(vovworld)- “ຖ້າເປັນທ່ານໝໍແມ່ນບໍ່ໄດ້ຄິດໄລ່ເຖິງຜົນປະໂຫຍດສ່ວນຕົວ, ຫາກສິ່ງສຳຄັນແມ່ນຕ້ອງຄິດວ່າຕົນເອງສາມາດເຮັດໄດ້ຫຍັງໃຫ້ແກ່ຄົນເຈັບ“ ນັ້ນແມ່ນຄວາມຄິດ ແລະ ກໍ່ແມ່ນທິດນຳໃນການດຳລົງຊີວິດຂອງວິລະຊົນແຮງງານ, ທ່ານໝໍປະຊາຊົນ, ຮອງສາດສະດາຈານ, ດຣ ຫວຽນຕຽນກວຽດ, ຜູ້ອຳນວຍການໂຮງໝໍຫວຽດ-ດຶກ (ແປ່ວ່າຫວຽດນາມ-ເຢຍລະມັນ). ທ່ານແມ່ນ 1 ໃນຈຳນວນ 10 ຄົນໄດ້ຮັບການເຊີດຊູແມ່ນພົນລະເມືອງນະຄອນຫຼວງທີ່ດີເດັ່ນປີ 2014.
ຮອງສາດສະດາຈານ, ດຣ ຫວຽນຕຽນກວຽດ (ຂວາ)
(ພາບ: vovgiaothong )
ສຳລັບທ່ານຫງວຽນວັນຢຸງ, ບ້ານເກີດຢູ່ນາມດິ້ງ, ຜູ້ເຄີຍເປັນພະຍາດປະດົງຄໍໜັກແລ້ວ, ຮອງສາດສະດາຈານ, ດຣ ຫວຽນຕຽນກວຽດ ແມ່ນຜູ້ທີ່ໄດ້ຊ່ວຍກູ້ເອົາຊີວິດໃຫ້ແກ່ລາວ. ຕາມທ່ານຢຸງແລ້ວ, ທ່ານໝໍກວຽດ ໄດ້ຖືຕົນເອງເປັນຄົນເຈັບ, ມີຄວາມເຈັບປວດ, ຄວາມເປັນຫ່ວງຂອງຄົນເຈັບດັ່ງນັ້ນຈຶ່ງຊອກຫາມາດຕະການປິ່ນປົວພະຍາດທີ່ດີທີ່ສຸດ, ສິ່ງດັ່ງກ່າວໄດ້ຊ່ວຍເຮັດໃຫ້ອາການສຸລະພາບຂອງທ່ານນັບມື້ນັບດີຂຶ້ນ. ທ່ານຫງວຽນວັນຢຸງ ຫວນຄືນວ່າ:
“ພາຍຫຼັງໄດ້ດຳເນີນການວິໃຈຕ່າງໆ, ບັນດາທ່ານໝໍບອກວ່າຂ້ອຍຕ້ອງທຳການຜ່າຕັດຄືນໃໝ່ ແຕ່ຫຼັງການບົ່ງມະຕິຫຼາຍເທື່ອ, ບັນດາທ່ານໝໍລ້ວນແຕ່ບອກວ່າ ຖ້າດຳເນີນການຜ່າຕັດແມ່ນຍາກຫຼາຍ ແຕ່ທ່ານໝໍກວຽດ ຍັງຕັດສິນໃຈດຳເນີນການຜ່າຕັດໃຫ້ຂ້ອຍ. ທ່ານໝໍກວຽດ ເວົ້າກັບຂ້ອຍວ່າ ຈະພະຍາມຍາມເຮັດທຸກສິ່ງທຸກຢ່າງທີ່ດີທິ່ສຸດໃຫ້ແກ່ຂ້ອຍ. ປະຈຸບັນ, ອາການສຸຂະພາບຂອງຂ້ອຍດີຂຶ້ນຫຼາຍແລ້ວ. ຂ້ອຍເຫັນວ່າທ່ານໝໍກວຽດ ແມ່ນຜູ້ມີຄວາມຕັດສິນໃຈສູງ ແລະ ຂ້ອຍຄິດວ່າ ນັ້ນແມ່ນສິ່ງວທີ່ດີທີ່ສຸດສຳລັບຜູ້ເຮັດວຽກງານວິຊາສະເພາະ“.
