 ສູນອະນຸລັກ ມໍລະດົກທັງລອງ - ຮ່າໂນ້ຍ (ພາບ: TTXVN) |
ໃນໂອກາດບຸນປີໃໝ່ປະຈຳຊາດ 2026, ສູນອະນຸລັກ ມໍລະດົກທັງລອງ - ຮ່າໂນ້ຍ ໄດ້ຈັດຕັ້ງບັນດາກິດຈະກຳວັດທະນະທຳ, ພິທີກຳ ແລະ ບຸນເຕັດ ຢູ່ເຂດມໍລະດົກ ພະລາຊະວັງ ທັງລອງ - ຮ່າໂນ້ຍ. ບັນດາກິດຈະກຳດັ່ງກ່າວດຳເນີນແຕ່ວັນທີ 1 ກຸມພາ 2026 (ກົງກັບວັນທີ 14 ເດືອນ 12 ໄລ່ຕາມຈັນທະປະຕິທິນປີ ມະເສງ 2025) ຮອດວັນທີ 25 ກຸມພາ 2026 (ກົງກັບວັນທີ 9 ເດືອນ 1 ໄລ່ຕາມຈັນທະປະຕິທິນປີມະເມຍ 2026), ເພື່ອວາດພາບບັນຍາກາດບຸນເຕັດ ສະໄໝລາຊະວົງ ເລຈຸງຮຶງ (1533 - 1789) ແລະ ບຸນເຕັດທັງລອງໃນເມື່ອກ່ອນ, ປະກອບສ່ວນແຜ່ກະຈາຍບັນດາຄຸນຄ່າມໍລະດົກວັດທະນະທຳຂອງຊາດ.
ພົ້ນເດັ່ນໃນລາຍການແມ່ນບັນດາການເຄື່ອນໄຫວວາງສະແດງຫົວເລື່ອງສະເພາະ. ເຂດວາງສະແດງບຸນເຕັດປະເພນີ ໄດ້ວາດພາບ ບຸນເຕັດ ຂອງຄອບຄົວໜຶ່ງຢູ່ ທັງລອງ ດ້ວຍບັນດາຮີດຄອງປະເພນີຄື: ບູຊາບັນພະບຸລຸດ, ແຂວນພາບແຕ້ມບຸນເຕັດ, ຫໍ່ເຂົ້າຕົ້ມ, ຂໍຕົວໜັງສືຍາມຕົ້ນປີໃໝ່, ອວຍພອນປີໃໝ່… ທີ່ເຂັ້ມຂຸ້ນໄປດ້ວຍສີສັນວັດທະນະທຳ ແລະ ສະຖາປັດຕະຍາກຳ ຄຸ້ມຖະໜົນຂອງທັງລອງໃນເມືອກ່ອນ.
