ທ່ານ​ນາ​ຍົກ​ລັດ​ຖະ​ມົນ​ຕີ ອິດ​ສະ​ຣາ​ແອັນ ປົດ​ຕຳ​ແໜ່ງ​ຂອງ​ປະ​ທານ​ສະ​ພາ​ຄວາມ​ໝັ້ນ​ຄົງແຫ່ງ​ຊາດ

ໃນຖະແຫຼງການອອກເມື່ອວັນທີ 21 ຕຸລາ, ທ່ານ Tzachi Hanegbi, ຢັ້ງຢືນວ່າ ອາຍຸການຂອງທ່ານຢູ່ສະພາຄວາມໝັ້ນຄົງແຫ່ງຊາດ ໄດ້ສິ້ນສຸດລົງພາຍຫຼັງທ່ານນາຍົກລັດຖະມົນຕີ Benjamin Netanyahu ອອກແຈ້ງການ ຈະແຕ່ງຕັ້ງຜູ້ອື່ນມາແທນ. ທ່ານ Gil Reich ຮອງປະທານຄົນປັດຈຸບັນ NSC ຈະຮັບດຳລົງຕຳແໜ່ງເປັນຜູ້ຮັກສາການປະທານສະພາຄວາມໝັ້ນຄົງແຫ່ງຊາດ.

        ຕາມສື່ມວນຊົນ ອິດສະຣາແອັນ ແລ້ວ, ຂໍ້ຕົກລົງປົດຕຳແໜ່ງທ່ານ Tzachi Hanegbi ໄດ້ດຳເນີນພາຍຫຼັງທີ່ທ່ານຄັດຄ້ານການບຸກໂຈມຕີທາງອາກາດເລັ່ງໃສ່ດິນແດນ ກາຕາ ເມື່ອເດືອນກ່ອນ, ກໍຄືຄັດຄ້ານບັ້ນການທະຫານທີ່ມີຂອບຂະໜາດໃຫຍ່ ຂອງກອງທັບ ອິດສະຣາແອັນ ຢູ່ເຂດ ກາຊາ.