 ທ່ານເລຂາທິການໃຫຍ່ ໂຕເລິມ ພົບປະກັບທ່ານນາຍົກລັດຖະມົນຕີ ອາເຊັກໄບຊານ Ali Asadov (ພາບ: TTXVN)
|
ທ່ານເລຂາທິການໃຫຍ່ ໂຕເລິມ ເນັ້ນໜັກເຖິງເລື່ອງການນຳຂັ້ນສູງສອງປະເທດ ຮັບຮອງເອົາຖະແຫຼງການຮ່ວມກ່ຽວກັບການສ້າງການພົວພັນຄູ່ຮ່ວມມືຍຸດທະສາດ ລະຫວ່າງ ຫວຽດນາມ ແລະ ອາເຊັກໄບຊານ ແມ່ນຂີດໝາຍປະຫວັດສາດ, ເປີດສັງກາດໃໝ່ໃນການພົວພັນສອງປະເທດ.
ສ່ວນທ່ານນາຍົກລັດຖະມົນຕີ Ali Asadov ຢັ້ງຢືນວ່າ ອາເຊັກໄບຊານ ຍາມໃດກໍ່ຖືເປັນສຳຄັນການພັດທະນາການພົວພັນຮ່ວມມືໃນຫຼາຍດ້ານກັບ ຫວຽດນາມ ແລະ ຖື ຫວຽດນາມແມ່ນໜຶ່ງໃນບັນດາຄູ່ຮ່ວມມືບຸລິມະສິດແຖວໜ້າຢູ່ພາກພື້ນອາຊີຕາເວັນອອກສ່ຽງໃຕ້.
ຢູ່ການພົບປະ, ການນຳສອງທ່ານໄດ້ເຫັນດີເປັນເອກະພາບຊຸກຍູ້ບົດບາດຂອງສະພາແຫ່ງຊາດສອງປະເທດໃນການສົມທົບກັນ, ໜູນຊ່ວຍ ແລະ ກະຕຸກຊຸກຍູ້ບັນດາກະຊວງ, ຂະແໜງການຍູ້ແຮງການຮ່ວມມືດ້ານເສດຖະກິດ ການຄ້າ ແລະ ການລົງທຶນສອງຝ່າຍ.
