កម្មវិធីបណ្តុះបណ្តាលជួយអ្នកអភិវឌ្ឍន៍ AI ឱ្យយល់ពីរបៀបអនុវត្តមុខងារ AI ថ្មីបំផុតរបស់ Google; កសាងដំណោះស្រាយ GenAI ដើម្បីដោះស្រាយបញ្ហាប្រឈមជាក់លាក់នៅតាមមូលដ្ឋាននីមួយៗក្នុងប្រទេសវៀតណាម។
 ឧបនាយករដ្ឋមន្ត្រី លោក Nguyen Chi Dung និងគណៈប្រតិភូអញ្ជើញចូលរួមពិធីសម្ពោធជាផ្លូវការមនូវកម្មវិធី កសាងអនាគត AI របស់វៀតណាម - រូបថត៖ VGP/Thanh Huyen |
ថ្លែងមតិក្នុងពិធីនេះ ឧបនាយករដ្ឋមន្ត្រី លោក Nguyen Chi Dung បានវាយតំលៃខ្ពស់ចំពោះកិច្ចសហប្រតិបត្តិការរវាង NIC និង Google ក្នុងការលើកកម្ពស់ប្រព័ន្ធអេកូចាប់ផ្តើមអាជីវកម្មនិងនវានុវត្តន៍របស់វៀតណាមក្នុងវិស័យបច្ចេកវិទ្យាយុទ្ធសាស្ត្រ ជាពិសេស បញ្ញាសិប្បនិម្មិត។
“ខ្ញុំសូមស្នើឱ្យសាជីវកម្មបច្ចេកវិទ្យាធំៗទាំងក្នុងនិងក្រៅប្រទេស វិទ្យាស្ថានស្រាវជ្រាវ សាកលវិទ្យាល័យ ប្រជាជនគ្រប់ស្រទាប់វណ្ណៈ និងសហគមន៍អាជីវកម្មបន្តឆ្លើយតបនិងអនុវត្តគោលការណ៍និងការតំរង់ទិសលើការសិក្សា ការអភិវឌ្ឍន៍ និងអនុវត្តបញ្ញាសិប្បនិមិត្ត ដើម្បីបម្រើបុគ្គលម្នាក់ៗ អង្គការនីមួយៗ និងបម្រើខឿនសេដ្ឋកិច្ចទាំងមូល។ ជាមួយនឹងកម្លាំងពលកម្មវ័យក្មេង ថាមវន្ត ស្ទាត់ជំនាញបច្ចេកវិទ្យានិងនវានុវត្តន៍ សូមចូលរួមសហការគ្នា និងបញ្ជាក់ថា វៀតណាមត្រៀមខ្លួនជាស្រេចសម្រាប់ដំណើរការក្លាតជាមជ្ឈមណ្ឌលស្រាវជ្រាវ អភិវឌ្ឍន៍ និងអនុវត្តន៍ AI ថ្នាក់តំបន់និងពិភពលោក”។
លោក Marc Woo នាយកប្រតិបត្តិ Google Vietnam បានសង្កត់ធ្ងន់ថា ឱកាសដើម្បីអភិវឌ្ឍសេដ្ឋកិច្ចដែលដឹកនាំដោយ AI នៅវៀតណាមគឺធំធេងណាស់។ Google ប្តេជ្ញាផ្តល់ឱកាសបណ្តុះបណ្តាលស៊ីជម្រៅ និងពន្លឿនការអភិវឌ្ឍន៍ ជួយអាជីវកម្មវៀតណាមចាប់ផ្តើមនិងពង្រីកទំហំ រួមចំណែកធ្វើឱ្យវៀតណាមក្លាយជាមជ្ឈមណ្ឌល AI ឈានមុខគេក្នុងតំបន់៕
