(VOVWORLD) -ທ່ານນາຍົກລັດຖະມົນຕີ ຫາກໍ່ຕົກລົງເຊັນອະນຸມັດການດັດປັບການວາງແຜນຜັງສັງລວມການກໍ່ສ້າງເຂດເສດຖະກິດ ຢູງກວັດ ແຂວງ ກວ໋າງຫງາຍ ຮອດປີ 2045. ຕາມການວາງແຜນຜັງນີ້, ເຂດ ຢູງກວັດ ຈະພັດທະນາໃຫ້ກາຍເປັນເຂດເສດຖະກິດສັງລວມບັນຈຸຫລາຍຂະແຫນງ, ຫລາຍຂົງເຂດ, ສ້າງປະຖົມປັດໄຈເພື່ອໃຫ້ແຂວງ ກວ໋າງຫງາຍ ກາຍເປັນແຂວງ ພັດທະນາດີຂອງປະເທດຊາດ.
(VOVWORLD) -ປະຈຸບັນ ຫວຽດນາມ ກຳລັງຢູ່ໃນອັນດັບ 2 ຂອງໂລກ ກ່ຽວກັບການສົ່ງອອກກາເຟ ດ້ວຍປະລິມານການສົ່ງອອກໃນປີກາຍ ບັນລຸໄດ້ 1,7 ລ້ານໂຕນ, ດ້ວຍມູນຄ່າກວ່າ 4 ຕື້ USD, ແມ່ນລະດັບສູງສຸດນັບແຕ່ກ່ອນມາຮອດປະຈຸບັນ. ກາເຟ ຫວຽດນາມ ຍັງມີໜ້າຢູ່ຕະຫລາດທີ່ສຳຄັນນັບສິບແຫ່ງໃນທົ່ວໂລກ, ກາຍເປັນຜະລິດຕະ ພັນທີ່ໄດ້ຮັບຄວາມນິຍົມຊົມຊອບຢູ່ຫລາຍປະເທດ. ເຖິງແນວນັ້ນກໍຕາມ, ກາເຟ ຫວຽດນາມ ຍັງບໍ່ມີເຄື່ອງໝາຍການຄ້າໃດ ນອນໃນບັນຊີລາຍຊື່ຈຳນວນ 10 ເຄື່ອງໝາຍການຄ້າກາເຟທີ່ຂາຍດີ ທີ່ສຸດໃນໂລກ. ຕໍ່ສະພາບຕົວຈິງນີ້, ວັນທີ 4 ມີນາ ທີ່ຜ່ານມາ ໜັງສືພິມ ຊາວຜູ້ອອກແຮງງານ ໄດ້ຈັດກອງປະຊຸມສຳມະນາ “ເພີ່ມມູນຄ່າໃຫ້ແກ່ກາເຟ ຫວຽດນາມ, ດ້ວຍວິທີໃດ?” ຢູ່ທີ່ ນະຄອນໂຮ່ຈິມິນ, ດ້ວຍການເຂົ້າຮ່ວມຂອງວິສາຫະກິດປູກຝັງ ແລະ ດຳເນີນທຸລະກິດກາເຟຫຼາຍແຫ່ງ. ເປົ້າໝາຍຂອງ ກອງປະຊຸມສຳມະນາ ແມ່ນຊອກຫາມາດຕະການສ້າງ ແລະ ພັດທະນາເຄື່ອງໝາຍການຄ້າ, ເພື່ອຊ່ວຍຍົກສູງມູນຄ່າກາເຟ ຫວຽດນາມ.
(VOVWORLD) -ໃນສອງເດືອນຕົ້ນປີ, ການເຄື່ອນໄຫວລົງທຶນພາກລັດຂອງ ຫວຽດນາມ ມີຫລາຍຈຸດພົ້ນເດັ່ນ, ແຕ່ການລົງທຶນພາກເອກະຊົນ (ລວມທັງການລົງທຶນພາກເອກະຊົນຢູ່ພາຍໃນປະເທດ ແລະ ເງິນລົງທຶນໂດຍກົງຂອງຕ່າງປະເທດ FDI ຢູ່ ຫວຽດນາມ) ພວມຊັກຊ້າລົງ. ເຖິງຢ່າງໃດກໍຕາມ ເລື່ອງເງິນລົງທຶນຈາກງົບປະມານເພີ່ມຂຶ້ນ ແມ່ນສັນຍານຕັ້ງຫນ້າໃນການປັບປຸງພື້ນຖານໂຄງລ່າງເສດຖະກິດ - ສັງຄົມ ພ້ອມທັງເປີດແງ່ຫວັງຕັ້ງຫນ້າກ່ຽວກັບການດຶງດູດແຫລ່ງທຶນທີ່ມີຄຸນນະພາບສູງເຂົ້າ ຫວຽດນາມ ໃນໄລຍະຈະມາເຖິງ.
