(VOVWORLD) -ຊຸມປີມໍ່ໆມານີ້ ການຄ້າເອເລັກໂຕນິກ ໄດ້ພັດທະນາຢ່າງແຮງ ດ້ວຍລະດັບເຕີບໂຕສະເລ່ຍ ແມ່ນ 30%/ປີ, ໄດ້ປະກອບສ່ວນຫລາຍຢ່າງໃຫ້ແກ່ເສດຖະກິດຂອງປະເທດຊາດ. ໃນສະພາບການໂລກລະບາດໂຄວິດ 19 ພວມຜັນແປໄປຢ່າງສັບສົນໃນທົ່ວໂລກນັ້ນ, ບັນດາວິສາຫະກິດ ຫວຽດນາມ ພວມໄດ້ນຳໃຊ້ການຄ້າເອເລັກໂຕນິກເຂົ້າໃນການສົ່ງເສີມ, ໂຄສະນາການຄ້າ ແລະ ຊອກຫາຄູ່ຄ້າ, ປະຕິບັດການພົວພັນທຸລະກິດຢ່າງມີປະສິດທິຜົນ.
(VOVWORLD) - ການນຳເຂົ້າສົ່ງອອກ ທາງໄກ ແມ່ນທິດກ້າວເດີນທີ່ຈຳເປັນໃນສະພາບແວດລ້ອມການດຳເນີນທຸລະກິດທີ່ມີການຜັນປ່ຽນຫລາຍຢ່າງ. ທີ່ເວທີປາໄສ “ຫັນເປັນດີຈີຕອນໃນຂົງເຂດນຳເຂົ້າສົ່ງອອກສິນຄ້າ” ໂດຍກະຊວງອຸດສາຫະກຳ ການຄ້າ ຫວຽດນາມ ສົມທົບກັບຫ້ອງການການຄ້າອຸດສາຫະກຳ ຫວຽດນາມ, ສະຫະສະມາຄົມການຄ້າເອເລັກໂຕນິກຫວຽດນາມ ຈັດຕັ້ງ ໃນສັບປະດາຜ່ານມາ ຢູ່ ຮ່າໂນ້ຍ, ບັນດາຜູ້ຊ່ຽວຊານ ພ້ອມກັບວິສາຫະກິດ ຢືນຢັນວ່າ: ການສົ່ງອອກ ທາງໄກ ແມ່ນກາລະໂອກາດເຊື່ອມຕໍ່ວິສາຫະກິດຫວຽດນາມ ຫລາຍແຫ່ງ ທີ່ມີຄວາມຕ້ອງການນຳເຂົ້າສົ່ງອອກສິນຄ້າຜ່ານຫລາຍເຂດຊາຍແດນກັບບັນດາວິສາຫະກິດທີ່ມີພື້ນຖານການພົວພັນຄ້າຂາຍ ທາງໄກ.
(VOVWORLD) -ໂດຍໄດ້ຮັບການຜັນຂະຫຍາຍນັບແຕ່ປີ 2012 ມາຮອດປະຈຸບັນ ລາຍການຮ່ວມມືພາກລັດ -ເອກະຊົນໄດ້ຊ່ວຍຊາວກະສິກອນຢູ່ແຂວງ ດັກລັກ ນັບພັນໆຄອບຄົວ ຍົກສູງສະມັດຕະພາບ ຄຸນນະພາບ ສວນກາເຟ. ການຮ່ວມມືພາກລັດ - ເອກະຊົນ ໄດ້ເປີດທິດເດີນໃຫມ່ໃຫ້ແກ່ຂະແຫນງຜະລິດກາເຟ ແລະ ພວມໄດ້ຕັ້ງຄວາມຫວັງວ່າ ຈະເປີດກວ້າງອອກໄປສູ່ຫລາຍຂະແຫນງອື່ນໃນຂົງເຂດກະສິກຳ.
