 ວັງ Golestan ຢູ່ນະຄອນຫຼວງ ເຕເຮຣານ(ພາບ: Majid Asgaripour/WANA/Reuters)
|
ວັນທີ 11 ມີນາ, ອົງການສຶກສາວິທະຍາສາດ ແລະ ວັດທະນະທຳສະຫະປະຊາຊາດ (UNESCO) ໄດ້ສະແດງຄວາມວິຕົກກັງວົນກ່ຽວກັບຊາຕະກຳຂອງບັນດາມໍລະດົກໂລກຢູ່ ອີຣານ ແລະ ພາກພື້ນ, ພາຍຫຼັງວັງ Golestan ຢູ່ນະຄອນຫຼວງ ເຕເຮຣານ, ພ້ອມກັບໂບດອິດສະລາມ ແລະ ວັງປະຫວັດສາດຢູ່ນະຄອນ Isfahan ຖືກເປ່ເພຍ້ອນການປະທະກັນທີ່ພວມເກີດຂຶ້ນ.
ຖະແຫຼງການຂອງ UNESCO ໄດ້ສະແດງຄວາມວິຕົກກັງວົນຢ່າງເລິກເຊິ່ງກ່ຽວກັບການຜົນກະທົບໃນເບື້ອງຕົ້ນທີ່ການປະທະກັນຢູ່ ຕາເວັນອອກກາງ ກໍ່ໃຫ້ເກີດສຳລັບຫຼາຍມໍລະດົກວັດທະນະທຳຂອງ ອີຣານ, ກໍຄືບັນດາປະເທດຢູ່ພາກພື້ນ. UNESCO ໃຫ້ຮູ້ວ່າ, ມີ 4 ໃນຈຳນວນ 29 ມໍລະດົກໂລກຂອງ ອີຣານ ຖືກເປ່ເພນັບແຕ່ເມື່ອ ອາເມລິກາ ແລະ ອິດສະຣາແອັນ ບຸກໂຈມຕີ ອີຣານ.
