ໃນບົດຂຽນທີ່ໄດ້ເອົາລົງໃນສື່ສັງຄົມອອນໄລ Truth Social, ທ່ານປະທານາທິບໍດີ ໃຫ້ຮູ້ວ່າ ການຂາດດຸ່ນການຄ້າລະຫວ່າງ ອາເມລິກາ ແລະ ອີຢູ ໃນລະດັບສູງ “ບໍ່ອາດຍອມຮັບໄດ້”, ຄືເກືອບ 200 ຕື້ USD ໃນປີ 2024, ຍ້ອນບັນດາຂໍ້ຈຳກັດດ້ານການຄ້າໃຫຍ່, ອາກອນມູນຄ່າເພີ່ມ (VAT), ຄອບງຳເງິນຕາ, ບັນດາເຫດຮ້ອງຟ້ອງຕ້ານຄືນບໍລິສັດ ອາເມລິກາ… ປັດຈຸບັນ ຄະນະກຳມະການເອີຣົບ (EC) ຍັງບໍ່ທັນໄດ້ໃຫ້ຄຳເຫັນກ່ຽວກັບຂໍ້ສະເໜີຂອງທ່ານປະທານາທິບໍດີ Trump.
ກ່ຽວຂ້ອງເຖິງ Apple, ທ່ານ Trump ໃຫ້ຮູ້ວ່າ Apple ຕ້ອງເສຍອັດຕາພາສີ 25% ສຳລັບທຸກຜະລິດຕະພັນ iPhone ຂາຍຢູ່ຕະຫຼາດ ອາເມລິກາ ແຕ່ບໍ່ໄດ້ຜະລິດຢູ່ພາຍໃນປະເທດ. ເຖິງຢ່າງໃດກໍຕາມ, ທ່ານກໍເນັ້ນໜັກວ່າ “ຈະບໍ່ມີອັດຕາພາສີ ຖ້າບັນດາຜະລິດຕະພັນໄດ້ພັດທະນາ ຫຼື ຜະລິດຢູ່ ອາເມລິກາ.”