ຮອງສາດສະດາຈານ, ດຣ ຫວຽນຕຽນກວຽດ ແມ່ນທ່ານໝໍພະແນກພາຍນອກ ເປັນເວລາ 30 ກ່ວາປີແລ້ວ, ທ່ານໃຫ້ຮູ້ວ່າບໍ່ສາມາດຈື່ໄດ້ໝົດຈຳນວນຜູ້ທີ່ທ່ານທຳການຜ່າຕັດໄດ້. ໃນເວລາ 24 ຊົ່ວໂມງຂອງມື້ໜຶ່ງ, ທ່ານໄດ້ເຮັດວຽກຢ່າງຕໍ່ເນື່ອງຄື: ຍາມການນຳ, ກວດພະຍາດໂດຍກົງໃຫ້ຄົນເຈັບ, ບົ່ງມະຕິ ແລະ ປິ່ນປົວ, ທຳການຜ່າຕັດໃຫ້ຄົນເຈັບ, ເປັນປະທານກອງປະຊຸມສຳມະນາວິທະຍາສາດຄັ້ງຕ່າງໆ…
ທ່ານໝໍ ຫງວຽນຕຽນກວຽດ ເປັນຜູ້ມີຫົວຄິດປະດິດສ້າງໃນວຽກງານຢ່າງບໍ່ຢຸດຢັ້ງ, ທ່ານໄດ້ກາຍເປັນຜູ້ຊ່ຽວຊານຊັ້ນນຳໃນຂະແໜງຜ່າຕັດພາຍນອກ. ຍິ່ງໄປກ່ວານັ້ນ, ທ່ານຍັງແມ່ນຜູ້ທີ່ສ້າງຄວາມສາມັກຄີໃນໝູ່ຄະນະ, ພ້ອມກັບບັນດານາງແພດ, ທ່ານໝໍອື່ນສ້າງໂຮງໝໍຫວຽດ-ດຶກ ກາຍເປັນພະແນກພາຍນອກ ໃຫ່ຍກ່ວາໝູ່ໃນທົ່ວປະເທດ. ທ່ານໝໍຫງວຽນກວາງເຫງັ້ຍ ພວມເຮັດວຽກຢູ່ໂຮງໝໍຫວຽດ-ດຶກ ເວົ້າວ່າ:
“ຂ້າພະເຈົ້າໄດ້ເຮັດວຽກກັບທ່ານໝໍກວຽດ ໃນເວລາ 15 ປີແລ້ວ, ຂ້າພະເຈົ້າເອງເຫັນວ່າທ່ານໝໍກວຽດແມ່ນທ່ານໝໍເກັ່ງທີ່ສຸດ, ທ່ານເຄີຍກວດ, ປິ່ນປົວພະຍາດໃຫ້ຄົນເຈັບໂດຍກົງ ແລະ ມີຄວາມຮັບຜິດຊອບທີ່ສຸດໃນວຽກງານຄຸ້ມຄອງ. ທ່ານໝໍກວຽດ ມີຄວາມເອົາໃຈໃສ່ທີ່ສຸດເຖິງລຸ້ນໜຸ່ມ ກໍ່ຄືພະນັກງານພາລະກອນຂອງໂຮງໝໍ ແລະ ຍາມໃດກໍ່ມີຄຳຕັດສິນຖືກຕ້ອງທີ່ສຸດ, ອັນໄດ້ຊ່ວຍໃຫ້ໂຮງໝໍ ພັດທະນາ. ນອກຈາກນັ້ນແລ້ວ, ຮອງສາດສະດາກວຽດ ຍັງແມ່ນອາຈານຂອງທ່ານໝໍລຸ້ນຕ່າງໆໃນໂຮງໝໍຫວຽດ-ດຶກອີກດ້ວຍ“.
