 ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ກ່າວຄຳເຫັນທີ່ກອງປະຊຸມສະຫຼຸບ (ພາບ: TTXVN) |
ຕອນບ່າຍວັນທີ 21 ພຶດສະພາ, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ໄດ້ເປັນປະທານກອງປະຊຸມສະຫຼຸບ ກອງປະຊຸມສຸດຍອດເວທີປາໄສຄູ່ຮ່ວມມືເພື່ອການເຕີບໂຕສີຂຽວ ແລະ ບັນດາເປົ້າໝາຍທົ່ວໂລກ 2030 (P4G) ຄັ້ງທີ 4 ທີ່ໄດ້ດຳເນີນແຕ່ວັນທີ 16 – 17 ເມສາຢູ່ ຮ່າໂນ້ຍ.
ບັນດາກະຊວງ, ຂະແໜງການ, ອົງການລ້ວນແຕ່ໃຫ້ຂໍ້ສັງເກດວ່າ ກອງປະຊຸມສຸດຍອດ P4G ຄັ້ງທີ 4 ໄດ້ປະສົບຜົນສຳເລັດຢ່າງຈົມງາມ, ຢັ້ງຢຶນບົດບາດປະສານງານ, ນຳພາ ແລະ ຈັດຕັ້ງຂອງ ຫວຽດນາມ ໃນການຍົກສູງລັດທິຫຼາຍຝ່າຍ, ຄວາມສາມັກຄີສາກົນເວົ້າລວມ. ຜ່ານນັ້ນ, ກໍ່ໄດ້ສ້າງຂີດໝາຍທີ່ເຂັ້ມຂຸ້ນ ເຊິ່ງໄດ້ຮັບການຕີລາຄາສູງຈາກເພື່ອນມິດສາກົນ.
ຕາມທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ບຸຍແທັງເຊີນແລ້ວ, ວຽກງານຈັດຕັ້ງກອງປະຊຸມໄດ້ສ້າງຄວາມປະທັບໃຈທີ່ດີງາມສຳລັບບັນດາຜູ້ແທນສາກົນ ກ່ຽວກັບຫົວຄິດປະດິດສ້າງ, ຄວາມມີໄຫວພິບ, ກຳລັງຄວາມາສມາດຂອງ ຫວຽດນາມ ໃນການຈັດຕັ້ງ, ປະສານງານ ແລະ ບໍລິຫານບັນດາກອງປະຊຸມຫຼາຍຝ່າຍໃຫຍ່. ວຽກງານຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍ ໄດ້ຮັບການຜັນຂະຫຍາຍຢ່າງມີແບບມີແຜນ, ເປັນມືອາຊີບ, ບໍ່ປະໃຫ້ເກີດບັນຫາຍັງ.