(VOVWORLD) -ເພື່ອຫນູນຊ່ວຍວິສາຫະກິດຟື້ນຟູການຜະລິດຫລັງໂລກລະບາດໂຄວິດ 19, ນະຄອນ ໂຮ່ຈີມິນ ໄດ້ຜັນຂະຫຍາຍຫລາຍໂຄງການກະຕຸ້ນຄວາມຕ້ອງການ ດ້ວຍລະດັບໂປຣໂມຊັນກວ່າ 50%. ລາຍການດັ່ງກ່າວໄດ້ປະກອບສ່ວນຊຸກຍູ້ກຳລັງຊື້ໃນຊ່ວງເວລາວິສາຫະກິດປະສົບກັບຄວາມຫຍຸ້ງຍາກກ່ຽວກັບຕະຫລາດ, ຍ້ອນເຫດນັ້ນ ການຈຳຫນ່າຍສິນຄ້າຂອງບາງວິສາຫະກິດ ຈິ່ງມີການ ເພີ່ມຂຶ້ນ ແຕ່ 20-35%.
(VOVWORLD) -ຊຸກຍູ້ ການຄ້າ ແມ່ນແຜນນະໂຍບາຍ ໂດຍແຂວງ ຮຶງອຽນ ຜັນຂະຫຍາຍປະຕິບັດໃນຫລາຍປີມານີ້ ຜ່ານບັນດາງານບຸນ, ງານຕະຫລາດນັດ, ແນະນຳຜະລິດຕະພັນກະເສດພົ້ນເດັ່ນຢູ່ພາຍໃນ ແລະ ຕ່າງປະເທດ. ຍ້ອນເຫດນັ້ນ ເລື່ອງຈຳຫນ່າຍຜະລິດຕະພັນກະເສດຢູ່ແຂວງ ຮຶງອຽນ ແມ່ນມີຄວາມສະດວກກວ່າ ແລະ ມີຜະລິດຕະພັນກະເສດຫລາຍປະເພດຂອງທ້ອງຖິ່ນໄດ້ຮັບຄວາມນິຍົມຈາກລູກຄ້າຢູ່ພາຍໃນ ແລະ ຕ່າງປະເທດເປັນຈຳນວນຫລວງຫລາຍ. ປະຈຸບັນ ແຂວງ ຮຶງອຽນ ມຸ່ງໄປເຖິງເລື່ອງສົ່ງ ຜະລິດຕະພັນກະເສດຫລັກແຫລ່ງຫລາຍປະເພດຂອງແຂວງ ໄປຂາຍຢູ່ບັນດາຕະຫລາດຕ່າງປະເທດ ດ້ວຍວິທີການເພີ່ມທະວີການ ຊຸກຍູ້ ການຄ້າ ຜະລິດຕະພັນກະເສດ.
(VOVWORLD) -ສັນຍາການຄ້າເສລີ ຫວຽດນາມ - EU (EVFTA) ມີຜົນສັກສິດນັບແຕ່ວັນທີ 1 ສິງຫາ ຜ່ານມາ. ນີ້ແມ່ນກາລະໂອກາດໃຫຍ່ສຳລັບຂະແຫນງກະສິກຳ ແຂວງ ເຊີນລາ ເມື່ອມີຜະລິດຕະພັນກະເສດຫລາຍປະເພດຂອງແຂວງຄື: ຊາ, ກາເຟ, ໝາກມັງກອນ, ໝາກມ່ວງ, ໝາກລຳໄຍ.. ໄດ້ຮັບຄວາມນິຍົມ ແລະ ບັນລຸໄດ້ບັນດາໃບຢັ້ງຢືນແມ່ນຜະລິດຕະພັນປອດສານພິດຈາກ ເອີລົບ. ໃນໄລຍະມໍ່ໆມານີ້ ແຂວງ ເຊີນລາ ກໍ່ໄດ້ສົ່ງບັນດາປະເພດໝາກໄມ້ເຫລົ່ານີ້ເປັນຈຳນວນຫລາຍໄປຍັງ 12 ປະເທດໃນໂລກ.
(VOVWORLD) -ໃນໄລຍະ 5ປີມານີ້, ແຂວງ ພູດອຍເຊີນລາ ໄດ້ເປັນທີ່ຮູ້ຈັກເຖິງວ່າ ແມ່ນທ້ອງຖິ່ນພັດທະນາກະສິກຳ ດ້ວຍໝາກໄມ້ຫລາຍຊະນິດທີ່ມີທ່າແຮງສົ່ງອອກຄື:ໝາກລຳໄຍ, ໝາກມ່ວງ, ໝາກນອດ. ເພື່ອໃຫ້ຜະລິດຕະພັນກະເສດມີອິດທິພົນ ແລະ ກວມເອົາຕະຫລາດພາຍໃນ ແລະຕ່າງປະເທດ, ແຂວງເຊີນລາ ເອົາໃຈໃສ່ເຖິງການຍົກສູງຄຸນນະພາບຜະລິດຕະພັນ, ແລະ ປູກຕົ້ນໄມ້ກິນໝາກຕາມທິດປອດສານພິດ ພວມແມ່ນທິດກ້າວເດີນອັນຖືກຕ້ອງ, ປະກອບສ່ວນນຳຜະລິດຕະພັນກະເສດຂອງ ແຂວງເຊີນລາ ໄປໄກກວ່າ.
