 ທ່ານປະທານາທິບໍດີ ອາເມລິກາ Donald Trump ປະກາດບັນດາອັດຕາພາສີ ໃນວັນທີ 02 ເມສາ (ພາບ:Reuters) |
ດ້ວຍຄຳຕັດສິນດັ່ງກ່າວ, ສານການຄ້າສາກົນ ອາເມລິກາ ຖືວ່າ ບັນດາມາດຕະການພາສີ ໂດຍທ່ານ Donald Trump ໄດ້ປະກາດເມື່ອທ້າຍເດືອນເມສາ ສຳລັບກວ່າ 50 ຄູ່ຮ່ວມມືການຄ້າຂອງ ອາເມລິກາ ແມ່ນໄປຝືນກັບກົດໝາຍ ພ້ອມທັງຕ້ອງຍົກເລີກບັນດາມາດຕະການນີ້ຢ່າງຖາວອນ. ຄຳຕັດສິນນີ້ໄດ້ຍົກອອກມາໃນເຫດຮ້ອງຟ້ອງຂອງກຸ່ມວິສາຫະກິດຂະໜາດນ້ອຍ 5 ແຫ່ງ ທີ່ຖືວ່າ ບັນດາມາດຕະການພາສີຂອງທ່ານປະທານາທິບໍດີ ແມ່ນການຍາດສິດອຳນາດ ແບບບໍ່ເຄີຍມີມາກ່ອນ.
ທະນາຍຄວາມຂອງບັນດາວິສາຫະກິດເຫຼົ່ານັ້ນ ຖືວ່າ ກົດໝາຍວ່າດ້ວຍຂອບເຂດສິດອຳນາດດ້ານເສດຖະກິດສາກົນແບບສຸກເສີນ ເຊິ່ງທ່ານ Donald Trump ໄດ້ປະຕິບັດເພື່ອຈັດວາງອັດຕາພາສີນັ້ນ ແມ່ນປະທານາທິບໍດີ ບໍ່ມີສິດຈັດວາງອັດຕາພາສີທົ່ວໂລກ ແລະ ການອະທິບາຍຂອງທ່ານ Donald Trump ກ່ຽວກັບການກະທຳຂອງຕົນ ແມ່ນບໍ່ສັກສິດ. ຕາມບັນດາທະນາຍຄວາມດັ່ງກ່າວແລ້ວ, ການຂາດດຸນການຄ້າ ແມ່ນໄດ້ປະກົດມີໃນຫຼາຍທົດສະວັດຜ່ານມາ ແຕ່ບໍ່ກໍ່ຜົນເສຍຫາຍດ້ານເສດຖະກິດນັ້ນ ບໍ່ແມ່ນສະພາວະສຸກເສີນ.
ນັກຂ່າວ VOV ປະຈຳ ອາເມລິກາ
