ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບຄຳຖາມຂອງທ່ານ ຄຳສີ, ເພັດສະຫວັນ, ທອງຄຳ, ອຳພາວັນ. ເຊີນທ່ານຕິດຕາມຮັບຟັງ.

ທ່ານ ຄຳສີ, ແຂວງ ຊຽງຂວາງ ໄດ້ໂທລະສັບຫາລາຍການໂດຍແບ່ງປັນວ່າ: “ຂ້າພະເຈົ້າໄດ້ຮັບຊົມພາບສາລະຄະດີໃນແວບໄຊ vovworld.vn ກ່ຽວກັບ ການແຂ່ງຂັນກິລາຂອງນັກສຶກສາລາວທີ່ຮ່າໂນ້ຍ, ສສ ຫວຽດນາມ ປະຈຳປີ 2016. ຜ່ານພາບສາລະຄະດີດັ່ງກ່າວ, ຂ້າພະເຈົ້າມີຄວາມເຂົ້າໃຈເລິກເຊິ່ງກ່ວາກ່ຽວກັບບັນດາການເຄື່ອນໄຫວຂອງນັກສຶກສາ ລາວ ຢູ່ ຫວຽດນາມ. ຕາມຂ້າພະເຈົ້າແລ້ວ, ບັນດາການເຄື່ອນໄຫວຄືແນວນີ້ ຈະຊ່ວຍໃຫ້ນັກສຶກສາ ລາວມີຄວາມສາມັກຄີ ແລະ ເຂົ້າໃຈກັນກ່ວາ.”

+++

ໃນອາທິດ, ທ່ານ ເພັດສະຫວັນ, ແຂວງ ອັດຕະປື ໃຫ້ຮູ້ວ່າ: “ໃນຊຸມວັນນີ້, ອາກາດຢູ່ແຂວງ ອັດຕະປື ຮ້ອນເອົ້າທີ່ສຸດ. ຂ້າພະເຈົ້າຢາກຮູ້ອາກາດຢູ່ ຮ່າໂນ້ຍ ເປັນຄືແນວໃດ?”

ທ່ານ ເພັດສະຫວັນ ທີ່ເຄົາລົບ, ໃນຊຸມວັນນີ້ອາກາດຢູ່ ຮ່າໂນ້ຍ ມີການປ່ຽນແປງອຸນຫະພູມແມ່ນຢູ່ໃນລະດັບແຕ່ 23 – 30 ອົງສາ C, ຕອນເຊົ້າມີຝົນຕົກຢູ່ສະຖານທີ່ບາງແຫ່ງ ແລະ ມີນຳ້ໝອກ. ຕາມການຄາດຄະເນຂອງສູນອຸຕຸນິຍົມອຸທົກກະສາດແຫ່ງຊາດ ຫວຽດນາມ ແລ້ວ, ໃນເວລາ 10 ວັນຈະມາເຖິງ, ອຸນຫະພູມຈະຢູ່ໃນລະດັບແຕ່ 24 – 30 ອົງສາ C, ນີ້ແມ່ນລະດັບອຸນຫະພຸມທີ່ສະດວກໃຫ້ແກ່ບັນດາການເຄື່ອນໄຫວຕ້ອນຮັບບຸນປີໃໝ່ ຂອງນັກຮຽນ, ນັກສຶກສາ ລາວ ທີ່ພວມຮຳ່ຮຽນຢູ່ ຮ່າໂນ້ຍ.

