 ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຕ້ອນຮັບທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ (ພາບ: TTXVN) |
ທີ່ການຕ້ອນຮັບ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຢັ້ງຢືນວ່າ ສາຍພົວພັນລະຫວ່າງສອງພັກ, ສອງລັດ, ສອງສະພາແຫ່ງຊາດ ພວມພັດທະນາຢ່າງດີງາມ, ພ້ອມທັງຊົມເຊີຍສະພາແຫ່ງຊາດລາວທີ່ໄດ້ຈັດກອງປະຊຸມສະພາແຫ່ງຊາດ 3 ປະເທດ ຫວຽດນາມ - ລາວ - ກຳປູເຈຍ ໃນເດືອນ ທັນວາ 2023 ຢ່າງສຳເລັດຜົນ, ປະກອບສ່ວນສຳຄັນເຂົ້າໃນການເພີ່ມທະວີການຮ່ວມມືລະຫວ່າງສະພາແຫ່ງຊາດ 3 ປະເທດ ແລະ ໃນພາກພື້ນ. ທ່ານປະທານສະພາແຫ່ງຊາດ ເວືອງດິ່ງເຫວະ ເນັ້ນໜັກເຖິງບັນດາການເຄື່ອນໄຫວແລກປ່ຽນບົດຮຽນ, ປະສົບການໃນວຽກງານນິຕິບັນຍັດ, ຕິດຕາມກວດກາລະຫວ່າງບັນດາອົງການວິຊາສະເພາະຂອງສະພາແຫ່ງຊາດ 2 ປະເທດໄດ້ຊຸກຍູ້, ປະກອບສ່ວນຮັດແໜ້ນສາຍພົວພັນລະຫວ່າງ 2 ສະພາແຫ່ງຊາດ ເວົ້າສະເພາະ ແລະ 2 ປະເທດ ເວົ້າລວມ ເລິກເຊິ່ງຂຶ້ນຕື່ມ.
ສ່ວນທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ ປາດຖະໜາວ່າ ຜ່ານການເຮັດວຽກຢູ່ ຫວຽດນາມ ຄັ້ງນີ້, ສະພາແຫ່ງຊາດ ລາວ ຈະມີບົດຮຽນເພີ່ມເຕີມໃນວຽກງານນິຕິບັນຍັດ, ກໍຄືການຮຽບຮຽງປະຫວັດສາດສະພາແຫ່ງຊາດ ລາວ ໃນຕະຫຼອດໄລຍະ 50 ປີຜ່ານມາ.
