ສະຖານະການ ການເມືອງ

05/08/2021

ຫວຽດນາມ ເອົາໃຈໃສ່, ຮັບປະກັນການອົບພະຍົບຢ່າງປອດໄພ, ປ້ອງກັນ ຕ້ານໄພການຄ້າມະນຸດ

(VOVWORLD) - ເຫດການທີ່ເຈັບປວດຂອງຊາວ ຫວຽດນາມ 39 ຄົນຖືກເສຍຊີວິດໃນລົດຕູ້ຄອນເທນເນີ ຈາກ ແບນຊິກ ໄປຍັງ ອັງກິດ ເມື່ອເດືອນຕຸລາ ປີ 2019 ໄດ້ເຮັດໃຫ້ເກີດການສືບສວນຄະດີຂ້າມະນຸດໃຫຍ່ສຸດໃນປະຫວັດສາດຂອງອົງການຕຳຫລວດ Essex ຢູ່ ອັງກິດ. ໃນສະພາບການບັນດາຂະບວນການຄ້າມະນຸດ, ສົ່ງຄົນໄປຍັງບັນດາປະເທດ ເອີລົບ ຢ່າງຜິດກົດໝາຍ ຍັງມີການຜັນແປຢ່າງສັບສົນ, ຫວຽດນາມ ໄດ້ ແລະ ພວມເອົາໃຈໃສ່ຮັບປະກັນການອົບພະຍົບຢ່າງປອດໄພ, ປ້ອງກັນ ແລະ ຕ້ານການຄ້າມະນຸດໃນສະພາບການເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງ ກວ້າງຂວາງ.

04/08/2021

ສາມັກຄີກັນຮ່ວມແຮງຮ່ວມໃຈເພື່ອປ້ອງກັນ, ຕ້ານໂລກລະບາດໂຄວິດ - 19

(VOVWORLD) - ວັນທີ 29 ກໍລະກົດ, ທ່ານ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝຸຈ້ອງ ຫາກໍອອກຄຳຮຽກຮ້ອງພໍ່ແມ່ປະຊາຊົນ, ສະຫາຍ, ນັກຮົບທົ່ວປະເທດ ແລະ ພໍ່ແມ່ພີ່ນ້ອງຊົນຫວຽດນາມ ອາໄສຢູ່ຕ່າງປະເທດກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ - 19. ໃນບັ້ນຕໍ່ສູ້ຕ້ານໂລກລະບາດໂຄວິດ - 19, ດ້ວຍຈິດໃຈ “ຕ້ານໂລກລະບາດໂຄວິດ - 19 ຄືຕ້ານສັດຕູ”, ຄຳຮຽກຮ້ອງຂອງທ່ານເລຂາທິການໃຫຍ່ ໄດ້ຮຽກຮ້ອງທົ່ວພັກ, ທົ່ວປວງຊົນ ເສີມຂະຫຍາຍມູນເຊື້ອຮັກແພງ, ອຸ້ນຊູຊ່ວຍເຫຼືອເຊິ່ງກັນແລະກັນ, ສາມັກຄີແຫ່ງຊາດ, ອັນໄດ້ສ້າງເປັນກຳລັງແຮງ ແລະ ຄວາມເຊື່ອໝັ້ນ ເພື່ອໃຫ້ ຫວຽດນາມ ຜ່ານຜ່າໂລກລະບາດໂຄວິດ - 19 ຢ່າງໝັ້ນຄົງ.