ພາບປະກອບ

ສ່ວນທ່ານ ທອງຄຳ, ແຂວງ ບໍ່ແກ້ວ ໄດ້ຝາກອີແມວມາຫາລາຍການດ້ວຍເນື້ອໃນວ່າ: “ຜ່ານສື່ມວນຊົນ ຂ້າພະເຈົ້າໄດ້ຮູ້ວ່າ: ມີບາງຫົວໜ່ວຍຂອງຝ່າຍລາວ ແລະ ຫວຽດນາມໄດ້ແຮກສ່ຽວນຳກັນ. ຂ້າພະເຈົ້າຢາກຮູ້ວ່າ, ໃນໄລຍະມໍ່ໆມານີ້, ມີຫົວໜ່ວຍໃດຂອງ 2 ປະເທດໄດ້ແຮກສ່ຽວນຳກັນບໍ່? ຖ້າມີຂໍໃຫ້ລາຍການພາກພາສາລາວ, ວິທະຍຸກະຈາຍສຽງ ຫວຽດນາມ ສະໜອງຂໍ້ມູນຂ່າວດັ່ງກ່າວນັ້ນໃຫ້ຂ້າພະເຈົ້າໄດ້ບໍ່? ຂໍຂອບໃຈ”

ທ່ານ ທອງຄຳ ທີ່ຮັກແພງ, ໃນຕອນເຊົ້າວັນທີ 30/3 ຜ່ານມາ, ຢູ່ຕາແສງ ຈີເລ໋, ເມືອງ ເກ໋ວຟອງ, ແຂວງ ເງະອານ, ປ້ອມປ້ອງກັນຊາຍແດນ ຈີເລ໋ ໄດ້ຈັດຕັ້ງພິທີແຮກສ່ຽວກັບກອງຮ້ອຍທະຫານປ້ອງກັນຊາຍແດນ 217, ແຂວງຫົວພັນ. ທີ່ພິທີ, ຕາງໜ້າຜູ້ບັນຊາການຂອງ 2 ກົມກອງໄດ້ເຫັນດີເປັນເອກະສັນເຊັນຂໍ້ຕົກລົງບາງເນື້ອໃນຕົ້ນຕໍຄື: ແລກປ່ຽນຂໍ້ມູນຂ່າວເປັນປະຈຳ, ສັບທົບກັນປະຕິບັດໜ້າທີ່ປົກປັກຮັກສາອະທິປະໄຕຄວາມສະຫງົບປອດໄພເຂດຊາຍແດນເພື່ອຈຸດໝາຍສັນຕິພາບ, ມິດຕະພາບ, ການຮ່ວມມື ແລະ ການພັດທະນາຂອງ 2 ແຂວງ, 2 ປະເທດ, ສົມທົບກັນປະຕິບັດໜ້າທ່ີປ້ອງກັນ, ຕ້ານໄພພິບັດທຳມະຊາດ, ຊອກຫາກູ້ໄພກູ້ຊີບ, ສົມທົບກັນປະຕິບັດໜ້າທີ່ຄຸ້ມຄອງ, ກວດກາການເຂົ້າ - ອອກເມືອງເປັນຢ່າງດີ, ແບ່ງປັນຂໍ້ມູນຂ່າວກ່ຽວກັບວຽກງານຕໍ່… ປ້ອງກັນຕ້ານອາດສະຍາກຳ, ຍູ້ແຮງການແລກປ່ຽນວັດທະນະທຳ, ສິລະປະ, ກິລາກາຍຍະກຳ…

+++

ໃນ ອີແມວ ຝາກເຖິງພາກພາສາລາວ, ວິທະຍຸກະຈາຍສຽງ ຫວຽດນາມ ເພື່ອນ ອຳພາວັນ, ແຂວງ ຄຳມ່ວນ ຖາມວ່າ: “ອາທິດຜ່ານມາ, ຂ້າພະເຈົ້າໄດ້ຮັບຂ່າວວ່າມີພະນັກງານຂອງພະແນກປ້ອງກັນຄວາມສະຫງົບຂອງແຂວງ ຄຳມ່ວນ ຈຳນວນໜຶ່ງໄດ້ຮັບໃບຍ້ອງຍໍຈາກຝ່າຍ ຫວຽດນາມ. ຂ້າພະເຈົ້າຢາກຮູ້ກ່ຽວກັບຂໍ້ມູນຂ່າວດັ່ງກ່າວແຈ້ງກ່ວາອີກຂໍໃຫ້ VOV ພາກພາສາລາວຊ່ວຍບອກຂ້າພະເຈົ້າໄດ້ບໍ່?”

