 ທ່ານປະທານປະເທດ ຫວຽດນາມ ເລືອງເກື່ອງ (ພາບ: TTXVN) |
ໂດຍຕອບສະໜອງຄຳເຊື້ອເຊີນຂອງທ່ານເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດ ລາວ, ປະທານປະເທດ ລາວ ທອງລຸນ ສີສຸລິດ, ຕອນບ່າຍວັນທີ 24 ເມສາ, ທ່ານປະທານປະເທດ ເລືອງເກື່ອງ ໄດ້ນຳໜ້າຄະນະຜູ້ແທນຂັ້ນສູງ ຫວຽດນາມເດີນທາງອອກຈາກຮ່າໂນ້ຍ ໄປຢ້ຽມຢາມທາງລັດຖະກິດຢູ່ລາວ ໃນລະຫວ່າງວັນທີ 24 – 25 ເມສາ 2025. ນີ້ແມ່ນການຢ້ຽມຢາມທາງລັດຖະກິດຢູ່ ລາວຄັ້ງທຳອິດຂອງທ່ານປະທານປະເທດ ເລືອງເກື່ອງ, ເຊິ່ງສະແດງໃຫ້ເຫັນການຖືເປັນສຳຄັນ ແລະ ໃຫ້ບຸລິມະສິດສູງຂອງ ຫວຽດນາມ ຕໍ່ລາວ ແລະ ຄວາມຕັດສິນໃຈຂອງການນຳສອງປະເທດໃນການຊຸກຍູ້ການພົວພັນສາມັກຄີແບບພິເສດ, ການຮ່ວມມືຮອບດ້ານ ຫວຽດນາມ - ລາວ. ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຫງວຽນແມັ້ງເກືອງ ໃຫ້ຮູ້ວ່າ:
ການພົວພັນ ຫວຽດນາມ ລາວແມ່ນການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ. ໃນໄລຍະຜ່ານມາ, ເຖິງຢ່າງສະພາບການໂລກ, ພາກພື້ນມີການຜັນແປທີ່ສັບສົນ, ແຕ່ຍາມໃດການນຳສອງພັກ, ສອງລັດ ກໍ່ມີຄວາມເອົາໃຈໃສ່ຊຸກຍູ້ ການພົວພັນລະຫວ່າງສອງພັກ, ສອງລັດ ແລະ ບັນລຸໄດ້ໝາກຜົນຢ່າງຈະແຈ້ງ.
