នៅថ្ងៃទី ១៣ ខែតុលា រាជបណ្ឌិត្យសភាវិទ្យាសាស្ត្រស៊ុយអែត នៅទីក្រុង Stockholm បានប្រកាសថា ពានរង្វាន់ណូបែលផ្នែកសេដ្ឋកិច្ចឆ្នាំ ២០២៥ ត្រូវបាន ប្រគល់ជូនអ្នកវិទ្យាសាស្ត្រ Joel Mokyr (សាកលវិទ្យាល័យ Northwestern សហរដ្ឋ អាមេរិក) Philippe Aghion (សាលាសេដ្ឋកិច្ច និងវិទ្យាសាស្ត្រនយោបាយទីក្រុងឡុងដ៍ ចក្រភពអង់គ្លេស) និង Peter Howitt (សាកលវិទ្យាល័យ Brown សហរដ្ឋអាមេរិក) សម្រាប់ស្នាដៃពន្យល់របស់អ្នកវិទ្យាសាស្ត្រទាំង ៣ រូបនេះ អំពីកំណើនសេដ្ឋកិច្ច ដោយផ្អែកលើនវានុវត្តន៍។
នេះគឺជាពានរង្វាន់ចុងក្រោយនៃសប្តាហ៍ពានរង្វាន់ណូបែលឆ្នាំ ២០២៥។ រង្វាន់ណូបែលផ្នែក សេដ្ឋកិច្ចគឺជារង្វាន់តែមួយគត់នៅក្នុងប្រព័ន្ធនៃរង្វាន់ណូបែលចំនួន ៦ ដែលមិនត្រូវ បានលើកឡើងនៅក្នុងមរតកសាសន៍របស់អ្នកវិទ្យាសាស្ត្រ Alfred Nobel។ ពានរង្វាន់ នេះត្រូវបានបង្កើតឡើងដោយធនាគារកណ្តាលស៊ុយអែត (Sveriges Riksbank) ក្នុងឆ្នាំ ១៩៦៨ ដើម្បីលើកតម្កើងបេតិកភណ្ឌរបស់លោក។ រង្វាន់ណូបែលផ្នែក សេដ្ឋកិច្ចត្រូវបានផ្ដល់ចំនួន ៥៦ លើក ដល់មនុស្សចំនួន ៩៦ នាក់ ចាប់ពីឆ្នាំ ១៩៦៩ ដល់ឆ្នាំ ២០២៤ ដែលក្នុងនោះមានស្ត្រីតែ ៣ នាក់ប៉ុណ្ណោះ៕
