ຊາວ ຫວຽດ​ນາມ ອາ​ໄສ ຢູ່​ຕ່າງ​ປະ​ເທດ ມຸ່ງ​ໄປ​ເຖິງ “ວັນ​ບຸນ​ຂອງ​ປະ​ເທດ​ຊາດ”, ຝາກ​ຝັງ​ຄວາມ​ເຊື່ອ​ໝັ້ນ​ຜ່ານ​ບັດ​ເລືອກ​ຕັ້ງ

ທ່ານນາງ ຫງວຽນຫວຽດຈ່ຽວ, ປະທານສະຫະພັນແມ່ຍິງ ຫວຽດນາມ ປະຈຳ ເອີຣົບ ປ່ອນບັດຢູ່ເຂດປ່ອນບັດທີ 3, ຕາແສງ ຮາຍບ່າຈຶງ, ນະຄອນ ຮ່າໂນ້ຍ (ພາບ:VOV5)

 ທ່ານນາງ ຫງວຽນຫວຽດຈ່ຽວ, ປະທານສະຫະພັນແມ່ຍິງ ຫວຽດນາມ ປະຈຳ ເອີຣົບ, ໃຫ້ຮູ້ວ່າ:

    “ຜູ້ແທນທີ່ໄດ້ຮັບການເລືອກຕັ້ງນັ້ນ ກ່ອນອື່ນໝົດຕ້ອງເປັນຄົນມີຄຸນສົມບັດ, ມີບຸກຄະລິກກະພາບ ແລະ ຄວາມໄວ້ວາງໃຈໃນໝູ່ປະຊາຊົນ. ໄປຄຽງຄູ່ກັນນັ້ນ, ເຂົາເຈົ້າຕ້ອງມີພູມປັນຍາ, ມີກຳລັງຄວາມສາມາດເພື່ອດຳລົງບັນດາໜ້າທີ່ໃຫຍ່, ພ້ອມທັງຕ້ອງໃກ້ຊິດກັບປະຊາຊົນ, ຮັບຟັງ ແລະ ເຄົາລົບຄວາມມຸ່ງມາດປາດຖະໜາຂອງປະຊາຊົນ. ຂ້າພະເຈົ້າກໍຫວັງວ່າ ບັນດາຜູ້ແທນຈະມີຄວາມຄາດຫວັງ ແລະ ຄວາມຕັດສິນໃຈສ້າງບັນດາບາດກ້າວກະໂດດຂັ້ນເພື່ອປະກອບສ່ວນປະຕິບັດບັນດາເປົ້າໝາຍພັດທະນາຂອງປະເທດຊາດໃນໄລຍະໃໝ່".

ທ່ານ ຫງວຽນຢຸຍແອັງ, ປະທານກຽດຕິມະສັກ ສະມາຄົມຊາວ ຫວຽດນາມ ປະຈຳ Fukuoka, ຍີ່ປຸ່ນ

ບໍ່ພຽງແຕ່ໄດ້ຕິດຕາມບັນດາເຫດການການເມືອງສຳຄັນຂອງປະເທດຈາກທາງໄກ, ຊາວ ຫວຽດນາມ ອາໄສຢູ່ຕ່າງປະເທດຫຼາຍຄົນ ໄດ້ກັບເມືອ ຫວຽດນາມ ກົງກັບໂອກາດເລືອກຕັ້ງ ໄດ້ເປັນເຈົ້າການສັບຊ້ອນເວລາເພື່ອເຂົ້າຮ່ວມການປ່ອນບັດໂດຍກົງ. ສຳລັບຊາວ ຫວຽດນາມ ຫຼາຍຄົນທີ່ອາໄສຢູ່ຕ່າງປະເທດ, ເລື່ອງກັບເມືອບ້ານເກີດເມືອງນອນເຂົ້າຮ່ວມການປ່ອນບັດ ກໍແມ່ນຄວາມຊົງຈຳອັນພິເສດ. ທ່ານ ຫງວຽນຢຸຍແອັງ, ປະທານກຽດຕິມະສັກ ສະມາຄົມຊາວ ຫວຽດນາມ ປະຈຳ Fukuoka, ຍີ່ປຸ່ນ, ໃຫ້ຮູ້ວ່າ:

    “ພວກຂ້າພະເຈົ້າຫວັງຢ່າງຍິ່ງວ່າ ບັນດາສະມາຊິກໃນຊຸດໃໝ່ນີ້ ຈະມີວິທີມອງເຫັນທີ່ເລິກເຊິ່ງ ແລະ ຮອບດ້ານກວ່າກ່ຽວກັບປະຊາຄົມຊາວ ຫວຽດນາມ ອາໄສ ຢູ່ຕ່າງປະເທດ. ຊາວ ຫວຽດນາມ ອາໄສຢູ່ຕ່າງປະເທດ ມີພູມປັນຍາ, ຄວາມສາມາດດ້ານເສດຖະກິດ ແລະ ຫຼາຍສາຍພົວພັນສາກົນ, ສະນັ້ນ, ຫວັງຢ່າງຍິ່ງວ່າ ຈະມີບັນດາກົນໄກ ແລະ ນະໂຍບາຍທີ່ສະດວກ ເພື່ອໃຫ້ພວກຂ້າພະເຈົ້າສາມາດກັບເມືອປະເທດ ປະກອບສ່ວນໃຫ້ແກ່ບ້ານເກີດເມືອງນອນ, ຮ່ວມເດີນທາງພ້ອມກັບປະເທດຊາດໃນໄລຍະພັດທະນາໃໝ່.”

ຮົ່ງແອັງ