(VOVWORLD) -ຫນ້າຄວາມຫຍຸ້ງຍາກຫຼາຍຢ່າງໃນການເຄື່ອນໄຫວຜະລິດ, ດຳເນີນທຸລະກິດສົ່ງອອກຂອງ ຫຼາຍຂະແໜງສິນຄ້າຫຼັກທີ່ຖືກກົດດັນຈາກອັດຕາໄພເງິນເຟີ້, ເສດຖະກິດໂລກຕົກຕ່ຳ, ນັບແຕ່ຕົ້ນປີນີ້, ຂະແໜງອຸດສາຫະກຳ ແລະ ການຄ້າໄດ້ສ້າງຫຼາຍມາດຕະການ ເພື່ອບັນລຸເປົ້າໝາຍການເຕີບໂຕການສົ່ງອອກ ປະມານ 6% ເມື່ອທຽບໃສ່ປີ 2022 ແລະ ສືບຕໍ່ຮັກສາການສົ່ງອອກເກີນດຸນໄວ້. ພ້ອມກັບການຮັກສາບັນດາຕະຫຼາດເດີມ, ອົງການຄຸ້ມຄອງ ກຳລັງພະຍາຍາມຜັນຂະຫຍາຍປະຕິບັດຄຳໝັ້ນສັນຍາ ບັນດາສັນຍາການຄ້າເສລີ (FTA) ທີ່ຫວຽດນາມ ເປັນສະມາຊິກໃຫ້ເປັນຢ່າງດີ, ຕິດພັນກັບການຍູ້ແຮງການເຈລະຈາບັນດາສັນຍາການຄ້າເສລີໃໝ່ ເພື່ອເປີດກ້ວາງ, ຫັນຕະຫລາດສົ່ງອອກເປັນຫຼາຍຮູບແບບ.
(VOVWORLD) -ໃນປີ 2022, ຄາດວ່າ ລາຍຮັບຈາກບັນດາຜະລິດຕະພັນ ຊາ ຢູ່ ແຂວງ ທາຍງວຽນ ຈະບັນລຸກວ່າ 10.000 ຕື້ດົ່ງ, ເທົ່າກັບເກືອບ 500 ລ້ານ USD. ຮັບປະກັນຄຸນນະພາບບັນດາຜະລິດຕະພັນ ຊາ ບັນລຸມາດຖານ OCOP, ຍູ້ແຮງການສົ່ງເສີມດ້ານການຄ້າ, ພິເສດແມ່ນການຄ້າເອເລັກໂຕນິກ ຈະແມ່ນເສັ້ນທາງເພື່ອຂະແຫນງ ຊາ ທາຍງວຽນ ກ້າວເຖິງຄາດໝາຍບັນລຸລາຍຮັບ 1 ຕື້ USD ໃນໄລຍະຈະມາເຖິງ.
(VOVWORLD) -ເພີ່ມທະວີບັນດາມາດຕະການ ຮັບປະກັນການເຕີບໂຕການສົ່ງອອກ ແມ່ນຫນຶ່ງໃນບັນດາຄາດໝາຍເພື່ອແນໃສ່ສ້າງກຳລັງຫນູນໃຫ້ແກ່ການເຕີບໂຕເສດຖະກິດ ຫວຽດນາມ ໃນປີນີ້. ໃນສະພາບການເຕີບໂຕຂຽວ, ເສດຖະກິດ ໝູນວຽນ ພວມກາຍເປັນທ່າອ່ຽງ ແລະ ຄວາມຮຽກຮ້ອງຕ້ອງການໃນທົ່ວໂລກ, ຫວຽດນາມ ພວມພັດທະນາບັນດາລະບົບຜະລິດ ແລະ ການສະຫນອງການຄ້າສາກົນ ເພື່ອຕອບສະຫນອງຄວາມຮຽກຮ້ອງຕ້ອງການດ້ານເຕັກນິກ, ມາດຖານເຄັ່ງຄັດຂອງຕະຫລາດ ພິເສດແມ່ນຄວາມຮຽກຮ້ອງຕ້ອງການຈາກສັນຍາການຄ້າເສລີລຸ້ນໃຫມ່ (FTA).