03/08/2021

ເບື້ອງຫຼັງຂໍ້ຕົກລົງຢຸດຕິໜ້າທີ່ຕໍ່ສູ້ຂອງ ອາເມລິກາ ຢູ່ ອີຣັກ

(VOVWORLD) -ວັນທີ 26 ກໍລະກົດຜ່ານມາ, ອຳນາດການປົກຄອງ ອາເມລິກາ ຕົກລົງຈະຢຸດຕິໜ້າທີ່ຕໍ່ສູ້ຂອງກອງທັບປະເທດນີ້ຢູ່ສະໜາມຮົບ ອີຣັກ ຢ່າງສີ້ນເຊິງໃນທ້າຍປີ 2021, ອັນໄດ້ຍົກເລິກບັ້ນຮົບຜັນຂະຫຍາຍກຳລັງທະຫານຢູ່ຕ່າງປະເທດ ທີ່ໄດ້ແກ່ຍາວໃນເກືອບ 2 ທົດສະວັດຢ່າງເປັນທາງການ. ແຕ່ວ່າ ນີ້ບໍ່ແມ່ນການຕົກລົງຖອນທະຫານພຽງລຳພັງຝ່າຍດຽວ ຄືດັ່ງວິທີສຳຜັດເພື່ອສີ້ນສຸດການສູ້ຮົບຢູ່ ອາບການີສະຖານ, ຫາກແມ່ນຜ່ານຂໍ້ຕົກລົງລະອຽດລະຫວ່າງ ອາເມລິກາ ແລະ ອີຣັກ, ຊື່ງແມ່ນບາດກ້າວເດີນທີ່ຖືກຖືວ່າ ໄດ້ນຳມາເຊິ່ງບັນດາການຄິດໄລ່ຊັ່ງຊາທີ່ມີຜົນປະໂຫຍດຍຸດທະສາດຈາກທັງສອງຝ່າຍ.

02/08/2021

26 ປີ ຫວຽດນາມຮ່ວມເດີນທາງ ແລະ ພັດທະນາພ້ອມກັບປະຊາຄົມອາຊຽນ

(VOVWORLD) - ຫວຽດນາມ ໄດ້ຮ່ວມແຮງຮ່ວມໃຈ ແລະ ມີການປະກອບສ່ວນຢ່າງມີປະສິດທິຜົນເຂົ້າໃນການສ້າງປະຊາຄົມອາຊຽນ ລວມໃຫ້ສົມບູນແບບ, ຖືປະຊາຊົນເປັນໃຈກາງ.

30/07/2021

ອາເມລິກາ ແລະ ຈີນ ມານະພະຍາຍາມຊອກຫາສຽງເວົ້າລວມ

(VOVWORLD) -ໜຶ່ງໃນບັນດາເຫດການທາງການທູດສາກົນທີ່ພົ້ນເດັ່ນໃນອາທິດນີ້ ແມ່ນການຢ້ຽມຢາມນະຄອນ ທ່ຽນສິນ (ຈີນ) ເຊິ່ງດຳເນີນໃນລະຫວ່າງວັນທີ 25 – 26 ກໍລະກົດ ຂອງທ່ານນາງຮອງລັດຖະມົນຕີການຕ່າງປະເທດ ອາເມລິກາ Wendy Sherman. ໂດຍດຳເນີນໃນສະພາບການທີ່ການພົວພັນລະຫວ່າງສອງພື້ນຖານເສດຖະກິດໃຫຍ່ທີ່ສຸດໃນໂລກ ໄດ້ຮັບຖືວ່າ ພວມຢູ່ໃນລະດັບຕ່ຳທີ່ສຸດໃນຫຼາຍທົດສະວັດຜ່ານມາ, ການຢ້ຽມຢາມດັ່ງກ່າວ ອາດຈະຊ່ວຍຊອກຫາວິທີການແກ້ໄຂສະພາບຈົນຕາແຈນີ້, ເປີດແງ່ຫວັງໃໝ່ແກ່ການປັບປຸງສາຍພົວພັນລະຫວ່າງສອງປະເທດໃນໄລຍະຈະມາເຖິງ.

