(vovworld)- ໃນ 55 ປີຜ່ານມາ, ໂຮງລະຄອນຮ່າໂນ້ຍ ໄດ້ສະແດງບົດລະຄອນກ່ວາ 100 ບົດຊື່ງໄດ້ຮັບຄວາມນິຍົມຮັບຊົມຢ່າງກວ້າງຂວາງ, ປະກອບສ່ວນສ້າງເປັນໄລຍະຈະເລີນຮຸ່ງເຮືອງໃຫ້ແກ່ເວທີສະແດງລະຄອນ. ເຖິງວ່າບັນດາບົດລະຄອນຂອງໂຮງລະຄອນຮ່າໂນ້ຍ ມີຄວາມອຸດົມສົມບູນຄື: ລະຄອນສັ້ນ, ລະຄອນກາບກອນ, ລະຄອນຕ່າງປະເທດ, ລະຄອນຕະຫຼົກ, ລະຄອນພື້ນເມືອງ….ກໍ່ຕາມແຕ່ບັນດາບົດລະຄອນທີ່ໂຮງລະຄອນສະແດງຍັງຄົງແມ່ນກະດູດສັນຫຼັງ, ແມ່ນປັດໄຈຕົ້ນຕໍ ສ້າງເປັນຊື່ສຽງຂອງໂຮງລະຄອນ.
(ພາບ: nhahatkichvietnam.vn)
ໃນກວ່າເຄິ່ງສັດຕະວັດຜ່ານມາ, ຍາມໃດໂຮງລະຄອນຮ່າໂນ້ຍ ກໍ່ໄດ້ຮັບຄວາມນິຍົມຊົມຊອບຈາກຜູ້ຊົມດ້ວຍບົດລະຄອນຕ່າງໆ. ບັນດາບົດລະຄອນທີ່ມີຊື່ສຽງຂອງໂຮງລະຄອນຄື: “ເຕົ້າໂຮມຢູ່ລາມເຊີນ“ “ຄ່ຳຄືນເດືອນກໍລະກົດ“; “ຂ້ອຍ ແລະ ພວກເຮົາ“; “ຮ່າມີຂອງຂ້ອຍ“; “ກິນແໜງ“; “ຮ່າໂນ້ຍອາກາດປ່ຽນແປງຍາມຄ່ຳ ຄືນ“; “ໂທລະສັບມືຖື“…. ໄດ້ຮັບຄວາມນິຍົມຈາກຜູ້ຊົມທີ່ສຸດຍ້ອນໄດ້ສ່ອງແສງໃຫ້ເຫັນບັນດາບັນຫາເຄັ່ງຮ້ອນຂອງປະເທດຊາດ. ເຖິງວ່າໃນໄລຍະໃດກໍ່ຕາມແຕ່ບັນດາບົດລະຄອນທີ່ໂຮງລະຄອນໄດ້ສະແດງຍັງຄົງດຶງດູດໃຈຜູ້ຊົມຢູ່. ນັກສິລະປິນປະຊາຊົນມິງຮ່ວາ, ຮອງຜູ້ອຳນວຍການໂຮງລະຄອນຮ່າໂນ້ຍ ໃຫ້ຮູ້ວ່າ:
“ໂຮງລະຄອນຮ່າໂນ້ຍ ດ້ວຍມູນເຊື້ອຂອງຕົນຍາມໃດກໍສະແດງບັນດາບົດລະຄອນຕິດພັນກັບບັນດາບັນຫາເຄັ່ງຮ້ອນໃນສັງຄົມ. ເພື່ອສະແດງຄວາມໃນໃຈ, ຄວາມມຸ້ງຫວັງຂອງປະຊາຊົນ. ໃນ 55 ປີຜ່ານມາ, ໂຮງລະຄອນຍັງໄດ້ເດີນຕາມມູນເຊື້ອຂອງຕົນ ແລະ ແບບແຜນການເຄື່ອນໄຫວທີ່ຕົນໄດ້ສ້າງຂຶ້ນ“.
ນັກສິລະປິນປະຊາຊົນມິງຮ່ວາ
(ພາບ: giaoduc.net.vn)
ນັກສິລະປິນປະຊາຊົນມິງຮ່ວາ ໃຫ້ຮູ້ວ່າ: ບັນດາບົດລະຄອນທີ່ໂຮງລະຄອນຮ່າໂນ້ຍໄດ້ສະແດງນັ້ນແມ່ນບັນດາບົດລະຄອນຕິດພັນ ແລະ ສ່ອງແສງຊີວິດການເປັນຢູ່, ມີໜ້າທີ່ສ່ອງແສງ, ຕໍ່ສູ້ກັບສິ່ງທີ່ຫຍໍ້ທໍ້ຢ່າງແຮງ, ຍ້ອງຍໍສັນລະເສີນແບບຢ່າງດີເດັ່ນຂອງປະເທດຊາດ. ບັນດາຫົວເລື່ອງ ຂອງບົດລະຄອນຄິດວ່າຈະບໍ່ດຶດງດູດຜູ້ຊົມແຕ່ດ້ວຍຄວາມສາມາດຂອງຜູ້ແຕ່າງບົດລະຄອນ ແລະ ນັກສະແດງນັ້ນ, ຍາມໃດໂຮງລະຄອນຮ່າໂນ້ຍ ກໍ່ມີບົດສະແດງລະຄອນມ່ວນດຶງດູດຜູ້ຊົມຢ່າງຫຼວງຫຼາຍ. ນັກສິລະປິນປະຊາຊົນມິງຮ່ວາ ໃຫ້ຮູ້ວ່າ:
“ປະຈຸບັນ, ໂຮງລະຄອນກຳລັງສະແດງບົດລະຄອນ “ບັນດາຜູ້ເປັນຊາວຮ່າໂນ້ຍ“ ເພື່ອຂ່ຳນັບຮັບຕ້ອນພິທີສະເຫຼີມສະຫຼອງ 60 ປີແຫ່ງວັນປົດປ່ອຍນະຄອນຫຼວງຮ່າໂນ້ຍ ແລະ ໄດ້ຮັບການຕີລາຄາສູງທີ່ສຸດຈາກຜູ້ຊົມ. ສ່ວນບັນດາອ້າຍເອື້ອຍນ້ອງນັກສິລະປິນໃນໂຮງລະຄອນຕ່າງກໍ່ມີຄວາມສຸດຈິດສຸດໃຈ ແລະ ເມົາມົວກັບຕົວລະຄອນທີ່ຕົນສວມບົດ ແລະ ສຸດທ້າຍກໍ່ໄດ້ຮັບຜົນສຳເລັດ“.
