 ທີ່ພິທີສະເຫຼີມສະຫຼອງ(ພາບ: TTXVN)
|
ຕອນຄ່ຳວັນທີ 28 ທັນວາ, ຢູ່ ຮ່າໂນ້ຍ, ສະມາຄົມນັກສຶກສາ ຫວຽດນາມ ໄດ້ຈັດລາຍການສະເຫຼີມສະຫຼອງ 76 ປີແຫ່ງວັນມູນເຊື້ອນັກຮຽນ, ນັກສຶກສາ ແລະ ສະມາຄົມນັກສຶກສາ ຫວຽດນາມ (09 ມັງກອນ 1950 – 09 ມັງກອນ 2026); ເຊີດຊູຍ້ອງຍໍສັນລະເສີນສູນກາງ ສົກຮຽນ 2024 – 2025.
ຢູ່ທີ່ນີ້, ທ່ານ ຫງວຽນມິນຈຽດ, ເລຂາສູນກາງຄະນະຊາວໜຸ່ມ, ປະທານສະຫະມາພັນຊາວໜຸ່ມ ຫວຽດນາມ, ຢືນຢັນວ່າ ໂດຍສືບຕໍ່ມູນເຊື້ອອັນສະຫງ່າລາສີຂອງລຸ້ນກ່ອນໆ, ນັກຮຽນ, ນັກສຶກສາ ໃນມື້ນີ້ສືບຕໍ່ຢືນຢັນບົດບາດເປັນແກ່ນສານ, ມີຄວາມຮັບຜິດຊອບ ແລະ ຄຸນນະທາດຂອງຕົນໃນການຮັບໜ້າທີ່ໃໝ່ຂອງປະເທດຊາດ, ຜ່ານບັນດາຂະບວນການ ແລະ ລາຍການໂດຍສະມາຄົມນັກສຶກສາ ຫວຽດນາມ ປຸກລະດົມ ແລະ ຈັດຕັ້ງ. ທ່ານ ຫງວຽນມິນຈຽດ ເນັ້ນໜັກວ່າ:
“ໃນບົດຂຽນ “ອະນາຄົດໃຫ້ລຸ້ນໜຸ່ມບືນຕົວຂຶ້ນ”, ທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ ໄດ້ຢືນຢັນ ແລະ ຝາກຝັງຄວາມໄວ້ເນື້ອເຊື່ອໃຈຢ່າງເລິກເຊິ່ງຂອງພັກ, ລັດ ສຳລັບລຸ້ນໜຸ່ມ, ໃນນັ້ນມີນັກຮຽນ, ນັກສຶກສາ. ໂດຍຊາບຊຶມຄວາມໄວ້ເນື້ອເຊື່ອໃຈ ແລະ ຄວາມຕັ້ງຫວັງນັ້ນຢ່າງເລິກເຊິ່ງ, ຂ້າພະເຈົ້າຮຽກຮ້ອງໃຫ້ນັກຮຽນ, ນັກສຶກສາແຕ່ລະຄົນ ມານະພະຍາຍາມຝຶກຝົນຫຼໍ່ຫຼອມເຈດຈຳນົງ, ຫຼໍ່ລ້ຽງຄວາມຄາດຫວັງ, ເປັນເຈົ້າການໃນການຮ່ຳຮຽນ, ປະດິດຄິດສ້າງ, ຕັ້ງໜ້າຄົ້ນຄວ້າວິທະຍາສາດ, ພິຊິກບັນດາຈຸດສູງພູມປັນຍາໃໝ່”.
