 ທ່ານເລຂາທິການໃຫຍ່ ໂຕເລິມ (ພາບ: TTXVN) |
ໃນການໂອ້ລົມ, ທ່ານເລຂາທິການໃຫຍ່ ໂຕເລິມ ແລະ ທ່ານປະທານາທິບໍດີ Donald Trump ໄດ້ຊົມເຊີຍເລື່ອງສອງຄະນະເຈລະຈາຂອງສອງປະເທດ ໄດ້ຕົກລົງເປັນເອກະພາບຖະແຫຼງການຮ່ວມ ຫວຽດນາມ - ອາເມລິກາ ກ່ຽວກັບກອບສົນທິສັນຍາການຄ້າສົມທົບ, ຄວາມຍຸຕິທຳ ແລະ ດຸ່ນດ່ຽງ. ທ່ານປະທານາທິບໍດີ Donald Trump ຕີລາຄາສູງເລື່ອງ ຫວຽດນາມ ໃຫ້ຄຳໝັ້ນສັນຍາອຳນວຍຄວາມສະດວກໃຫ້ສິນຄ້າ ອາເມລິກາ ໄດ້ສຳຜັດກັບຕະຫຼາດບຸລິມະສິດ, ໃນນັ້ນມີລົດໂອໂຕແຮງຈັກສູງ. ທ່ານຢັ້ງຢືນວ່າ ອາເມລິກາ ຈະຫຼຸດອັດຕາພາສີສົມທົບລົງຫຼາຍພໍສົມຄວນສຳລັບສິນຄ້າສົ່ງອອກຫຼາຍປະເພດຂອງ ຫວຽດນາມ ແລະ ຈະສືບຕໍ່ຮ່ວມມືກັບ ຫວຽດນາມ ໃນການແກ້ໄຂບັນດາຂໍ້ຕິດຂັດທີ່ສົ່ງຜົນກະທົບຕໍ່ການພົວພັນດ້ານການຄ້າສອງຝ່າຍ, ໂດຍສະເພາະແມ່ນໃນບັນດາຂົງເຂດເຊິ່ງສອງຝ່າຍໃຫ້ບຸລິມະສິດ. ທ່ານເລຂາທິການໃຫຍ່ ໂຕເລິມ ສະເໜີໃຫ້ຝ່າຍ ອາເມລິກາ ຮັບຮອງເອົາພື້ນຖານເສດຖະກິດ ຫວຽດນາມ ແມ່ນເສດຖະກິດການຕະຫຼາດໂດຍໄວ ແລະ ລົບລ້າງຂໍ້ຈຳກັດການສົ່ງອອກສຳລັບສິນຄ້າເຕັກໂນໂລຢີສູງຈຳນວນໜຶ່ງ.
ທ່ານເລຂາທິການໃຫຍ່ ໂຕເລິມ ແລະ ທ່ານປະທານາທິບໍດີ Donald Trump ກໍໄດ້ແລກປ່ຽນກ່ຽວກັບບາງທິດທາງ, ມາດຕະການໃຫຍ່ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານໃນຊຸມປີຈະມາເຖິງ. ການນຳສອງທ່ານກໍໄດ້ຮັບຮອງເອົາການເພີ່ມທະວີການແລກປ່ຽນຄະນະ, ພົບປະການນຳຂັ້ນສູງ ແລະ ທຸກຂັ້ນ, ຍູ້ແຮງການຮ່ວມມືໃນບັນດາຂົງເຂດເສດຖະກິດ, ການຄ້າ ແລະ ການລົງທຶນ, ພິເສດແມ່ນໃນບັນດາຂົງເຂດທີ່ມີຄວາມໝາຍແກ່ນສານ, ບຸກທະລຸຄືວິທະຍາສາດ, ເຕັກໂນໂລຢີສູງ.
ວັນຫຽວ
