 (ທີ່ກອງປະຊຸມ) |
ໂດຍສືບຕໍ່ລາຍການເຮັດວຽກຂອງກອງປະຊຸມສະໄໝສາມັນເທື່ອທີ 9, ສະພາແຫ່ງຊາດ ຫວຽດນາມ ຊຸດທີ 15, ຕອນເຊົ້າວັນທີ 16 ມິຖຸນາ, ຢູ່ ຮ່າໂນ້ຍ, ສະພາແຫ່ງຊາດໄດ້ຮັບຮອງເອົາມະຕິຂອງສະພາແຫ່ງຊາດວ່າດ້ວຍການປັບປຸງ, ເພີ່ມເຕີມບາງມາດຕາຂອງລັດຖະທຳມະນູນປີ 2013; ກົດໝາຍວ່າດ້ວຍການຈັດຕັ້ງອຳນາດການປົກຄອງທ້ອງຖິ່ນ (ສະບັບປັບປຸງ).
ສິ່ງທີ່ໜ້າສົນໃຈ, ມາດຕາ 110 ລັດຖະທຳມະນູນ ສະບັບປັບປຸງ ຍົກອອກບັນດາຫົວໜ່ວຍບໍລິຫານຂອງປະເທດ ສສ.ຫວຽດນາມ ໄດ້ຈັດເປັນ 2 ຂັ້ນ, ລວມມີຂັ້ນແຂວງ, ນະຄອນຂຶ້ນກັບສູນກາງ ແລະ ບັນດາຫົວໜ່ວຍບໍລິຫານລຸ່ມແຂວງ, ນະຄອນຂຶ້ນກັບສູນກາງ ໂດຍກົດໝາຍກຳນົດ. ຫົວໜ່ວຍບໍລິຫານ - ເສດຖະກິດພິເສດໂດຍສະພາແຫ່ງຊາດສ້າງຕັ້ງ. ມະຕິວ່າດ້ວຍການປັບປຸງ, ເພີມເຕີມບາງມາດຕາຂອງລັດຖະທຳມະນູນ 2013 ມີຜົນສັກສິດນັບແຕ່ເມື່ອໄດ້ຮັບຮອງເອົາ (16 ມິຖຸນາ 2025). ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ, ເນັ້ນໜັກວ່າ.
“ເລື່ອງປັບປຸງ, ເພີ່ມເຕີມບາງມາດຕາຂອງລັດຖະທຳມະນູນໄດ້ກາຍເປັນບັ້ນດຳເນີນຊີວິດການເມືອງຢ່າງເລິກເຊິ່ງ, ກວ້າງຂວາງ, ສະແດງໃຫ້ເປັນຈິດໃຈຄວາມເປັນເຈົ້າ, ເສີມຂະຫຍາຍພູມປັນຍາລວມໝູ່, ໜ້າທີ່ຮັບຜິດຊອບ ແລະ ນ້ຳໃຈຮັກຊາດຂອງປະຊາຊົນທຸກຊັ້ນວັນນະ. ມາຮອດປະຈຸບັນ, ອາດສາມາດຢັ້ງຢືນໄດ້ວ່າ, ເລື່ອງປັບປຸງ, ເພີ່ມເຕີມບາງມາດຕາຂອງລັດຖະທຳມະນູນ ໄດ້ຮັບປະກັນບັນດາຂັ້ນຕອນລະບຽບການຕາມຂໍ້ກຳນົດ, ຮັບປະກັບຄວາມຄືບໜ້າ, ຫັນເປັນຫຼາຍຮູບຫຼາຍແບບ ເພື່ອໃຫ້ປະຊາຊົນປະກອບຄຳເຫັນ, ເສີມຂະຫຍາຍລັກສະນະປະຊາທິປະໄຕ, ກຽມພ້ອມເພື່ອໃຫ້ບັນດາສະມາຊິກສະພາແຫ່ງຊາດ ສະແດງຄຳເຫັນຂອງຕົນໃນຈຸດເວລາປະຫວັດສາດຂອງ ຫວຽດນາມ”.
ໃນຂະນະນັ້ນ, ສະພາແຫ່ງຊາດກໍ່ໄດ້ຮັບຮອງເອົາ ຮ່າງກົດໝາຍວ່າດ້ວຍການຈັດຕັ້ງອຳນາດການປົກຄອງທ້ອງຖິ່ນ (ສະບັບປັບປຸງ) ໃນຕອນເຊົ້າວັນດຽວກັນ.
