 ໂລໂກ TikTok (ພາບ: TTXVN) |
ໃນລັດຖະດຳລັດສະບັບໃໝ່ ທີ່ມີຊື່ວ່າ “ຕໍ່ກຳນົດເວລາໂຈະການປະຕິບັດຄຳສັ່ງເກືອດຫ້າມ TikTok”, ທ່ານປະທານາທິບໍດີ ອາເມລິກາ Donald Trump ຮຽກຮ້ອງໃຫ້ກະຊວງຍຸຕິທຳ ອາເມລິກາ ບໍ່ດຳເນີນການບັງຄັບ ຫຼື ນຳໃຊ້ມາດຕະການປັບໄໝສຳລັບການກະທຳຈຳໜ່າຍ, ຮັກສາ ຫຼື ອັບເດດແອັບ TikTok ໃນຕະຫຼອດໄລຍະຕໍ່ກຳນົດເວລາ. ຊ້ຳບໍ່ໜຳ, ນັບທັງບັນດາການກະທຳທີ່ໄດ້ດຳເນີນແຕ່ວັນທີ 19 ມັງກອນ 2025 (ເຊິ່ງເປັນຈຸດເວລາທີ່ກົດໝາຍມີຜົນສັກສິດ) ຮອດມື້ປະກາດໃຊ້ລັດຖະບັນຍັດໃໝ່ ກໍຈະບໍ່ຖືກສືບສວນ. ລັດຖະມົນຕີກະຊວງຍຸຕິທຳໄດ້ຮັບການມອບໝາຍໜ້າທີ່ຮັບຜິດຊອບ ປະກາດໃຊ້ເອກະສານແນະນຳ ແລະ ຝາກຈົດໝາຍຢັ້ງຢືນເຖິງບັນດານັກສະໜອງການບໍລິການວ່າ ເຂົາເຈົ້າບໍ່ລະເມີດກົດໝາຍໃນໄລຍະນີ້. ນີ້ແມ່ນຄັ້ງທີ 3 ທີ່ທຳນຽບຂາວປະກາດໃຊ້ລັດຖະດຳລັດຕໍ່ກຳນົດເວລາ ນັບແຕ່ຕົ້ນປີ 2025.
ນັກຂ່າວ VOV ປະຈຳ ອາເມລິກາ
