 (ພາບ: VOV) |
ຕອນເຊົ້າວັນທີ 12 ກຸມພາ, ໃນງານປະກາດບົດລາຍງານຫວນຄືນ-ອັບເດັດສະພາບເສດຖະກິດ ຫວຽດນາມ, ກຳປູເຈຍ ແລະ ລາວ, ທ່ານນາງ Mariam J.Sherman, ຜູ້ອຳນວຍການທະນາຄານໂລກ ປະຈຳ ຫວຽດນາມ, ລາວ ແລະ ກຳປູເຈຍ ໃຫ້ຂໍ້ສັງເກດວ່າ: ປະສິດທິຜົນການເຄື່ອນໄຫວຂອງພື້ນຖານເສດຖະກິດ ຫວຽດນາມ ຈະເປັນປົກກະຕິໃນອະນາຄົດອັນໃກ້ໆນີ້.
ຕາມການຄາດຄະເນຂອງທະນາຄານໂລກ, ການເຕີບໂຕຂອງ ຫວຽດນາມ ຄາດວ່າບັນລຸ 6,8% ໃນປີ 2025 ກ່ອນທີ່ຈະຮັກສາລະດັບເປັນປົກກະຕິໃນປີ 2026.
ທະນາຄານໂລກຄາດຄະເນວ່າ ບັນດາການເຄື່ອນໄຫວເສດຖະກິດ ແລະ ການບໍລິການພາຍໃນປະເທດຈະໝັ້ນຄົງກ່ວາໃນປີ 2025 ແລະ 2026 ຂະນະທີ່ຕະຫຼາດອະສັງຫາລິມະສັບຄ່ອຍໆເອົາຄືນທ່າຟື້ນຟູ. ທ່ານນາງ Mariam J.Sherman, ຜູ້ອຳນວຍການທະນາຄານໂລກ ປະຈຳ ຫວຽດນາມ, ລາວ ແລະ ກຳປູເຈຍ ຖືວ່າ:
ເພື່ອຮັກສາ ແລະ ແລະ ເພີ່ມທະວີແງ່ຫວັງເສດຖະກິດ, ຫວຽດນາມ ສາມາດສືບຕໍ່ສ້າງຈຸດນັດພົບທີ່ດຶງດູດບັນດາວິສາຫະກິດ. ຍິ່ງໄປກ່ວານັ້ນ, ການໜູນຊ່ວຍບັນດາການເຄື່ອນໄຫວ ແລະ ການບໍລິການພາຍໃນປະເທດ ຈະນັບມື້ນັບມີຄວາມສຳຄັນ ເພື່ອຊຸກຍູ້ການເຕີບໂຕ. ດ້ວຍວິທີຊຸກຍູ້ສະພາບແວດລ້ອມທີ່ສະດວກດີ, ໜູນຊ່ວຍວິສາຫະກິດ ແລະ ສົ່ງເສີມການໃຊ້ສອຍເອກະຊົນ, ຫວຽດນາມ ສາມາດສ້າງຄວາມທົນທານໃຫ້ແກ່ພື້ນຖານເສດຖະກິດ.