29/07/2021

ຮັກສາຜົນງານໃນການປ້ອງກັນຕ້ານໂລກລະບາດໂຄວິດ -19 ຢູ່ ຫວຽດນາມໄວ້ຢ່າງໝັ້ນຄົງ

(VOVWORLD) - ຫວຽດນາມແມ່ນຫນຶ່ງໃນຈຳນວນຫນ້ອຍປະເທດໃນໂລກທີ່ປະຕິບັດວຽກງານປ້ອງກັນຕ້ານໂລກລະບາດໂຄວິດ -19 ຢ່າງມີປະສິດທິຜົນ ຍ້ອນມີການເຂົ້າຮ່ວມຂອງທັງລະບົບການເມືອງພ້ອມກັບຈິດໃຈຄວາມຮັບຜິດຊອບຂອງທົ່ວສັງຄົມ. ຕໍ່ຫນ້າການຜັນແປສັບສົນຂອງໂລກລະບາດໂຄວິດ 19 ແຜ່ລະບາດຮອບທີ 4 ນີ້ ນັບແຕ່ທ້າຍເດືອນເມສາ ປີ 2021 ມາຮອດປະຈຸບັນ, ຍາມໃດບັນດາສະມາຊິກລັດຖະບານກໍ່ຊີ້ນຳການປ້ອງກັນຕ້ານໂລກລະບາດໂຄວິດ -19 ນຳຢ່າງໃກ້ຊິດ ເພື່ອແນໃສ່ຮັກສາຜົນງານໃນການປ້ອງກັນຕ້ານໂລກລະບາດໂຄວິດ -19 ຢູ່ ຫວຽດນາມໄວ້ຢ່າງໝັ້ນຄົງ.

28/07/2021

ຂີດໝາຍຂອງບັນດາລັດຖະນະໂຍບາຍທີ່ແທດເໝາະກັບຈິດໃຈຂອງປະຊາຊົນ

(VOVWORLD) -ກອງປະຊຸມຄັ້ງປະຖົມມະລຶກຂອງ ອາຍຸການ ສະພາແຫ່ງຊາດຊຸດທີ XV ຈະສິ້ນສຸດລົງໃນມື້ນີ້, ພາຍຫຼັງຈັດກອງປະຊຸມມາເປັນເວລາ 1 ອາທິດ ຢູ່ ນະຄອນຫຼວງຮ່າໂນ້ຍ. ເຖິງວ່າເວລາ ໄດ້ຫຼຸດສັ້ນລົງ ເມື່ອທຽບໃສ່ກັບການຄາດຄະເນເບື້ອງຕົ້ນ ແຕ່ນີ້ແມ່ນວາລະປະຊຸມພິເສດ ບໍພຽງແຕ່ໃນການເລືອກຕັ້ງ, ໃຫ້ສັດຕະຍາບັນ ບຸກຄະລາກອນຂັ້ນສູງ ຂອງກົງຈັກ ແຫ່ງລັດເທົ່ານັ້ນ ຫາກຍັງພິເສດກ່ວານີ້ອີກ ແມ່ນກອງປະຊຸມໄດ້ສະແດງໃຫ້ເຫັນຈິດໃຈຮ່ວມເດີນທາງກັບ ລັດຖະບານ, ສາມັກຄີກັນພ້ອມກັບປະຊາຊົນ ເພື່ອຜ່ານຜ່າບັນດາຄວາມຫຍຸ້ງຍາກໂດຍໂລກລະບາດໂຄວິດ - 19 ກໍ່ຂຶ້ນ.

