 ທ່ານເອກອັກຄະລັດຖະທູດ ຫວູເລທ້າຍຮວ່າງ ເຮັດວຽກ ກັບທ່ານນາງ Floriane Bacconnier, ຫົວໜ້າ ຫ້ອງວ່າການນັກສັງເກດການ ປະຈຳການ ຂອງ Interpolປະຈຳ ສປຊ (ພາບ: TTXVN) |
ທ່ານເອກອັກຄະລັດຖະທູດ ຫວູເລທ້າຍຮວ່າງ ໃຫ້ຮູ້ວ່າ ນັບແຕ່ເວລາເຂົ້າເປັນສະມາຊິກ Interpol ໃນປີ 1991 ມາຮອດປັດຈຸບັນ, ບັນດາອົງການທີ່ມີໜ້າທີ່ຮັບຜິດຊອບ ຫວຽດນາມ ໄດ້ປະຕິບັດບົດບາດ, ພັນທະຂອງປະເທດສະມາຊິກທີ່ຕັ້ງໜ້າ, ມີຄວາມຮັບຜິດຊອບໄດ້ເປັນຢ່າງດີ. ທ່ານເອກອັກຄະລັດຖະທູດ ສະແດງຄວາມປາດຖະໜາຢາກໃຫ້ ຫວຽດນາມ ແລະ Interpol ສືບຕໍ່ເພີ່ມທະວີການຮ່ວມມືເພື່ອປະຕິບັດສຳເລັດຄວາມຮັບຜິດຊອບແມ່ນປະເທດສະມາຊິກ ກໍ່ຄືຍົກສູງປະສິດທິຜົນຂອງວຽກງານປ້ອງກັນ, ຕ້ານອາດຊະຍາກຳຂ້າມຊາດຢູ່ ຫວຽດນາມ. ດ້ວຍບົດບາດເປັນປະທານກຸ່ມ ອາຊີ - ປາຊີຟິກ ຢູ່ບັນດາອົງການຈັດຕັ້ງສາກົນ ປະຈຳ Vienna, ຫວຽດນາມ ພ້ອມແລ້ວທີ່ຈະເປັນຂົວເຊື່ອມຕໍ່ເພື່ອຊຸກຍູ້ການພົວພັນຮ່ວມມືລະຫວ່າງ Interpol ແລະ ບັນດາປະເທດໃນພາກພື້ນເພື່ອແນໃສ່ປະກອບສ່ວນຮັກສາສະພາບແວດລ້ອມແຫ່ງສັນຕິພາບ, ມີສະຖຽນລະພາບ, ມີຄວາມໝັ້ນຄົງ, ປອດໄພ ແລະ ພັດທະນາແບບຍືນຍົງ.
ສ່ວນທ່ານນາງ Floriane Bacconnier ກໍ່ຫວັງວ່າ ໃນໄລຍະຈະມເຖິງ ຈະໄດ້ຮ່ວມມືກັບຄະນະປະຕິບັດງານ ຫວຽດນາມ ຢ່າງແໜ້ນແຟ້ນ ເພື່ອຜັນຂະຫຍາຍຂໍ້ລິເລີ່ມໃໝ່ຈຳນວນໜຶ່ງ ເພື່ອແນໃສ່ເພີ່ມທະວີການພົວພັນຮ່ວມມືອັນດີງາມ, ມີປະສິດທິຜົນລະຫວ່າງ Interpol ກັບບັນດາປະເທດຂົງເຂດ ອາຊີ - ປາຊີຟິກ, ໃນນັ້ນມີ ຫວຽດນາມ, Interpol ປາດຖະໜາໃນປີນີ້, ຫວຽດນາມ ຈະຈັດຕັ້ງສຳເລັດພິທີເຊັນສົນທິສັນຍາ ສປຊ ວ່າດ້ວຍການຕ້ານອາດຊະຍາກຳທາງອິນເຕີເນັດ.
