 (ທ່ານຮອງນາຍົກລັດຖະມົນຕີ ຫວຽດນາມ ບຸຍແທັງເຊີນ) |
ຕອນເຊົ້າວັນທີ 25 ກໍລະກົດ, ຢູ່ແຂວງ ເລິມດົ່ງ, ທ່ານຮອງນາຍົກລັດຖະມົນຕີ ຫວຽດນາມ ບຸຍແທັງເຊີນ ໄດ້ເຮັດວຽກກັບສະຖາປັນຄົ້ນຄວ້ານິວເຄຼຍ ດ່າລາດ. ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີຢືນຢັນວ່າ ມະຕິເລກທີ 57 ຂອງກົມການເມືອງ ພ້ອມກັບກົດໝາຍວ່າດ້ວຍວິທະຍາສາດ - ເຕັກໂນໂລຊີ ແລະ ນະວັດຕະກຳ ໄດ້ ແລະ ພວມສ້າງກຳລັງໜູນໃໝ່, ປະກອບສ່ວນຢ່າງແທດຈິງກວ່າໃຫ້ແກ່ພາລະກິດພັດທະນາປະເທດຊາດ.
“ຂ້າພະເຈົ້າສະເໜີໃຫ້ຄະນະການນຳສະຖານບັນ ພ້ອມກັບບັນດານັກວິທະຍາສາດ, ລັດຖະກອນ, ຜູ້ອອກແຮງງານ ສືບຕໍ່ປ່ຽນແປງໃໝ່, ມານະພະຍາຍາມຫຼາຍກວ່າເພື່ອປະຕິບັດສຳເລັດບັນດາໜ້າທີ່ທີ່ໄດ້ຮັບມອບໝາຍ. ຫວັງວ່າ ສະຖາບັນສືບຕໍ່ຄຸ້ມຄອງ, ຂຸດຄົ້ນເຕົາໄຟຟ້ານິວເຄຼຍ ດ່າລາດ ແລະ ລະບົບເຄື່ອງອຸປະກອນຄົ້ນຄວ້າ. ພ້ອມກັນນັ້ນ, ຕ້ອງຍົກສູງກຳລັງບົ່ມຊ້ອນດ້ານວິທະຍາສາດ - ເຕັກໂນໂລຊີ, ພັດທະນາແຫຼ່ງຊັບພະຍາກອນມະນຸດ, ປະກອບສ່ວນນຳຂະແໜງນິວເຄຼຍ ຫວຽດນາມ ບືນຕົວຂຶ້ນ, ໃກ້ກັບລະດັບຂອງບັນດາປະເທດພັດທະນາໃນປີ 2045”.
ສະຖາບັນຄົ້ນຄວ້ານິວເຄຼຍ ດ່າລາດ ມີໜ້າທີ່ຫຼັກແມ່ນເຄື່ອນໄຫວດ້ວຍຄວາມປອດໄພ, ຂຸດຄົ້ນເຕົານິວເຄຼຍ ດ່າລາດ ແລະ ບັນດາເຄື່ອງອຸປະກອນວິທະຍາສາດ, ເຕັກໂນໂລຊີຢ່າງມີປະສິດທິຜົນ ເພື່ອຄົ້ນຄວ້າ, ນຳໃຊ້, ບຳລຸງສ້າງ ແລະ ພັດທະນາແຫຼ່ງຊັບພະຍາກອນມະນຸດ.
