 ກອງປະຊຸມດ່ວນຂອງ ສະພາຄວາມໝັ້ນຄົງ ສປຊ (ພາບ: REUTERS/Eduardo Muno) |
ທ່ານນາງ Rosemary DiCarlo, ຮອງເລຂາທິການໃຫຍ່ ສປຊ ຮັບຜິດຊອບບັນຫາການເມືອງ ແລະ ການສ້າງສັນຕິພາບ, ໄດ້ເນັ້ນໜັກເຖິງລັກສະນະຮ້າຍແຮງຂອງການບຸກໂຈມຕີໂດຍ ອິດສະຣາແອັນ ດຳເນີນໃນວັນທີ 09 ກັນຍາ, ພິເສດເມື່ອການກະທຳດັ່ງກ່າວເລັ່ງໃສ່ບັນດາຫົວໜ້າການນຳ ຮາມາດສ ໂດຍໄດ້ຮັບຖືວ່າ ພວມເຂົ້າຮ່ວມການປຶກສາຫາລືກ່ຽວກັບຂໍ້ສະເໜີຢຸດຍິງພາຍໃຕ້ການອຸປະຖຳຂອງ ອາເມລິກາ. ທ່ານນາງ ກ່າວເຕືອນວ່າ ເຫດການນີ້ ອາດຈະເຮັດໃຫ້ຄວາມເຄັ່ງຕຶງໃໝ່ໃນການປະທະກັນຢູ່ເຂດ ກາຊາ ເພີ່ມຂຶ້ນ ແລະ ເນັ້ນໜັກວ່າ ການເປີດກວ້າງສູ້ຮົບ ແລະ ການເພີ່ມຄວາມຮຸນແຮງບໍ່ແມ່ນເສັ້ນທາງພາໄປເຖິງສັນຕິພາບແບບຍືນຍົງຢູ່ເຂດ ຕາເວັນອອກກາງ.
ໃນການປຶກສາຫາລື, ຜູ້ແທນບັນດາປະເທດໄດ້ກ່າວປະນາມຢ່າງແຮງຕໍ່ກັບການເຄື່ອນໄຫວການທະຫານຂອງ ອິດສະຣາແອັນ, ຖືນີ້ແມ່ນການກະທຳລ່ວງລະເມີດອະທິປະໄຕແຫ່ງຊາດ ແລະ ບໍ່ເຄົາລົບກົດໝາຍສາກົນ.
