 ທ່ານປະທານາທິບໍດີ ອາເມລິກາ Donald Trump ໃນກອງປະຊຸມຄະນະລັດຖະບານ (ພາບ: francetvinfo.fr) |
ວັນທີ 26 ກຸມພາ, ທ່ານປະທານາທິບໍດີ ອາເມລິກາ Donald Trump ຊັ່ງຊາຄວາມອາດສາມາດສືບຕໍ່ເລື່ອນການຈັດວາງພາສີ 25% ສຳລັບສິນຄ້ານຳເຂົ້າຈາກ ເມັກຊີໂກ ແລະ ການາດາ ຮອດວັນທີ 2 ເມສາ, ຊ້າກວ່າປະມານ 1 ເດືອນ ເມື່ອທຽບໃສ່ການກຳນົດເວລາທີ່ທ່ານໄດ້ປະກາດເມື່ອຕົ້ນເດືອນ ກຸມພາ.
ເມື່ອກ່າວຄຳເຫັນພາຍຫຼັງກອງປະຊຸມຄະນະລັດຖະບານ, ທ່ານປະທານາທິບໍດີ Donald Trump ຢັ້ງຢືນວ່າ ມີຄວາມເປັນໄປໄດ້ສູງທີ່ຈະເລື່ອນໄປຮອດວັນທີ 2 ເມສາ ຈະມາເຖິງ, ພ້ອມທັງຢ້ຳຄືນວ່າ ທ່ານໄດ້ໃຫ້ເວລາ 1 ເດືອນເພື່ອໃຫ້ສອງປະເທດບ້ານໃກ້ເຮືອນຄຽງນີ້ຊອກຫາຂໍ້ຕົກລົງເພື່ອຫຼີກລ້ຽງລະດັບອັດຕາພາສີ 25% ທີ່ທ່ານໄດ້ປະກາດເມື່ອຕົ້ນເດືອນ ກຸມພາ.
ຖະແຫຼງການຂອງທ່ານ Donald Trump ໄດ້ຍົກອອກມາໃນສະພາບການການນຳຄວາມໝັ້ນຄົງແຖວໜ້າ ເມັກຊີໂກ ຄາດວ່າຈະເຂົ້າປະຊຸມກັບທ່ານລັດຖະມົນຕີການຕ່າງປະເທດ ອາເມລິກາ Marco Rubio ຢູ່ ວໍຊິງຕັນ ໃນວັນທີ 27 ກຸມພາ. ກອງປະຊຸມກໍເພື່ອແນໃສ່ປຶກສາຫາລືກ່ຽວກັບມາດຕະການຫຼີກລ້ຽງລະດັບອັດຕາພາສີອາກອນດັ່ງກ່າວ, ຄາດວ່າ ຈະມີຜົນສັກສິດໃນວັນທີ 3 ມີນາ ຈະມາເຖິງ ຖ້າວ່າບໍ່ສາມາດບັນລຸໄດ້ຂໍ້ຕົກລົງ.
