(vovworld)- ໃນໜຶ່ງສັບປະດາຜ່ານມາ, ມື້ໃດງານບຸນປຶ້ມກໍຕ້ອນຮັບຄົນມາປຶ້ມໃໝ່, ປື້ມມວ່ນເປັນຈຳນວນຫຼວງຫຼາຍ, ໂດຍສະເພາແມ່ນໄວໜຸ່ມ. ງານບຸນປຶ້ມປີ 2014 ຖືກຈັດຂຶ້ນເປັນຄັ້ງທຳອິດຢູ່ຮ່າໂນ້ຍ ໄດ້ປະສົບຜົນສຳເລັດ, ບໍ່ແມ່ນຍ້ອນຈຳນວນຜູ້ອ່ານເຂົ້າມາງານບຸນເປັນຈຳນວນຫຼວງຫຼາຍເທົ່ານັ້ນ, ຫາກສາມາດປຸກລຸກຄວາມນິຍົມອ່ານປຶ້ມຂອງໄວໜຸ່ມນະຄອນຫຼວງອີກດ້ວຍ. ສຳລັບເຂົາເຈົ້າແລ້ວ, ປຶ້ມແມ່ນເພື່ອນຜູ້ສະຫນິດສະໜົມ, ນຳມາເຊິ່ງພູມປັນຍາໃຫ້ແກ່ຕົນເອງ.
ຜູ້ເຂົ້າຮ່ວມງານບຸນປຶ້ມ
ງານບຸນປຶ້ມຮ່າໂນ້ຍ 2014 ດ້ວຍຫົວເລື່ອງ “ຮ່າໂນ້ຍ-ນະຄອນແຫ່ງສັນຕິພາບ“ ໄດ້ດຳເນີນໄປແຕ່ວັນທີ 26/9-2/10 ຢູ່ເຂດມໍລະດົກຮ່ວາງແທ່ງທັງລອງ ໂດຍມີການເຂົ້າຮ່ວມຂອງ 45 ໂຮງພິມຈຳໜ່າຍ, ດ້ວຍຮ້ານວາງສະແດງປຶ້ມກ່ວາ 100 ຮ້ານ ແລະ ມີປຶ້ມປະມານ 10.000 ຫົວຄື: ປຶ້ມເຍົາວະຊົນ, ປຶ້ມເສດຖະກິດ, ປຶ້ມວິທະຍາສາດ…ຊື່ງໄດ້ດຶງດູດຜູ້ອ່ານມາຢ້ຽມຊົມ ແລະ ຊື້ປຶ້ມນັບໝື່ນໆຄົນ. ໃນນັ້ນຜູ້ອ່ານຫຼາຍກ່ວາໝູ່ແມ່ນນັກຮຽນ, ນັກສຶກສາບັນດາໂຮງຮຽນສາມັນ, ມະຫາວິທະຍາໄລຂອງນະຄອນຫຼວງຮ່າໂນ້ຍ. ດ່າວແທງຕຸ່ງ, ນັກສຶກສາມະຫາວິທະຍາໄລຊົນລະປະທານຖືວ່າ:
“ນ້ອງເຄີຍອ່ານປຶ້ມໃນເວລາຫວ່າງ, ນ້ອງພະຍາຍາມອ່ານປຶ້ມ 30 ນາທີໃນມື້ໜຶ່ງ. ນ້ອງມັກອ່ານປຶ້ມເວົ້າເຖິງຜົນສຳເລັດໃນຊີວິດ ຫຼືປຶ້ມກ່ຽວກັບຄວາມຮັກ. ວັນບຸນປຶ້ມນີ້ມີປະໂຫຍດທີ່ສຸດ, ຄວນຈັດຂຶ້ນປະຈຳປີ“
(ພາບ: vov.vn )
ສ່ວນເພື່ອນເລແທງເຮືອງ, ນັກສຶກສາມະຫາວິທະຍາໄລການຄ້າຕ່າງປະເທດພັດຖຶວ່າ: ໄວໜຸ່ມປະຈຸບັນບໍ່ມັກອ່ານປຶ້ມ, ແຕ່ເຮືອງເອງຍັງສ້າງຄວາມເລິ້ງເຄີຍກັບການອ່ານປຶ້ມຢູ່:
“ນ້ອງນິຍົມອ່ານປຶ້ມທີ່ສຸດ, ນ້ອງເຄີຍອ່ານປື້ມເສດຖະກິດ, ດຳເນີນທຸລະກິດ, ທັກສະໃນການດຳລົງຊີວິດ ແລະ ຈິດຕະສາດ. ນ້ອງບໍ່ມັກອ່ານປຶ້ມຜ່ານເຄືອຂ່າຍອິນເຕີແນັດ. ນ້ອງຊຶ້ປຶ້ມໄດ້ຫຼາຍພໍສົມຄວນ. ປື້ມທີ່ນ້ອງສົນໃຈແມ່ນເນື້ອໃນຕ້ອງມີປະໂຫຍດໃດໜຶ່ງໃຫ້ແກ່ຕົນເອງ“.
