ວັນທີ 16 ກຸມພາ, ທ່ານປະທານາທິບໍດີ ອາເມລິກາ Donald Trump, ຢືນຢັນວ່າຈະພົບປະກັບທ່ານປະທານາທິບໍດີ ລັດເຊຍ Vladimir Putin ໂດຍໄວ, ເພື່ອປຶກສາຫາລືເລື່ອງຢຸດຕິການປະທະກັນຢູ່ ຢູແກຼນ. ທ່ານ Donald Trump ໃຫ້ຮູ້ວ່າ, ການພົບປະຈະດຳເນີນຢູ່ ຊະອຸດີ ອາຣັບບີ ແຕ່ບໍ່ເຜີຍເວລາລະອຽດ. ທ່ານກໍ່ໃຫ້ຮູ້ວ່າ, ພວມຮັກສາການຕິດຕໍ່ຢ່າງແໜ້ນແຟ້ນກັບທ່ານລັດຖະມົນຕີການຕ່າງປະເທດ ອາເມລິກາ Marco Rubio, ຜູ້ມີໜ້າຢູ່ ຊະອຸດີ ອາຣັບບີ ໃນວັນທີ 17 ກຸມພາ ນີ້, ເພື່ອປຶກສາຫາລືກັບບັນດາເຈົ້າໜ້າທີ່ປະເທດເຈົ້າພາບຕໍ່ເລື່ອງຈັດກອງປະຊຸມສຸດຍອດ ອາເມລິກາ - ລັດເຊຍ. ທ່ານປະທານາທິບໍດີ Donald Trump ເນັ້ນໜັກວ່າ, ທຸກວຽກງານພວມໄດ້ຮັບການຍູ້ໄວ.
“ພວກຂ້າພະເຈົ້າພວມຜັນຂະຫຍາຍທຸກວຽກງານ. ພວກຂ້າພະເຈົ້າພວມມານະພະຍາຍາມບັນລຸໄດ້ສັນຕິພາບກັບ ລັດເຊຍ, ຢູແກຼນ ແລະ ພວມມານະພະຍາຍາມຈົນສຸດຄວາມສາມາດເພື່ອປະຕິບັດສຳເລັດວຽກງານດັ່ງກ່າວ. ນີ້ແມ່ນການປະທະກັນທີ່ບໍ່ຄວນເກີດຂຶ້ນ”.
ໃນຂະນະນັ້ນ, ວັນທີ 16 ກຸມພາ, ຄະນະຜູ້ແທນຂອງ ຢູແກຼນ, ໂດຍທ່ານນາງ Yulia Sryvydenko, ຮອງນາຍົກລັດຖະມົນຕີ, ທັງເປັນລັດຖະມົນຕີກະຊວງເສດຖະກິດ ຢູແກຼນ ນຳໜ້າ, ກໍ່ເດີນທາງມາຮອດ ຊະອຸດີ ອາຣັບບີ ເພື່ອກະກຽມການຢ້ຽມຢາມຂອງທ່ານປະທານາທິບໍດີ Volodymyr Zelensky ໃນຊຸມມື້ຈະມາເຖິງ.
