 ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກຄອມມູນິດ ຫວຽດນາມ ກ່າວຄຳເຫັນທີ່ພິທີ |
ຕອນບ່າຍວັນທີ 12 ກັນຍາ, ຢູ່ຮ່າໂນ້ຍ, ຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງພັກຄອມມູນິດ ຫວຽດນາມ ໄດ້ສົມທົບກັບໜັງສືພິມ ເຍິນເຢີນ (ປະຊາຊົນ) ຈັດພິທີເປີດຕົວ ເວັບໄຊ “ພັກຄອມມູນິດ ຫວຽດນາມ - ກອງປະຊມໃຫຍ່ຄັ້ງທີ XIV”, ທີ່ຢູ່: daihoidangtoanquoc.vn.
ໃນເວັບໄຊດັ່ງກ່າວ ໄດ້ສະໜອງຂໍ້ມູນທີ່ເປັນທາງການ, ຄົບຖ້ວນ ແລະ ທັນການກ່ຽວກັບການເຄື່ອນໄຫວຕ່າງໆມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກ.
ເຂົ້າຮ່ວມ ແລະ ກ່າວຄຳເຫັນທີ່ພິທີ, ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກຄອມມູນິດ ຫວຽດນາມ ຮຽກຮ້ອງວ່າ:
“ຕ້ອງກະກຽມຂໍ້ມູນໃຫ້ແກ່ນັກຂ່າວສາກົນ; ເອກະສານອະທິບາຍຢ່າງກະທັດລັດ, ຖືກຕ້ອງ; ສ່ອງແສງຢ່າງທັນການ; ເຄົາລົບບັນດາທຳນຽມສາກົນ; ສ້າງເງື່ອນໄຂສະດວກເພື່ອໃຫ້ເພື່ອນມິດໃນ 5 ທະວີບສາມາດສຳຜັດກັບແນວທາງ, ນະໂຍບາຍອັນຊັດເຈນຂອງພັກ ແລະ ລັດ ຫວຽດນາມ. ເປັນເຈົ້າການສ້າງຫົວຂໍ້ທີ່ດີ, ເລື່ອງລາວອັນຈົບງາມ, ບັນດາຕົວເລກທີ່ສ່ອງແສງໄດ້ສະພາບການຕົວຈິງ, ແຜ່ກະຈາຍບັນດາຮູບແບບທີ່ດີໃນການກໍ່ສ້າງພັກ, ພັດທະນາເສດຖະກິດສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ. ພ້ອມດຽວກັນນັ້ນ ກໍເດັດດ່ຽວປະຕິເສດບັນດາຖ້ອຍທຳນອງທີ່ຜິດເຂວ ດ້ວຍຂໍ້ອ້າງອີງວິທະຍາສາດ, ດ້ວຍພະຍານຫຼັກຖານທີ່ຊວນເຊື່ອ”
