 ການຟ້ອນວີຂອງຊົນເຜົ່າຈຳ (ພາບ: VOV5) |
ວັນບຸນວັດທະນະທຳ ຊົນເຜົ່າຈຳຄັ້ງທີ VI ປີ 2025 ດ້ວຍຫົວຂໍ້ “ອະນຸລັກຮັກສາ, ເສີມຂະຫຍາຍສີສັນວັດທະນະທຳຊົນເຜົ່າຈຳ ໃນສັງກາດໃໝ່” ຈະດຳເນີນຢູ່ແຄ້ງຮ່ວາ ແຕ່ວັນທີ 17 – 19 ຕຸລາ. ວັນບຸນມີການເຂົ້າຮ່ວມຂອງ 6 ແຂວງ, ນະຄອນລວມມີ: ແຄ້ງຮ່ວາ, ຢາລາຍ, ດັກລັກ, ເລິມດົ່ງ, ອານຢາງ ແລະ ນະຄອນ ໂຮ່ຈີມິນ.
ໃນຂອບເຂດ ວັນບຸນ ຈະດຳເນີນຫຼາຍການເຄື່ອນໄຫວວັດທະນະທຳ, ກິລາ ແລະ ການທ່ອງທ່ຽວ ຄື: ລາຍການສະແດງສິລະປະມວນຊົນ, ລາຍການສະແດງບັນດາທຳນອງພື້ນເມືອງ, ການຟ້ອນ, ດົນຕີ, ເສບເຄື່ອງດົນຕີພື້ນເມືອງເຜົ່າຈຳ ຂອງທ້ອງຖິ່ນ, ລາຍການສະແດງຊຸດອາພອນເຜົ່າຈຳ…ເນື່ອງໃນໂອກາດນີ້, ແຄ້ງຮ່ວາກໍ່ຈັດຕັ້ງຫຼາຍການເຄື່ອນໄຫວຄື, ກອງປະຊຸມສຳມະນາເສີມຂະຫຍາຍຄຸນຄ່າມໍລະດົກວັດທະນະທຳຊົນເຜົ່າຈຳໃນການພັດທະນາການທ່ອງທ່ຽວ, ການແຂ່ງຂັນສະແດງທັກສະການທ່ອງທ່ຽວປະຊາຄົມ, ບັນດາການເຄື່ອນໄຫວກິລາ ແລະ ການລະຫຼິ້ນພື້ນເມືອງຂອງຊົນເຜົ່າຈຳ…
ວັນບຸນແມ່ນເພື່ອແນໃສ່ເພີ່ມທະວີການໂຄສະນາພາບພົດປະເທດ ຫວຽດນາມທີ່ເຂັ້ມຂຸ້ມໄປດ້ວຍສີສັນວັດທະນະທຳ, ມີຄວາມເປັນເອກະພາບ ແລະ ຄວາມກົມກຽວລະຫວ່າງບັນດາເຜົ່າ, ສະແດງໃຫ້ເຫັນຄວາມເອົາໃຈຂອງພັກ, ລັດ ທີ່ມີຕໍ່ວຽກງານອະນຸລັກຮັກສາ, ເສີມຂະຫຍາຍບັນດາຄຸນຄ່າວັດທະນະທຳຂອງພໍ່ແມ່ປະຊາຊົນເຜົ່າຈຳ, ພ້ອມທັງຍົກສູງຄວາມຮັບຮູ້, ສະຕິຄວາມຮັບຜິດຊອບໃນວຽກງານກໍ່ສ້າງ ແລະ ພັດທະນາວັດທະນະທຳ, ຊາວຫວຽດນາມ ຕອບສະໜອງຄວາມຮຽກຮ້ອງຕ້ອງການໃນການພັດທະນາແບບຍືນຍົງຂອງປະເທດຊາດ.
