 ສານລັດຖະທຳມະນູນ ສ.ເກົາຫຼີ(ພາບ: Jiji Press)
|
ດ້ວຍບັດເຫັນດີ 100% ຈາກຜູ້ພິພາກສາ 8 ທ່ານ, ຕອນເຊົ້າວັນທີ 04 ເມສາ, ສານລັດຖະທຳມະນູນ ສ.ເກົາຫຼີ ໄດ້ເຫັນດີຕໍ່ມະຕິລົງໂທດທ່ານປະທານາທິບໍດີທີ່ພວມດຳລົງຕຳແໜ່ງ Yoon Suk Yeol ໂດຍສະພາແຫ່ງຊາດ ສ.ເກົາຫຼີ ຮັບຮອງເອົາໃນວັນທີ 14 ທັນວາ 2024, ດ້ວຍຄຳກ່າວຫາລະເມີດລັດຖະທຳມະນູນ ເມື່ອຖະແຫຼງ ຄຳສັ່ງໄອຍະການເສິກໃນວັນທີ 03 ທັນວາ 2024, ຜັນຂະຫຍາຍກອງທັບໄປສະພາແຫ່ງຊາດເພື່ອສະກັດກັ້ນບັນດານັກສ້າງກົດໝາຍປ່ອນບັດປະຕິເສດລັດຖະບັນຍັດ ແລະ ອອກຄຳສັ່ງຈັບຕົວບັນດານັກການເມືອງ. ສານໄດ້ຖະແຫຼງປົດຕຳແໜ່ງໜ້າທີ່ປະທານາທິບໍດີຂອງທ່ານ Yoon Suk Yeol.
ສຳລັບຄຳຕັດສິນຈະມີຜົນສັກສິດໃນທັນທີ, ທ່ານ Yoon Suk Yeol ຖືກປົດຕຳແໜ່ງ ແລະ ສ.ເກົາຫຼີ ຈະຕ້ອງຈັດການເລືອກຕັ້ງປະທານາທິບໍດີກ່ອນກຳນົດເວລາ ເພື່ອເລືອກເອົາຜູ້ດຳລົງຕຳແໜ່ງປະທານາທິບໍດີພາຍໃນເວລາ 60 ວັນ.
ພາຍຫຼັງທີ່ສານລັດຖະທຳມະນູນ ສ.ເກົາຫຼີ ຖະແຫຼງປົດຕຳແໜ່ງພຽງ 2 – 3 ຊົ່ວໂມງ, ໃນສານສົ່ງຜ່ານທະນາຄວາມທີ່ຕາງໜ້າໃຫ້ທ່ານປະທານາທິບໍດີຖືກປົດຕຳແໜ່ງ Yoon Suk Yeol ໄດ້ສະແດງຄວາມ “ເສຍໃຈຍ້ອນບໍ່ສາມາດຕອບສະໜອງຄວາມມຸ່ງຫວັງຂອງທຸກຄົນໄດ້”.
ໃນວັນດຽວກັນ, ຜູ້ຮັກສາການປະທານາທິບໍດີ Han Duck Soo ເນັ້ນໜັກວ່າ, ລັດຖະບານຕ້ອງປະຕິບັດບັນດາມາດຕະການຢ່າງລະມັດລະວັງ, ສົມທົບກັນຢູ່ພາຍໃນ ແລະ ກັບບັນດາຄູ່ຮ່ວມມືຕ່າງປະເທດຢ່າງແໜ້ນແຟ້ນ, ພ້ອມກັນນັ້ນ, ສືບຕໍ່ຮ່ວມມືກັນດ້ານການທູດ ແລະ ຄວາມໝັ້ນຄົງກັບອຳນາດການປົກຄອງຂອງທ່ານປະທານາທິບໍດີ ອາເມລິກາ Donald Trump ເພື່ອແກ້ໄຂບັນດາບັນຫາຮີບເຮັງຄືພາສີອາກອນຂອງ ອາເມລິກາ.