27/07/2021

ມີຄວາມເປັນເອກະພາບໃນການເຄື່ອນໄຫວຕ້ານການປ່ຽນແປງຂອງດິນຟ້າອາກາດ

(VOVWORLD) - ໃນທ້າຍອາທິດຜ່ານມາ, ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍພົ້ນເດັ່ນແຖວໜ້າໂລກ (G20) ໄດ້ຈັດຕັ້ງກອງປະຊຸມພິເສດຂັ້ນລັດຖະມົນຕີ ກ່ຽວກັບຫົວຂໍ້ ດິນຟ້າອາກາດ ຢູ່ນະຄອນ Naples (Napoli) ຂອງ ອີຕາລີ. ນີ້ແມ່ນຄັ້ງທຳອິດໃນປະຫວັດສາດ ທີ່ G20 ຈັດຕັ້ງກອງປະຊຸມຂັ້ນສູງ ປຶກສາຫາລືສະເພາະກ່ຽວກັບບັນຫາດິນຟ້າອາກາດ. ເພາະສະນັ້ນ, ເຖິງວ່າໝາກຜົນທີ່ບັນລຸໄດ້ຍັງຈຳກັດກໍຕາມ, ແຕ່ກອງປະຊຸມຄັ້ງນີ້ ຍັງໄດ້ຮັບຖືວ່າ ແມ່ນບາດກ້າວເດີນທີ່ໜ້າຊົມເຊີຍໃນບັ້ນເຄື່ອນໄຫວຕ້ານການປ່ຽນແປງຂອງດິນຟ້າອາກາດ.

26/07/2021

ຫວຽດນາມ ປະກອບສ່ວນຢ່າງມີປະສິດທິຜົນເຂົ້າໃນວຽກງານຂອງສະພາຄວາມໝັ້ນຄົງສະຫະປະຊາຊາດ

(VOVWORLD) -ໃນຖານະຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດອາຍຸການ 2020 – 2021, ໃນນັ້ນມີ 01 ເດືອນດຳລົງດຳລົງຕຳແໜ່ງປະທານສະພາຄວາມໝັ້ນຄົງສະຫະປະຊາຊາດຄັ້ງທີ 2, ຫວຽດນາມ ໄດ້ຕັ້ງໜ້າເປັນເຈົ້າການປະກອບສ່ວນເຂົ້າວຽກງານລວມຂອງສະຫະປະຊາຊາດຢ່າງແທດຈິງ, ມີປະສິດທິຜົນ.

23/07/2021

ຮັກສາສະຖຽນລະພາບຂອງກົງຈັກລັດ, ສ້າງປະຖົມປັດໄຈແກ່ການພັດທະນາ

(VOVWORLD) -ໃນວາລະປະຊຸມຂອງຕອນເຊົ້າວັນທີ 23 ກໍລະກົດ, ສະພາແຫ່ງຊາດ ຫວຽດນາມ ໄດ້ຮັບຮອງເອົາມະຕິວ່າດ້ວຍການຮັກສາໂຄງປະກອບຂອງລັດຖະບານໄວ້ຄືກັນກັບອາຍຸການສະພາແຫ່ງຊາດຊຸດທີ XV, ລວມມີ 18 ກະຊວງ, 4 ອົງການທຽບເທົ່າກະຊວງ. ສິ່ງດັ່ງກ່າວໄດ້ຮັບຖືວ່າມີຄວາມຈຳເປັນ ແລະ ຮັບປະກັນສະຖຽນລະພາບຂອງກົງຈັກເພື່ອໃຫ້ບັນດາພາກສ່ວນທັງໝົດຂອງລັດຖະບານ ສຸມໃສ່ການປະຕິບັດ “ເປົ້າໝາຍຄວບຄູ່”, ທັງຕ້ານໂລກລະບາດຢ່າງເດັດດ່ຽວຂ້ຽວຂາດ, ທັງສຸມໃສ່ແກ້ໄຂຄວາມຫຍຸ້ງຍາກ, ຟື້ນຟູການຜະລິດດຳເນີນທຸລະກິດ, ຟື້ນຟູພັດທະນາເສດຖະກິດ - ສັງຄົມ. ບັນດາຜົນງານທີ່ບັນລຸໄດ້ໃນການບໍລິຫານເສດຖະກິດ - ສັງຄົມ, ຕ້ານໂລກລະບາດໂຄວິດ - 19 ໃນ 6 ເດືອນຜ່ານມາຂອງ ລັດຖະບານ ຫວຽດນາມ ໄດ້ເປັນສ່ວນໃດໜຶ່ງທີ່ສະແດງໃຫ້ເຫັນປະສິດທິຜົນໃນການບໍລິຫານເສດຖະກິດ - ສັງຄົມຂອງລັດຖະບານ ຫວຽດນາມ.