ວັນທີ 11 ມິຖຸນາ, ທ່ານປະທານາທິບໍດີ ອາເມລິກາ Donald Trump ໄດ້ໃຫ້ຮູ້ວ່າ ຂໍ້ຕົກລົງການຄ້າລະຫວ່າງ ອາເມລິກາ ແລະ ຈີນ ໄດ້ສ້າງສຳເລັດແລ້ວ, ພຽງແຕ່ລໍຖ້າການໃຫ້ສັດຕະຍາບັນຂອງທ່ານ ພ້ອມດ້ວຍທ່ານປະທານປະເທດ ຈີນ ສີຈີ້ນຜິງ ເທົ່ານັ້ນ.
ໃນແຈ້ງການໃນສື່ສັງຄົມ TruthSocial, ທ່ານປະທານາທິບໍດີ Donald Trump ໃຫ້ຮູ້ວ່າ ຕາມກອບຂໍ້ຕົກລົງທີ່ບັນລຸໄດ້ພາຍຫຼັງການເຈລະຈາ 2 ວັນ ຢູ່ ອັງກິດ, ຈີນ ສະໜອງແມ່ເຫຼັກ ແລະ ດິນປະເສີດທີ່ຈຳເປັນໃຫ້ຝ່າຍ ອາເມລິກາ ຢ່າງຄົບຖ້ວນ. ກໍເຊັ່ນດຽວກັນ, ອາເມລິກາ ຈະສະໜອງໃຫ້ ຈີນ ໃນສິ່ງທີ່ໄດ້ຕົກລົງກັນໄວ້. ອາເມລິກາ ພວມຈັດວາງອັດຕາພາສີ 55% ສຳລັບ ຈີນ ລວມມີ 10% ພາສີພື້ນຖານ, 20% ພາສີຄ້າຂາຍ Fentanyl ແລະ 25% ສ່ອງແສງພາສີອາກອນທີ່ເຄີຍປະຕິບັດແຕ່ກ່ອນແລ້ວ, ໃນຂະນະນັ້ນ, ຈີນ ຈັດວາງອັດຕາພາສີ 10% ສຳລັບສິນຄ້າຂອງ ອາເມລິກາ. ໄປຄຽງຄູ່ກັນນັ້ນ, ທ່ານ Donald Trump ໃຫ້ຮູ້ວ່າ ບັນດານັກສຶກສາ ຈີນ ສາມາດສືບຕໍ່ຮຽນຢູ່ໂຮງຮຽນວິທະຍາໄລ, ມະຫາວິທະຍາໄລ ຂອງ ອາເມລິກາ ແລະ ນີ້ແມ່ນສິ່ງທີ່ທ່ານ “ຍາມໃດກໍຍິນດີ”.
ນັກຂ່າວ VOV ປະຈຳ ອາເມລິກາ
