 ທ່ານປະທານປະເທດ ຫວຽດນາມ ເລືອງເກື່ອງ ພົບປະກັບທ່ານນາງເອກອັກຄະລັດຖະທູດ ອີຢິບ Amal Abdel Kader Elmorsi Salama |
ທີ່ການຕ້ອນຮັບ, ທ່ານປະທານປະເທດ ຫວຽດນາມ ເລືອງເກື່ອງ ສະເໜີວ່າ ໃນໄລຍະຈະມາເຖິງ, ສອງຝ່າຍຕອ້ງຍູ້ແຮງການພົບປະແລກປ່ຽນຄະນະ, ໂດຍສະເພາະແມ່ນຄະນະຜູ້ແທນຂັ້ນສູງ; ເພີ່ມທະວີການຊຸກຍູ້ການຮ່ວມມືໃນບັນດາຂົງເຂດເສດຖະກິດ, ການຄ້າ, ການລົງທຶນ, ການປ້ອງກັນຊາດ, ປ້ອງກັນຄວາມສະຫງົບ… ໃຫ້ສົມກັບການພົວພັນດ້ານການເມືອງອັນດີງາມລະຫວ່າງສອງປະເທດ. ທ່ານປະທານປະເທດ ຢັ້ງຢືນວ່າ ຫວຽດນາມ ປາດຖະໜາຢາກຊຸກຍູ້ການເພີ່ມທະວີການພົວພັນຮ່ວມມືລະຫວ່າງສອງປະເທດໃຫ້ນັບມື້ນັບແທດຈິງມີປະສິດທິຜົນ, ຕອບສະໜອງຜົນປະໂຫຍດຂອງປະຊາຊົນສອງປະເທດ. ທ່ານປະທານປະເທດ ປາດຖະໜາວ່າ ທ່ານນາງເອກອັກຄະລັດຖະທູດ ອີຢິບ Amal Abdel Kader Elmorsi Salama ຈະປະກອບສ່ວນເປັນຂົວຕໍ່ຊຸກຍູ້ການພົວພັນຮ່ວມມື ແລະ ການພົວພັນແລກປ່ຽນປະຊາຊົນລະຫວ່າງສອງປະເທດ.
ສ່ວນທ່ານນາງເອກອັກຄະລັດຖະທູດ ອີຢິບ Amal Abdel Kader Elmoris Salama ຢັ້ງຢືນວ່າ ສອງຝ່າຍມີກຳລັງບົ່ມຊ້ອນຮ່ວມມືໃນບັນດາຂົງເຂດເສດຖະກິດ, ການຄ້າ, ການລົງທຶນ, ວັດທະນະທຳ, ວິທະຍາສາດເຕັກນິກ… ໃນນັ້ນ, ອີຢິບ ແບ່ງປັນຫຼາຍເປົ້າໝາຍລວມກັບ ຫວຽດນາມ, ເຊັ່ນ: ການຫັນເປັນດີຈີຕອນ, ເສດຖະກິດດີຈີຕອນ, ປ່ຽນແປງໃໝ່ພື້ນຖານເສດຖະກິດ, ການປ້ອງກັນຊາດ - ປ້ອງກັນຄວາມສະຫງົບ.