ປຶ້ມໄດ້ນຳມາເຊິ່ງຄວາມຮູ້ໃຫ້ແກ່ມະນຸດ, ປຶ້ມຫົວໜຶ່ງແມ່ນໂລກໜຶ່ງ, ດ້ວຍປະລິມານຄວາມຮູ້ຕ່າງກັນ. ເອື້ອຍເຟືອງຍີ, ທະນາຍຄວາມຜູ້ໜຶ່ງຢູ່ນະຄອນຫຼວງຮ່າໂນ້ຍໃຫ້ຮູ້ວ່າ:
“ສຳລັບຂ້າພະເຈົ້າແລ້ວ, ອ່ານປຶ້ມຫຼາຍເທົາໃດກໍ່ບໍ່ພຽງພໍ, ມັນແມ່ນຄວາມຕ້ອງການໃນທຸກຂົງເຂດ. ຍ້ອນຄວາມຮຽກຮ້ອງຕ້ອງການຂອງວຽກງານ, ຂ້າພະເຈົ້າຕ້ອງອ່ານປຶ້ມວິຊາສະເພາະຫຼາຍ, ສິ່ງດັ່ງກ່າວໄດ້ນຳມາເຊິ່ງຄວາມຮູ້ໃຫ້ແກ່ຕົນເອງ. ໃນເວລາຫວ່າງ, ຂ້າພະເຈົ້າມັກອ່ານປຶ້ມຂອງຍິ່ປຸ່ນ, ເມື່ອຍັງນ້ອຍ, ຂ້າພະເຈົ້າມັກອ່ານປຶ້ມຂອງລັດເຊຍ ແລະ ຝະລັ່ງ. ຂ້າພະເຈົ້າເຊື່ອໝັ້ນວ່າ, ປະຈຸບັນ, ມີຫຼາຍຄົນຍັງຄົງຮັກສາຄວາມລຶ້ງເຄີຍອ່ານປຶ້ມຢູ່“.
ສະເພາະທັດສະນະທີ່ວ່າ ປຶ້ມຫົວໜຶ່ງປຽບເໝືອນອາຈານຜູ້ໜຶ່ງຍັງມີຄວາມໝາຍຢູ່, ຜູ້ອ່ານປຶ້ມຫຼາຍຄືດັ່ງໄດ້ຣັບການຮ່ຳຮຽນຈາກອາຈານຫຼາຍຄົນ. ປະຈຸບັນ, ຈຳນວນປຶ້ມໄດ້ພິມຈຳໜ່າຍແມ່ນຫຼາຍພໍສົມຄວນ, ດັ່ງນັ້ນຈະຕອບສະໜອງໄດ້ຄວາມຕ້ອງການຂອງຜູ້ອ່ານແຕ່ລະຄົນ . ເພື່ອນດ່າວແທງຕຸ່ງ ນັກສຶກສາມະຫາວິທະຍາໄລຊົນລະປະທານຖືວ່າ: ການເລືອກເຟັ້ນປຶ້ມຕ້ອງເລີ່ມມາຈາກຄວາມຕ້ອງການຂອງແຕ່ລະຄົນ:
“ຄວາມສົນໃຈທຳອິດແມ່ນເນື້ອໃນຂອງປຶ້ມມ່ວນຫຼືບໍ່, ປຶ້ມຫົວນັ້ນສາມາດດຶງດູດຜູ້ອ່ານຫຼາຍຄົນໄດ້ຫຼາຍຫຼືບໍ່ ແລະ ຕໍ່ຈາກນັ້ນແມ່ນໂຮງພິມຈຳໜ່າຍ. ນ້ອງມັກໂຮງພິມຈຳໜ່າຍໄວໜຸ່ມ. ກ່ອນນີ້ນ້ອງບໍ່ເຄີຍອ່ານປຶ້ມ, ແຕ່ມາບັດນີ້ນ້ອງມັກອ່ານປຶ້ມກ່ວາ, “.
ສິ່ງທີ່ໜ້າປະທັບໃຈທີ່ສຸດແມ່ນງານບຸນປຶ້ມຮ່າໂນ້ຍ 2014 ໄດ້ປຸກລຸກຄວາມນິຍົມປຶ້ມໃຫ້ແກ່ນັກສຶກສາ ແລະ ພວກນ້ອງນັກຮຽນສາມັນຢ່າງແຮງ. ພວກນ້ອງນັກຮຽນຮຽນສາມາດຮຽນໄດ້ຫຼາຍຢ່າງທີ່ມີປະໂຫຍດຈາກປຶ້ມ ແລະ ພວກນ້ອງໄດ້ອ່ານປຶ້ມດ້ວຍຄວາມສະໝັກໃຈ. ນ້ອງຫວຽນດັງຄວາ ນັກຮຽນມໍ 1 ໃຫ້ຮູ້ວ່າ:
“ນ້ອງມັກອ່ານປຶ້ມກ່ຽວກັບຂະແໜງການບິນທີ່ສຸດ, ນ້ອງອ່ານປຶ້ມໃນເວລາວ່າງຄື: ວັນເສົາ, ວັນອາທິດ ແລະ ວັນພັກ“.
ອ່ານປຶ້ມ, ນິນົມຍົມປຶ້ມບໍ່ພຽງແຕ່ເຮັດໃຫ້ຄຸນຄ່າຂອງຕົນເອງໄດ້ຍົກສູງຂຶ້ນເທົ່ານັ້ນ ຫາກຍັງເຮັດໃຫ້ວັດທະນະທຳພູມປັນຍາຂອງຊາດນັບມື້ນັບອຸດົມສົບບູນອີກດ້ວຍ. ງານບຸນປຶ້ມຮ່າໂນ້ຍ 2014 ໄດ້ປະກອບສ່ວນປຸກລຸກຄວາມນິຍົມປຶ້ມໃຫ້ແກ່ໄວໜຸ່ມນະຄອນຫຼວງ./.
