ຮຸງ​ກາ​ຣີ ຖະ​ແຫຼງ​ຈະ​ຮ້ອງ​ຟ້ອງ EU ກ່ຽວ​ກັບ​ແຜນ​ການ​ລົບ​ລ້າງ​ພະ​ລັງ​ງານ ລັດ​ເຊຍ

ກ່າວຄຳເຫັນທາງຊ່ອງໂທລະພາບແຫ່ງຊາດ ຮຸງກາຣີ, ວັນທີ 14 ພະຈິກ ທ່ານ ນາຍົກລັດຖະມົນຕີ Viktor Orbán ໄດ້ຕຳໜິຕິຕຽນແຜນການຂອງ EU ແນໃສ່ຢຸດຕິການນຳເຂົ້າພະລັງງານລັດເຊຍ, ພ້ອມທັງກ່າວເຕືອນວ່າ EU ສວຍໃຊ້ຊ່ອງຫວ່າງຂອງ ກົດໝາຍ ເພື່ອຂ້າມຜ່ານສິດປະຕິເສດຂອງປະເທດນີ້ ຕໍ່ບັນດາຄຳສັ່ງລົງໂທດ ພະລັງງານລັດເຊຍ. ຕາມທ່ານ Viktor Orbán ແລ້ວ, EU ພວມນຳໃຊ້ບັນດາມຂໍ້ກຳນົດດ້ານການຄ້າເພື່ອບັງຄັບລົບລ້າງການນຳເຂົ້ານ້ຳມັນ ແລະ ອາຍແກັນຈາກລັດເຊຍ ຢ່າງສົມບູນນັບແຕ່ທ້າຍປີ 2027, ແທນທີ່ຜ່ານກົນໄກເຫັນດີເຫັນພ້ອມ ເຊິ່ງຮຽກຮ້ອງຕ້ອງມີຄວາມເຫັນດີຈາກທຸກປະເທດສະມາຊິກ. ນີ້ໄດ້ຮັບຖືວ່າແມ່ນການກະທຳລະເມີດກົດໝາຍ ເອີລົບ ແລະ ຮຸງກາຣີ ຮຽກຮ້ອງສານຍຸຕິທຳ ເອີລົບ ແກ້ໄຂບັນຫານີ້ ເພື່ອຮັບປະກັນຄວາມຍິຕິທຳ.