 ທ່ານນາຍົກລັດຖະມົນຕີ ຟ້າມມິງຈິງ, ບັນດາຜູ້ແທນ ແລະ ກຳລັງກູ້ໄພກູ້ຊີບ (ພາບ: qdnd.vn) |
ຕອນບ່າຍວັນທີ 9 ເມສາ, ຢູ່ຮ່າໂນ້ຍ, ໄດ້ດຳເນີນພິທີຍ້ອງຍໍສັນລະເສີນຄະນະປະຕິບັດງານກອງທັບ ແລະ ຕຳຫຼວດ ທີ່ເຂົ້າຮ່ວມໜູນຊ່ວຍແກ້ໄຂຜົນຕາມມາຈາກເຫດແຜ່ນດິນໄຫວຢູ່ມຽນມາທີ່ຫາກໍ່ປະຕິບັດສຳເລັດໜ້າທີ່ກັບເມືອປະເທດ.
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຟ້າມມິງຈິງ ອີກຄັ້ງໜຶ່ງໄດ້ສົ່ງຄຳແບ່ງປັນຕໍ່ບັນດາຄວາມເສຍຫາຍ ໂດຍເຫດແຜນດິນໄຫວກໍ່ຂຶ້ນ ສຳລັບ ມຽນມາ, ທ່ານເຊື່ອໝັ້ນວ່າ ມຽນມາ ຈະຜ່ານຜ່າຄວາມຫຍຸ້ງຍາກໂດຍໄວ. ທ່ານນາຍົກລັດຖະມົນຕີ ໃຫ້ຮູ້ວ່າ ພາຍຫຼັງເຫດແຜ່ນດິນໄຫວເກີດຂຶ້ນ, ຫວຽດນາມໄດ້ຈັດສົ່ງຄະນະປະຕິບັດງານລວມມີພະນັກງານ, ນັກຮົບກອງທັບ, ຕຳຫຼວດ 106 ຄົນໄປຍັງມຽນມາເຂົ້າຮ່ວມການກູ້ໄພກູ້ຊີບມະນຸດສະທຳ ແລະ ແກ້ໄຂຜົນຕາມມາຈາກເຫດແຜ່ນດິນໄຫວນັບແຕ່ວັນທີ 30 ມີນາ ຫາວັນທີ 8 ເມສາ. ນີ້ແມ່ນຄັ້ງທີສາມທີ່ ຫວຽດນາມ ຈັດສົ່ງກຳລັງໄປປະຕິບັດໜ້າທີ່ນີ້ຢູ່ຕ່າງປະເທດແບບໂດຍກົງ. ທ່ານໃຫ້ຮູ້ວ່າ:
ເລື່ອງຈັດສົ່ງກຳລັງພາຍຫຼັງເກີດເຫດ 24 ຊົ່ວໂມງໄດ້ສະແດງໃຫ້ເຫັນຄວາມກ້າວໜ້າກ່ຽວກັບກຳລັງແຮງ, ບົດຮຽນປະສົບການ, ຢັ້ງຢືນຄຸນນະທາດ, ອິດທິພົນຊື່ສຽງຂອງບັນດາກຳລັງກູ້ໄພກູ້ຊີບ ຫວຽດນາມ ຕໍ່ບັນດາບັນຫາຄວາມໝັ້ນຄົງແບບໃໝ່, ໂດຍປະຊາຄົມສາກົນ ແລະ ລັດຖະບານ, ປະຊາຊົນ ມຽນມາ ໄດ້ໃຫ້ຄວາມເຄົາລົບນັບຖື ແລະ ຕີລາຄາສູງ. ເລື່ອງ ຫວຽດນາມ ຈັດສົ່ງກຳລັງກອງທັບ ແລະ ຕຳຫຼວດໄປໜູນຊ່ວຍຕວັກກີ ຫຼື ມຽນມາ ຢັ້ງຢືນບົດບາດ, ລະດັບຄວາມສຳຄັນ, ຄວາມສາມາດບົ່ມຊ້ອນຮັບມືໂດຍໄວຂອງ ຫວຽດນາມ ຕໍ່ໜ້າບັນດາໄພພິບັດຂອງໂລກ ແລະ ພາກພື້ນ.
