງກຳປັ່ນດຳນ້ຳ Astute ຂອງ ອັງກິດ ຢູ່ຖານທີ່ໝັ້ນກອງທັບເຮືອໃກ້ກັບ ຢູ່ຝັ່ງທະເລທາງທິດຕາເວັນຕົກ ອົດສະຕາລີ.
ຖະແຫຼງການເນັ້ນໜັກວ່າ ສົນທິສັນຍາສະບັບນີ້ໃຫ້ຄຳໝັ້ນສັນຍາວ່າ 50 ປີການຮ່ວມມືດ້ານປ້ອງກັນຊາດສອງຝ່າຍ ອັງກິດ ອົດສະຕາລີ ຕໍ່ໄປໃນຂອບເຂດເສົາຄ້ຳ I ຂອງ AUKUS ແລະ ໄດ້ຮັບການສ້າງຕັ້ງບົນພື້ນຖານຢ່າງໝັ້ນແກ່ນຂອງການຮ່ວມມືສາມຝ່າຍ AUKUS.