ເພື່ອ ອຳພາວັນ ທີ່ຮັກແພງ, ການນຳກອງບັນຊາການທະຫານປ້ອງກັນຊາຍແດນ ແຂວງ ກວາງບີ່ງ, ຫວຽດນາມ ໄດ້ຮັບການມອບສິດຈາກລັດຖະມົນຕີວ່າການກະຊວງປ້ອງກັນປະເທດ, ຜູ້ບັນຊາການທະຫານປ້ອງກັນຊາຍແດນ, ຄະນະກຳມະການປະຊາຊົນແຂວງ ກວາງບີ່ງ ໄດ້ໄປມອບໃບຍ້ອງຍໍ ແລະ ຂອງຂວັນໃຫ້ສະມາຊິກບາງຄົນຂຶ້ນກັບພະແນກປ້ອງກັນຄວາມສະຫງົບແຂວງ ຄຳມ່ວນ ຈຳນວນໜຶ່ງ, ຍ້ອນມີຜົນງານຫຼາຍຢ່າງໃນການເຂົ້າຮ່ວມພ້ອມກັນກັບຝ່າຍ ຫວຽດນາມ ແກ້ໄຂຄະດີຄ້າຂາຍ, ຂົນສົ່ງຢາເສບຕິດຢ່າງຜິດກົດໝາຍດ້ວຍກົດລັບ 528 LV. ຄະດີໝາຍນີ້ໂດຍກຳລັງທະຫານປ້ອງກັນຊາຍແດນແຂວງ ກວາງບີ່ງ ພ້ອມກັບຄະນະຮັບຜິດຊອບໜ້າທີ່ພິເສດທາງພາກກາງ ຂຶ້ນກັບກົມປ້ອງກັນ, ຕ້ານຢາເສບຕິດ, ທະຫານປ້ອງກັນຊາຍແດນສົມທົບກັບພະແນກປ້ອງກັນຄວາມສະຫງົບແຂວງ ຄຳມ່ວນ ສືບສວນຢ່າງລະອຽດລອບຄອບໃນໄລຍະຍາວສົມຄວນ. ຄະດີ 528 LV ສິ້ນສຸດລົງ ດ້ວຍໄຊຊະນະນີ້, ແມ່ນໝາກຜົນແຫ່ງການສົມທົບກັນຢ່າງແໜ້ນແຟ້ນຂອງບັນດາກຳລັງແກ້ໄຂຄະດີລະຫວ່າງ 2 ປະເທດ ຫວຽດນາມ - ລາວ. ເລື່ອງແກ້ໄຂຄະດີ 528 LV ບັນລຸຜົນສຳເລັດໄດ້ປະກອບສ່ວນສະກັດກັ້ນ, ປ້ອງກັນ, ຕ້ານສະພາບຄ້າຂາຍ, ຂົນສົ່ງຢາເສບຕິດຢ່າງຜິດກົດໝາຍຜ່ານເຂດຊາຍແດນລະຫວ່າງ 2 ປະເທດ, ດັ່ງນັ້ນຈຶ່ງໄດ້ຮັບການຮັບຮູ້, ຕີລາຄາສູງຈາກອົງຄະນະພັກ, ອຳນາດການປົກຄອງ, ປະຊາຊົນ 2 ແຂວງ ກວາງບີ່ງ - ຄຳມ່ວນ ແລະ 2 ປະເທດ ຫວຽດນາມ ແລະ ລາວ.

ທ່ານຜູ້ຟັງທີ່ເຄົາລົບ, ດັ່ງທີ່ກ່າວມາຂ້າງເຖິງແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານ ທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຟັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ມັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າລະຊ່ອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ [email protected].