 ທ່ານລັດຖະມົນຕີ ກະຊວງການຕ່າງປະເທດ ບຸຍແທັງເຊີນ ແລະ ທ່ານ Lazare Eloundou Assomo, ຜູ້ອຳນວຍການສູນມໍລະດົກໂລກ (ພາບ: ກະຊວງການຕ່າງປະເທດ) |
ຕອນບ່າຍວັນທີ 27 ມີນາ, ຢູ່ສຳນັກງານກະຊວງການຕ່າງປະເທດ, ກ່າວຄຳເຫັນທີ່ການຕ້ອນຮັບທ່ານ Lazare Eloundou Assomo, ຜູ້ອຳນວຍການສູນມໍລະດົກໂລກ ຂຶ້ນກັບອົງການວິທະຍາສາດ, ການສຶກສາ ແລະ ວັດທະນະທຳຂອງ ສປຊ (UNESCO), ທີ່ພວມມີການຢ້ຽມຢາມຢູ່ ຫວຽດນາມ, ທ່ານລັດຖະມົນຕີການຕ່າງປະເທດ ບຸຍແທັງເຊີນ ຢັ້ງຢືນວ່າ ຫວຽດນາມ ຍາມໃດກໍ່ແມ່ນສະມາຊິກທີ່ເປັນເຈົ້າການ, ຕັ້ງໜ້າ, ມີຄວາມຮັບຜິດຊອບຂອງ UNESCO, ປະກອບສ່ວນໃຫ້ແກ່ບັນດາກົນໄກສຳຄັນຂອງອົງການເຊິ່ງປັດຈຸບັນ ຫວຽດນາມ ແມ່ນສະມາຊິກ. ທ່ານລັດຖະມົນຕີ ບຸຍແທັງເຊີນ ເນັ້ນໜັກວ່າ ບັນດາມໍລະດົກໂລກຢູ່ ຫວຽດນາມ ໄດ້ ແລະ ພວມປະກອບສ່ວນຢ່າງຕັ້ງໜ້າທີ່ສຸດໃຫ້ແກ່ການຍົກສູງ ຊີວິດການເປັນຢູ່ຂອງປະຊາຄົມທ້ອງຖິ່ນ ທີ່ມີມໍລະດົກເວົ້າສະເພາະ, ກໍ່ຄືການພັດທະນາເສດຖະກິດ - ສັງຄົມຂອງປະເທດແບບຍືນຍົງ ເວົ້າລວມ.
ສ່ວນທ່ານ Lazare Eloundou Assomo ເນັ້ນໜັກວ່າ ຫວຽດນາມ ແມ່ນແບບຢ່າງກ່ຽວກັບການອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກ, ທ່ານກໍ່ຫວັງວ່າ ດ້ວຍປະສົບການຂອງຕົນ ຫວຽດນາມ ຈະແບ່ງປັນກັບບັນດາປະເທດສະມາຊິກ. ທ່ານ Lazare Eloundou Assomo ຢັ້ງຢືນວ່າ ສູນມໍລະດົກໂລກຍາມໃດກໍ່ຮ່ວມເດີນທາງ ແລະ ໜູນຊ່ວຍຫວຽດນາມ ໃນການອະນຸລັກຮັກສາ, ເສີມຂະຫຍາຍບັນດາມໍລະດົກໂລກຢ່າງສຸດຂີດ