ເລືອກເຟັ້ນບັນດາບົດລະຄອນເພື່ອສະແດງກໍ່ແມ່ນເພື່ອດຶງດູດໃຈຜູ້ຊົມ, ນອກຈາກຄວາມໜັກແໜ້ນ, ຄວາມດຶງດູດຂອງບົດລະຄອນ, ຍັງຕ້ອງເຕຶ້ງເຖິງການສະແດງຂອງນັກສະແດງ. ປະຈຸບັນ, ໂຮງລະຄອນຮ່າໂນ້ຍ ມີບັນດານັກສິລະປິນທີ່ມີຄວາມເກັ່ງກ້າສາມາດ, ມີຄວາມງາມ, ມີສະເໜ່ທີ່ຮັບຄວາມນິຍົມ, ສ້າງຄວາມລຶ້ງເຄີຍກັບຜູ້ຊົມ. ບົດລະຄອນທີ່ສ່ອງແສງເຖິງການດຳລົງຊີວິດແມ່ນສິ່ງທ້າທາຍສຳລັບນັກສິລະປິນ ແລະ ເມື່ອນັກສິລະປິນໜຸ່ມໄດ້ສະແດງບັນດາບົດລະຄອນນີ້ ກໍ່ແມ່ນໂອກາດທີ່ດີທີ່ສຸດເພື່ອຝຶກຝົນຫຼໍ່ຫຼອມດ້ານວິຊາຊີບ ແລະ ຄຸນນະທາດຂອງຕົນບົນເວທີສະແດງ. ນັກສິລປະປິນເລທ້ຽນຕຸ່ງໃຫ້ຮູ້ວ່າ:
“ບັນດາບົດລະຄອນທີ່ສ່ອງແສງເຖິງການດຳລົງຊີວິດຂອງ ປຊຊ ແມ່ນບົດລະຄອນທີ່ມີຄວາມຫຍຸ້ງຍາກຢ່າງແທ້ຈິງສຳລັບນັກສິລະປິນຜູ້ທີ່ໄດ້ອອກແຮງງານຈົນສຸດຄວາມສາມາດ, ແມ່ນການອອກແຮງງານເພື່ອອາຊີບ, ແມ່ນການຝຶກແອບດ້ວຍຄວາມລຳບາກ, ຈາກຜູ້ແຕ່ງບົດລະຄອນຕະຫຼອດຮອດໜ່ວຍງານປະດິດສ້າງ. ເຂົາເຈົ້າໄດ້ຊອກຮູ້ ແລະ ປະດິດສ້າງສິ່ງທີ່ມີພະລັງຊີວິດມາສະແດງຕໍ່ຜູ້ຊົມ“.
ຮ່ວມເດີນທາງພ້ອມກັບການພັດທະນາຂອງໂຮງລະຄອນຮ່າໂນ້ຍ, ບັນດາບົດລະຄອນທີ່ໂຮງລະຄອນສະແດງໄດ້, ພວມ ແລະ ຈະສືບຕໍ່ໄດ້ຮັບຄວາມນິຍົມ ແລະ ສະໜັບສະໜູນຈາກຜູ້ຟັງ, ຜູ້ຊົມ. ບັນດາບົດລະຄອນສືບຕໍ່ໄດ້ຮັບການສ້າງຂຶ້ນ ແລະ ສາມາດສ້າງໂອກາດສະແດງໃຫ້ແກ່ບັນດານັກສະແດງໜຸ່ມທີ່ມີຄວາມເກັ່ງກ້າສາມາດນັບມື້ນັບຫຼາຍຂຶ້ນ. ປະຈຸບັນ, ໂຮງລະຄອນຮ່າໂນ້ຍ ຍັງສືບຕໍ່ສ້າງ, ສະແດງບັນດາບົດລະຄອນທີ່ສ່ອງແສງເຖິງການດຳລົງຊີວິດ ດ້ວຍຫຼາຍຫົວເລື່ອງແຕກຕ່າງກັນ. ຄຽງຄູ່ກັບການສຳພັດ ແລະ ລົງເລິກບັນດາບັນຫາເຄັ່ງຮ້ອນໃນການດຳລົງຊີວິດປະຈຸບັນ, ສະແດງໃຫ້ເຫັນພາບພົດມະນຸດໃນທຸກວັນນີ້, ຫົວເລື່ອງກ່ຽວກັບສົງຄາມປະຕິວັດຍັງຄົງໄດ້ຮັບຄວາມສົນໃຈຈາກຜູ້ຊົມ ແລະ ສ້າງແຫຼ່ງອາລົມໃຫ້ແກ່ບັນດານັກສິລະປິນຂອງໂຮງລະຄອນຮ່າໂນ້ຍ./.
