 (ປື້ມ “ວິທະຍຸກະຈາຍສຽງ ຫວຽດນາມ 80 ປີຮ່ວມເດີນທາງພ້ອມກັບປະເທດຊາດ”) |
ພິທີສະເໜີປື້ມ “ວິທະຍຸກະຈາຍສຽງ ຫວຽດນາມ 80 ປີຮ່ວມເດີນທາງພ້ອມກັບປະເທດຊາດ” ຈັດຂຶ້ນໃນຕອນເຊົ້າວັນທີ 04 ກັນຍາ, ຢູ່ສູນກະຈາຍສຽງແຫ່ງຊາດ, ເຮືອນເລກທີ 58, ຖະໜົນ ກວານຊື, ຮ່າໂຮ້ຍ. ເຂົ້າຮ່ວມເຫດການ, ມີທ່ານ ໂດ້ຕຽນຊີ, ກຳມະການສູນກາງພັກ, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ (VOV); ທ່ານ ຟານຊວັນຖຸຍ, ຮອງຫົວໜ້າຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງ, ຜູ້ຕາງໜ້າບັນດາອົງການສື່ມວນຊົນ ແລະ ອະດີດການນຳ VOV.
ປື້ມ “ວິທະຍຸກະຈາຍສຽງ ຫວຽດນາມ 80 ປີຮ່ວມເດີນທາງພ້ອມກັບປະເທດຊາດ” ໂດຍ VOV ສົມທົບກັບສຳນັກພິມຈຳໜ່າຍການເມືອງແຫ່ງຊາດ ຊື້ເທີດ ພິມຈຳໜ່າຍ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງ VOV (07 ກັນຍາ 1945 – 07 ກັນຍາ 2025).
 (ທ່ານ ຟ້າມແມ້ງຮຸ່ງ, ຮອງຜູ້ອຳນວຍການໃຫຍ່ VOV) |
ກ່າວຄຳເຫັນຢູ່ທີພິທີສະເໜີປື້ມ, ທ່ານ ຟ້າມແມ້ງຮຸ່ງ, ຮອງຜູ້ອຳນວຍການໃຫຍ່ VOV, ເນັ້ນໜັກວ່າ:
“ໃນບັນຍາກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນ ສິງຫາ ແລະ ວັດຊາດ ຫວຽດນາມ ທີ 02 ກັນຍາ, ກໍ່ແມ່ນວັນວິທະຍຸກະຈາຍສຽງ ຫວຽດນາມ ມຸ່ງໄປເຖິງພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງ, ການສະເໜີປື້ມຫົວນີ້ມີຄວາມໝາຍໃຫຍ່ຫຼວງຢ່າງແທດຈິງ, ສະແດງໃຫ້ເຫັນຄວາມເຄົາລົບ, ຄວາມຮູ້ບຸນຄຸນຕໍ່ບັນດາການປະກອບສ່ວນຂອງລຸ້ນກ່ອນໆ ທີ່ໄດ້ສ້າງສາ, ເສີມສ້າງຄຸນຄ່າ “ສຽງເວົ້າ ຫວຽດນາມ” ທີ່ສັກສິດໃນເສັ້ນທາງທີ່ຫຍຸ້ງຍາກຂອງປະເທດຊາດ; ສະແດງໃຫ້ເຫັນຄວາມຕັດສິນໃຈ, ຄວາມຄາດຫວັງຂອງ “ສຽງເວົ້າ ຫວຽດນາມ” ໃນມື້ນີ້ ທີ່ພວມ ແລະ ຈະຮ່ວມເດີນທາງພ້ອມກັບປະເທດຊາດ, ພ້ອມກັບປະຊາຊົນໃນສັງກາດໃໝ່ຕະຫຼອດໄປ”.
ດ້ວຍເກືອບ 500 ໜ້າ, ປື້ມຫົວນີ້ໄດ້ສຸມໃສ່: ພັນລະນາມູນຄືນເຊື້ອ ແລະ ຄຸນນະທາດຜ່ານຜ່າຄວາມຫຍຸ້ງຍາກໃນໄລຍະ 80 ປີແຫ່ງການສ້າງຕັ້ງ, ພັດທະນາ, ຢືນຢັນທີ່ຕັ້ງຂອງ VOV ຢູ່ໃຈກາງຂອງປະເທດຊາດ - ຂອງຊາດ.
