 ທ່ານປະທານາທິບໍດີ ອິນໂດເນເຊຍ Joko Widodo ແລະ ທ່ານນາຍົກລັດຖະມົນຕີປະເທດເຈົ້າພາບ ຫຼີຊຽນຫຼົງ (ພາບ: Straits Times) |
ນີ້ແມ່ນກອງປະຊຸມເຈລະຈາວົງແຄບ ຄັ້ງທີ 4 ລະຫວ່າງການນໍາສອງປະເທດ ແລະ ກໍແມ່ນຄັ້ງທໍາອິດ ນັບແຕ່ເມື່ອທ່ານ Joko Widodo ໄດ້ຮັບການເລືອກຕັ້ງເປັນປະທານາທິບໍດີຄືນໃໝ່. ຄາດວ່າໃນຂອບເຂດຂອງກອງປະຊຸມເຈລະຈາ, ທ່ານນາຍົກລັດຖະມົນຕີ ຫຼີຊຽນຫຼົງ ແລະ ທ່ານປະທານາທິບໍດີ Joko Widodo ຈະປຶກສາຫາລືກ່ຽວກັບວິວັດການພັດທະນາການພົວພັນລະຫວ່າງສອງປະເທດ ແລະ ສືບຕໍ່ຕິດຕາມບັນດາເນື້ອໃນ ທີ່ໄດ້ເຕື້ອງເຖິງໃນກອງປະຊຸມເຈລະຈາວົງແຄບ ທີ່ດໍາເນີນເມື່ອເດືອນຕຸລາ ປີ 2018 ຢູ່ ບາລີ, ປະເທດ ອິນໂດເນເຊຍ.
ຫ້ອງວ່າການນາຍົກລັດຖະມົນຕີສິງກະໂປ ຊີ້ແຈ້ງວ່າ ການນໍາສອງປະເທດ ຈະປຶກສາຫາລືວິທີການເພີ່ມທະວີການຮ່ວມມືສອງຝ່າຍໃນຂົງເຂດເສດຖະກິດ, ວັດທະນະທໍາສັງຄົມ ແລະ ຄວາມໝັ້ນຄົງ ໃຫ້ຫຼາຍກວ່າອີກ. ນອກຈາກນັ້ນ, ການນໍາສອງທ່ານກໍເປັນສັກຂີພິຍານພິທີລົງນາມໃນສົນທິສັນຍາລະຫວ່າງ ສິງກະໂປ ແລະ ອິນໂດເນເຊຍ ກ່ຽວກັບການແລກປ່ຽນຂໍ້ມູນເອເລັກໂຕນິກ ເພື່ອແນໃສ່ສ້າງເງື່ອນໄຂສະດວກ ແລະ ຮັບປະກັນການພົວພັນດ້ານການຄ້າ ກໍຄື ບົດບັນທຶກຊ່ວຍຈໍາ ວ່າດ້ວຍການຮ່ວມມືລະຫວ່າງບັນດາອົງການສໍາເນົາເອກະສານ.