ເຖິງວ່າແມ່ນໂຮງໝໍຊັ້ນຳກ່ຽວກັບພະແນກພາຍນອກກໍ່ຕາມ ແຕ່ໂຮງໝໍຫວຽດ-ດຶກ ໄດ້ ແລະ ພວມປະເຊີນໜ້າກັບສະພາບຕ້ອງຮັບຄົນເຈັບມາປິ່ນປົວພະຍາດຫຼາຍເກີນໄປ, ເຄື່ອງວັດຖຸອຸປະກອນການແພດ, ພື້ນຖານດ້ານວັດຖຸຍັງຂາດເຂີນ….ໂດຍເປັນຫ່ວງກັງວົນກັບຈຸດໝາຍຍົກສູງຄຸນນະພາບການປົ່ນປົວພະຍາດ, ຮັບປະກັນຄວາມຍຸດຕິທຳໃນການກວດ, ປິ່ນປົວພະຍາດນັ້ນ, ຜູ້ອຳນວຍການຫງວຽນຕຽນກຽວດ ໄດ້ກ້າຜັນຂະຫຍາຍບັນດາມາດຕະການທີ່ສາມາດເປັນໄປໄດ້ເພື່ອແກ້ໄຂສະພາບຄົນເຈັບເຂົ້າໂຮງໝໍຫຼາຍເກີນໄປ. . ປະຕິບັດການແບ່ງປະເພດຄົນເຈັບຢູ່ບັນດາສຸກສາລາເປັນຢ່າງດີ, ກໍ່ສ້າງບັນດາໂຮງໝໍຢູ່ອ້ອມແອ້ມ ແລະ ຊ່ວຍໂຮງໝໍທ້ອງຖິ່ນໃນວຽກງານປິ່ນປົວພະຍາດ, ເພີ່ມຫ້ອງປິ່ນປົວພະຍາດທີ່ມີຄຸນນະພາບສູງ, ປ່ຽນໃໝ່ວິທີຮັບໃຊ້….ມາຮອດປະຈຸບັນ, ບັນດາມາດຕະການນີ້ໄດ້ນຳມາເຊິ່ງປະສິດທິຜົນອັນແທດຈິງ. ແຕ່ລະປີ, ໂຮງຫມໍຫວຽດ-ດຶກ ປະຕິບັດການຜ່າຕັດປະມານ 34.000 ລາຍ, ໃນນັ້ນ, ກ່ວາ 70% ແມ່ນການຜ່າຕັດພິເສດ ແລະ ຜ່າຕັດປະເພດ 1. ທາງໂຮງໝໍໄດ້ດຳເນີນການຜ່າຕັດປ່ຽນໝາກໄຄ່ຫຼັງເປັນປະຈຳ, ເຕັກນິກການຜ່າຕັດປ່ຽນຕັບກໍ່ທັດທຽມກັບຜົນງານດ້ານການແພດຂອງໂລກ. ເມື່ອເວົ້າເຖິງວຽກງານໃນສະເພາະໜ້າທີ່ຕ້ອງປະຕິບັດ, ຮອງສາດສະດາຈານ, ດຣ ຫວຽນຕຽນກວຽດ ໃຫ້ຮູ້ວ່າ:
“ພວກຂ້າພະເຈົ້າໄດ້ປະສົບກັບຄວາມຫຍູ້ງຍາກຫຼາຍຢ່າງ ຍ້ອນວຽກງານທີ່ໜັກໜ່ວງຢູ່ໂຮງໝໍອັນດັບໜຶ່ງບໍ່ພຽງແຕ່ພາຍໃນປະເທດເທົ່ານັ້ນ, ຫາກຍັງຢູ່ໃນພາກພື້ນອີກດ້ວຍ. ໂຮງໝໍພວກຂ້າພະເຈົ້າມີມູນເຊື້ອ ແລະ ຊື່ງສຽງມາແຕ່ດົນນານແລ້ວ, ສະນັ້ນພວກຂ້າພະເຈົ້າຕ້ອງພະຍາຍາມປະຕິບັດໜ້າທີ່ຊື່ງກະຊວງສາທາລະນະສຸກ, ພັກ, ລັດ ໄດ້ມອບໝາຍໃຫ້ປະສົບຜົນສຳເລັດ“.
ຮອງສາດສະດາຈານ, ດຣ ຫວຽນຕຽນກວຽດ ແບ່ງປັນວ່າ: ຄວາມພາກພູມໃຈ ແລະ ຄວາມຜາສຸກຂອງທ່ານແມ່ນໄດ້ເຮັດວຽກ. ສຳລັບທ່ານແລ້ວ, ການອຸທິດສ່ວນກໍ່ແມ່ນເພື່ອຢັ້ງຢືນຕົນເອງ ແລະ ເພື່ອບື່ນຕົວຂຶ້ນຍາດເອົາຜົນງານສູງສຸດດ້ານວິທະຍາສາດເພື່ອປິ່ນປົວພະຍາດ ແລະ ສົ່ງເສີມສຸຂະພາບໃຫ້ແກ່ປະຊາຊົນ./.