(VOVWORLD) -ອຸດສາຫະກຳ ເວົ້າລວມ, ອຸດສາຫະກຳປຸງແຕ່ງ, ປະດິດສ້າງ ສືບຕໍ່ແມ່ນກຳລັງຫນູນເຕີບໂຕຂອງພື້ນຖານເສດຖະກິດ ຫວຽດນາມ ໃນປີ 2023. ຕໍ່ຫນ້າການກະທົບທີ່ບໍ່ສະດວກຈາກຕະຫລາດໂລກ, ຂະແຫນງອຸດສາຫະກຳ ການຄ້າ ໄດ້ມີຫລາຍມາດຕະການ, ໃນນັ້ນ ມີເລື່ອງເປັນເຈົ້າການກ່ຽວກັບແຫລ່ງວັດຖຸດິບຮັບໃຊ້ການຜະລິດ ແລະ ຊຸກຍູ້ບັນດາໂຄງການອຸດສາຫະກຳ ມີບົດບາດສຳຄັນໃນການເຄື່ອນໄຫວເພື່ອເພີ່ມກຳລັງຄວາມສາມາດການຜະລິດ.
(VOVWORLD) -ໂດຍໄດ້ຮັບຖືວ່າແມ່ນ “ເຄື່ອງໝາຍການຄ້າ” ຂອງ ນະຄອນ ໂຮ່ຈີມິນ, ໃນໄລຍະ 20 ປີຜ່ານມາ, ໂຄງການ “ຮັກສາສະຖຽນລະພາບຂອງຕະຫຼາດ” ໄດ້ສ້າງແຫຼ່ງສະໜອງສິນຄ້າໃຊ້ສອຍທີ່ຈຳເປັນໄດ້ເປັນປົກກະຕິ ດ້ວຍລະດັບລາຄາທີ່ຍາມໃດກໍຕ່ຳກວ່າລາຄາຕະຫຼາດ, ປະກອບສ່ວນເຂົ້າໃນວິວັດທະນາການພັດທະນາເສດຖະກິດ - ສັງຄົມຂອງນະຄອນ ໄດ້ເປັນປົກກະຕິ. ໂດຍອີງໃສ່ຜົນງານທີ່ບັນລຸໄດ້, ນະຄອນ ໂຮ່ຈີມິນ ໄດ້ວາງອອກຫຼາຍມາດຕະການຢ່າງມີປະສິດທິຜົນ ເພື່ອແນໃສ່ເປີດກວ້າງຂອບຂະໜາດ ແລະ ປະສິດທິຜົນຂອງໂຄງການ, ໃນນັ້ນ ເອົາໃຈໃສ່ເຖິງການຍົກສູງຄຸນນະພາບຜະລິດຕະພັນຕາມທິດປຸງແຕ່ງເລິກ.
(VOVWORLD) -ປີ 2023, ຂະແໜງການທ່ອງທ່ຽວຂອງ ຫວຽດນາມ ໄດ້ວາງເປົ້າໝາຍຮັບນັກທ່ອງທ່ຽວ ຈຳນວນ 110 ລ້ານເທື່ອຄົນ, ໃນນັ້ນມີປະມານ 8 ລ້ານເທື່ອຄົນ ແມ່ນນັກທ່ອງທ່ຽວສາກົນ. ເພື່ອປະຕິບັດສິ່ງນີ້, ການທ່ອງທ່ຽວ ຫວຽດນາມ ໄດ້ຜັນຂະຫຍາຍຫຼາຍມາດຕະການແກ້ໄຂ ເຊັ່ນ: ຍູ້ແຮງການໂຄສະນາ, ຍົກສູງຄຸນນະພາບຜະລິດຕະພັນການທ່ອງທ່ຽວ, ການບໍລິການທີ່ພັກອາໄສ, ພິເສດແມ່ນຫັນຕະຫຼາດການທ່ອງທ່ຽວເປັນຫຼາຍຮູບແບບ… ເພື່ອດຶງດູດນັກທ່ອງທ່ຽວສາກົນຫຼາຍກວ່າເກົ່າ.
(VOVWORLD) - ພ້ອມກັບເລື່ອງລົງທຶນອຸປະກອນທັນສະໄຫມ, ໝູນໃຊ້ດິຈີຕອນເພື່ອຍົກສູງກຳລັງຄວາມສາມາດຂຸດຄົ້ນ, ບັນດາທ່າກຳປັ່ນ ຢູ່ ຫາຍຟ່ອງ ໄດ້ເປີດຫລາຍການບໍລິການໃຫມ່, ເຊື່ອມຕໍ່ໂດຍກົງເພື່ອໃຫ້ສິນຄ້າຫວຽດນາມ ໄປຍັງທຸກຕະຫລາດສາກົນໃຫ້ສະດວກກວ່າ. ດ້ວຍການເຄື່ອນໄຫວນີ້ ທ່າກຳປັ່ນ ຫາຍຟ່ອງ ນັບມື້ນັບຢັ້ງຢືນທີ່ຕັ້ງເປັນປະຕູອອກສູ່ທະເລຂອງບັນດາແຂວງທາງພາກເຫນືອ ແລະ ແມ່ນຈຸດສຸມເສດຖະກິດທະເລຂອງທົ່ວປະເທດ.
