 ພິທີອັດເວທີປາໄສ (ພາບ: VOV) |
ຕອນຄ່ຳວັນທີ 28 ກັນຍາ, ຢູ່ແຂວງ ອານຢາງ, ເວທີປາໄສ OCOP (ໂຄງການໜຶ່ງຕາແສງ, ໜຶ່ງຜະລິດຕະພັນ) ເຂດທົ່ງພຽງແມ່ນ້ຳຂອງທາງພາກໃຕ້ ປີ 2025 ດ້ວຍຫົວຂໍ້ “ຮ່ວມສຳພັນເພື່ອພ້ອມກັນພັດທະນາ” ໂດຍກະຊວງກະສິກຳ ແລະ ສິ່ງແວດລ້ອມສົມທົບກັບຄະນະກຳມະການປະຊາຊົນແຂວງ ອານຢາງ ຈັດຂຶ້ນໄດ້ອັດລົງ.
ບັນດາການເຄື່ອນໄຫວທີ່ແທດຈິງໄດ້ຈັດຂຶ້ນ ລວມມີ: ກອງປະຊຸມເຊື່ອມຕໍ່ການແລກປ່ຽນຄ້າຂາຍຜະລິດຕະພັນ OCOP ເຂດທົ່ງພຽງແມ່ນ້ຳຂອງທາງພາກໃຕ້, ງານແຂ່ງຂັນຜະລິດຕະພັນ OCOP ດີເດັ່ນເຂດທົ່ງພຽງແມ່ນ້ຳຂອງທາງພາກໃຕ້, ເຂດວາງສະແດງຜະລິດຕະພັນ OCOP ດີເດັ່ນຂອງ ຫວຽດນາມ ແນະນຳບັນດາຜະລິດຕະພັນ OCOP ດີເດັ່ນໃນທົ່ວປະເທດ, ສົມທົບກັນຈັດງານວາງສະແດງ, ການສະແດງກ່ຽວກັບອາຊີບ, ສະຖານທີ່ check-in, ຖ່າຍຮູບເປັນທີ່ລະນຶກ…
ປີນີ້ເວທີປາໄສມີການເຂົ້າຮ່ວມຂອງຮ້ານວາງສະແດງ 226 ແຫ່ງ ດ້ວຍຜະລິດຕະພັນ OCOP ປະມານ 5.400 ຢ່າງ, ພິເສດເຫດການໄດ້ຕ້ອນຮັບແຂກເຂົ້າຮ່ວມ, ຊື້ເຄື່ອງຂອງກ່ວາ 10.000 ເທື່ອຄົນ. ຜ່ານນັ້ນ, ບັນດາຜະລິດຕະພັນ OCOP ກໍ່ໄດ້ຮັບການແນະນຳ, ໂຄສະນາໄປເຖິງຜູ້ບໍລິໂພກທັງຢູ່ພາຍໃນ ແລະ ຕ່າງປະເທດ.