(VOVWORLD) - ທີ່ກອງປະຊຸມສະໄຫມສາມັນເທື່ອທີ 9 ສະພາແຫ່ງຊາດຫວຽດນາມ ຊຸດທີ 14 ດຳເນີນໄປຫວ່າງແລ້ວນີ້, ສະພາແຫ່ງຊາດຫວຽດນາມ ໄດ້ຮັບຮອງເອົາເລື່ອງໃຫ້ສັດຕະຍາບັນສັນຍາການຄ້າເສລີ ລະຫວ່າງ ຫວຽດນາມ ແລະ ສະຫະພາບເອີລົບ (EVFTA)ແລະ ມະຕິວ່າດ້ວຍການໃຫ້ສັດຕະຍາບັນສັນຍາອາລັກຂາການລົງທຶນລະຫວ່າງ ຫວຽດນາມ ແລະ ສະຫະພາບເອີລົບ (EVIPA). ນີ້ໄດ້ຮັບຖືວ່າ ແມ່ນກາລະໂອກາດດີທີ່ສຸດເພື່ອໃຫ້ຫວຽດນາມ ຍາດແຍ່ງບັນດາທ່າໄດ້ປຽບຂອງ EVFTA ພ້ອມທັງດຶງດູດເງິນລົງທຶນໂດຍກົງຂອງຕ່າງປະເທດຈາກບັນດາວິສາຫະກິດ ເອີລົບ.
(VOVWORLD) - ຍ້ອນຜົນກະທົບຈາກໂລກລະບາດໂຄວິດ 19 ສະນັ້ນ ຈຳນວນແຂກທ່ອງທ່ຽວມາຢ້ຽມຢາມເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ຫລຸດລົງຢ່າງແຮງ, ບັນດາບໍລິສັດທ່ອງທ່ຽວ ແລະ ບໍລິການພັກເຊົາຢູ່ ບັນດາແຂວງເຂດທົ່ງພຽງແມ່ນ້ຳຂອງ ໄດ້ປະຕິບັດຫລາຍໂຄງການກະຕຸ້ນຄວາມຕ້ອງການ ແລະ ສ້າງບັນດາຮູບແບບທ່ອງທ່ຽວໃຫມ່ ເພື່ອດຶງດູດນັກທ່ອງທ່ຽວພາຍໃນປະເທດ ແລະ ສາກົນ ມາຢ້ຽມຢາມເຂດດິນແດນແຫ່ງນີ້.
(VOVWORLD) - ພາຍຫລັງມານະພະຍາຍາມຫລາຍຢ່າງ, ສັນຍາການຄ້າເສລີ ຫວຽດນາມ - ສະຫະພາບເອີລົບ EVFTA ແລະ ສັນຍາ ອາລັກຂາການລົງທຶນ EVIPA ໄດ້ຮັບການຮັບຮອງເອົາຢ່າງເປັນທາງການຈາກລັດຖະສະພາເອີລົບ ແລະ ຄາດວ່າຈະມີຜົນສັກສິດໃນເດືອນ ກໍລະກົດຈະມາເຖິງ. ນີ້ແມ່ນກາລະໂອກາດອັນໃຫຍ່ຫລວງ ເພື່ອເພີ່ມອັດຕາສ່ວນໃຫ້ແກ່ບັນດາຜະລິດຕະພັນ ແລະ ວິສາຫະກິດ ຫວຽດນາມເຂົ້າຕະຫລາດ ເອີລົບ. ດ້ວຍການກະກຽມຢ່າງລະອຽດລະອໍ ພ້ອມກັບຄວາມເຂົ້າໃຈຢ່າງເລິກເຊີ່ງ, ບັນດາວິສາຫະກິດ ຫວຽດນາມແນ່ນອນວ່າຈະຍາດແຍ່ງບັນດາກາລະໂອກາດ ແລະ ແກ້ໄຂບັນດາສິ່ງທ້າທາຍໄດ້.
